Forskarane Jens Røyrvik og Kjetil Kristensen frå NTNU har samarbeidd med Haram Innovasjonsstudio og Haram vidaregåande skule i om lag eitt år. Dei har arbeidd med prosjektet ”Physual Designing” sidan 1999.
Physual er ei samansmelting av fysisk, visuell og virtuell arbeidsmåte. Studie av gode metodar for læring og samarbeid når ein er saman fysisk ved mellom anna å nytte visuelle hjelpemiddel er ein føresetnad for å få til effektivt virtuelt samarbeid.
Prosjektet i Haram er eitt av fleire prosjekt dei er engasjerte i.

(Les meir om ”Physual Designing” på www.physual.net).

Haram Designstudio ved Haram vidaregåande skule er eitt av fleire studio som er bygt for å prøve ut denne arbeidsmåten. Nye studio er under bygging ved Høgskolen i Ålesund og på Ålesund kunnskapspark. Professor Hans Petter Hildre ved Høgskolen i Ålesund har vore pådrivar for å få til dette, og han har tidlegare arbeidd med prosjektet i Trondheim.

Denne veka har forskarane møtt elevar og lærarar ved HVS. Forskarane har besøkt Haram kommune, Haram kompetansepark, Søviknes Verft AS og Rolls Royce Marine på Longva og i Brattvåg for å drøfte dekte og udekte behov for metodar og teknologi til samarbeid over avstand. Med globaliseringa har behovet for kontakt mellom personar som ikkje arbeider på same staden, auka sterkt dei siste åra. Bedriftene i Haram har medarbeidarar, kundar og leverandørar over heile verda, og god kommunikasjon er viktig for å lukkast.