Heim
Visjon
Administrasjon
Personale

Biblioteket
Boklister
Diverse informasjon
Mål- og tiltaksplan
Reglement
Skulerute

Storyline ved HVS
Utviklingsarbeid
Yrkesmessa

Kontakt HVS
Elevkvardagen
Kva skjer
Helsetenesta
Rådgjevar
Ut av klasserommet!
Skule + næringsliv
Faglege turar
Aktivitetsdagar
Studietilbod
Studietilbod ved HVS
(Revidert 2006)
Kunnskapsløftet 2006
Læreplanar (alle fag)





  Du er her: Utviklingsarbeid > IBD Skuleåret 2004/2005
Ungdomsbedrifta Global Connections ved HVS i aktivitet i Molde.

26.04.05

Læreplankonferansen "med innsIKT og utsIKT til ny læreplan"
Onsdag 26. april var det ein stor konferanse I Molde som handla om IKT i utdanninga. Konferansen vart kalla InnsIKT og UtsIKT, og omhandla erfaringar frå arbeid med IKT i skulen og det vart drøfta korleis IKT vil verte eit nyttig reiskap i skulen framover. Elevane frå HVS var deltakarar på programsida av konferansen og demonstrerte bruk av Design studio i læring og samarbeid. Dette vart svært godt mottatt av deltakarane, og det vil kome meir om konferansen – og Global Connections – i neste nr. av Skolemagasinet.

Digital kompetanse
Regjeringa si satsing på IKT i skulen vert kalla Digital kompetanse. Konferansen i Molde var eit tiltak for å få fram utfordringane som skulen har i dette programmet, og å vise god praksis som kan vere til inspirasjon og nytte. 300 lærarar frå Møre og Romsdal var samla i Molde for å arbeide med temaet.


Kursdeltakarar i Molde snakkar med elevar i Brattvåg
Malin (t.v. under) og Maren frå IBD-gruppa var på konferansen i Molde saman med lærar Torleiv Austnes. I Brattvåg var nokre av medelevane, Christoffer, Trine og Kine, samla i Design studio. Dermed var det opna for ein demonstrasjon av korleis ein relativt greit kan kommunisere "ansikt til ansikt" over avstand.

Elevane såg kvarandre, prata med kvarandre og arbeidde på felles dokument. Dette vart vist fram på storskjerm i Molde. Kursdeltakarane kunne sjå og høyre – og greitt kommunisere med elevane i Brattvåg. Elevane forklarte korleis tekologien verka på ein særs god måte. Bruk av felles dokument vart vist då Christoffer hjelpte Malin med å teikne inn grensene for dei norske fiskerisonene på kart. Begge kunne arbeide med kartet samtidig og dei såg og høyrde kvarandre slik at kommunikasjonen vart optimal.


Maren i samtale med medelevar i Design studio ved HVS.
(Bilete av elevane på storskjermen er diverre ikkje synleg her).

Nye læreplanar
I dei nye læreplanane for grunnskule og vidaregåande skule er IKT definert som grunnleggande dugleik på linje med lesing, skriving, rekning og bruk av munnleg språk. Det tyder at IKT er meir enn eit verkty for læring i skulen. Det er eit mål for skulen å gjere alle elevar til brukarar av IKT for å kunne leve i eit moderne samfunn.

UB Global Connection
UB Global Connections er ei ungdomsbedrift ved Haram vidaregåande skule som har kursing i bruk av digital kommunikasjon som forretningside. Den vesle bedrifta har gjennomført kurs for lærarar, og har elles hatt fleire oppdrag i tillegg til presentasjonen av ny samhandlingsteknologi i Molde. Til dagleg brukar elevane teknologi og metode i Haram Designstudio ved Haram vidaregåande skule.


Elevar kan!
UB Global Connection imponerte med flott presentasjon i Molde. Teknikken fungerte perfekt med klare bilete og god lyd. Etterpå vanka det mange spørsmål til elevane, og det mangla ikkje på at dei kunne gi gode svar! Til sist poengterte elevane at dette er arbeidsmåtar dei trur dei vil få nytte av i framtida – både i utdanning og i arbeidslivet!

Guttorm Ulla
- Leiar av Haram Innovasjonsstudio -


Kort innblikk i
- nokre av Global Connection sine kurs
- IBD generelt

Meir om konferansen:
- Møre og Romsdal fylke skriv ...
- Romsdals Budstikke skriv ...


Hovudsida