| |
Du er her: Faglege
turar > Ekskursjon til Haramsøy/Longva våren
2006
Ekskursjon til Haramsøy/Longva våren
2006
1AFB fortel;
Under denne to dagar lange ekskursjonen til Haramsøy/Longva
skulle vi lære oss meir om dyr, plantar og miljø
i ei økosystem. Vi skulle lære meir om kva
artar gjer for å tilpasse seg miljøet og
dei ytre faktorane i eit økosystem. |
|
Under ekskursjonen vart livet i fjøra brukt som eksempel.
Vi vart presentert for fleire typar strandmiljø, der
forskjellige artar av planter og dyr haldt til.
Kva vi fikk ut av den delen, har vi dokumentert i ein fyldig,
fagleg rapport til faglæraren vår. Mens her kjem
vår skildring av våre to døger ute i det
fri …
Ekskursjonen er i gong!
Turen tok til tidleg ein måndags morgon. Grunnkursklassane
frå allmennfag skulle på ekskursjon til Haramsøy
og Longva saman med 1.års TAF. Stemninga var høg
og optimismen råda, dei fleste vel uvitande om den lange
og harde sykkelturen som skulle kome. Bagasjen var lasta i
hengarar, og syklane vart sjekka ein siste gong, endeleg kunne
turen ta til. Presis klokka 09.00 trilla dei fyrste, heller
utrente syklistane, mot Skjelten ferjekai.
Ein knapp halvtime seinare var dei fleste syklistane samla
på kaia, om lag ein time før skjema. Tida vart
effektivt slått i hel med diverse steinkasting av enkelte,
mens andre nytta tida til å tørrtrene på
aktivitetane vi seinare skulle utføre på ekskursjon..
Endeleg kom ferga, og horden av ivrige elevar storma ho for
å kome fyrst til sveleutsalet. Etter ein 20 minutts
lang ferjetur, og ein 3-4 minutts lang sykkeltur, kunne vi
endeleg ta leirplassen i nærmare augesyn.
Leirplassen låg idyllisk til nede ved sjøen, der
det var grillplass og ei lita strand. Mange undra seg over kvifor
vi hadde med telt, sidan det var meir enn nok hytter til å
romme ein halv arme, i alle fall 60-70 elevar !?! Denne tanken
overskygga sjølvsagt ikkje eit av mennesket sine grunnleggane
behov, nemlig mat, eller rettare sagt mangelen på mat,
også kalla svolt. Ei rask matpause var då neste
post på programmet, før det blei pakka om til neste
aktivitet.
Høgdepunktet på turen –
fagleg sett
Aktiviteten som følgde var sjølve høgdepunktet
på turen. Ikkje få hadde gledd seg til den naturfaglege
biten av turen. Sjølvsagt var denne aktiviteten lokalisert
på Skuleøya, så ein ny sykkeltur var kravd.
Under denne turen var det dei fleste som byrja å kjenne
at det var ei stund sidan førre sykkeltur. Beinmuskulaturen
stivna raskt og sykkelsetet byrja også å gjere sin
”magi”, utan at eg skal gå nærmare inn
på dette. Etter om lag ei mils sykling kom vi fram til
området på Longva som var utpeika til boltringsplass
for økologisvoltne elevar. Også denne turen tok
kortare tid enn planlagd, noko som førte til ei forskyving
i programmet som igjen gjorde at vi også vart tidlegare
ferdig med forsøka våre. Utpå feltområdet
som var plassert på nordsida av Skuleøya vart vi
omsider delt opp i grupper og fordelt utover på dei forskjellige
strandsonene. Kvar gruppe fekk utlevert utstyr og passande litteratur
for å vere rusta til å utføre dei forsøka
og oppgåvene som skulle gjerast. Elevane starte ivrig
å leite etter forskjellige dyre og planteartar i si strandsone,
sjølv om enkelte brukte tida på å tjuvstarte
grillinga som etter planen skulle utførast om kvelden.
Forsøka og undersøkingane vart utført med
den yttarste flid, som du har sett, og med minst mogleg material-
og personskadar. Ein øydelagd mobiltelefon og eit par
skrubbsår, må reknast som eit lite offer i forhold
til den faglege innputten (på godt norsk).
Klare for retretten.
|
- heilt klare for det meste - |
Om lag 40 min før skjema vart feltdelen avslutta og tilbaketuren
til leirplassen påbegynt. Dei no relativt slitne elevane
blei tydeleg i betre humør då det blei opplyst
om at dei no hadde moglegheit til å bruke enda fleire
av dei hardt opptente pengane på den lokale matbutikken.
Turen tilbake verka med eit ikkje så håplaust lang
som før.
Nokon tok livet med ro og fikk med seg idyllen,
mens andre stressa på.
Nokon ramla (?), ...
|
men alle kom fram i god stand.
|
Vi kan det der med telt!
Endeleg var tida for å setje opp lavoar komen. Med stor
entusiasme og litt mindre flid, noko som seinare skulle vise
seg i løpet av natta, poppa lavo etter lavo opp i veret.
Jentene i 1AFA vart tildelt oppgåva å
setje opp lavoar.
|
Noko dei gjorde med liv og mykje moro.
|
 Vi
jentene i 1AFB fikk tildelt jentene sitt militærtelt,
for vi hadde gjort dette før med kroppsøvingslærar
Ravnestad før avreise.
Og her vi, sjefsriggarane!
|
Idyll! |
Etter litt grilling og sosialt samvær var det på
tide å fordøye dei nye inntrykka. Dei faglege ”innputta”
skulle ”utputtast” og seinare resultere i ein rapport.
Samstundes hadde nokre få heldig utvalde teke ein tur
tilbake til fastlandet for å spele juniorkamp mot Aafk.
Desse kom tilbake midt i rapportskrivinga. Svoltne som dei var,
gav dei likevel i veg med rapportane saman med gruppa si, og
venta med mat og grilling til lenger ut på kvelden.
1AF-blanding,
med arbeidshytta til 1AFA i bakgrunn |
Om lag klokka 00.00 vart elevane sendt på dør frå
hyttene; - kvelden hadde komen. Dei fleste innretta seg i lavoane
og gjorde seg klare for natta. Sjølv om nokre få
ivrige sjeler fortsette å steike pinnebrød på
den no middels varme grillen. Heldige som vi var, vart vi presentert
for mange forskjellige vertypar. I halv to-tida kom det særs
etterlengta regnet, og vinden som vi alle venta så spente
på. Sjølv om lavoane var solid laga, var dei ikkje
like solid sett opp. Etter ein halvtime kollapsa minst ein lavo
og fleire måtte ha naudreparasjon. Motet blei halden opp
av dei friske faglærarane som lageleg nok haldt til i
dei særs solide, tørre, og varme hyttene. Elevane
blei oppmoda om å klare seg så godt dei kunne, noko
dei også gjorde godt etter forholda.
Neste morgon …
Kl 08.10 blei elevane vekt med den glade meldinga ”no
er det berre 50 minuttar igjen til det er rapportskriving”.
Frukost blei raskt fortært og elevane kasta seg igjen
over oppgåva. Kanskje med noko mindre mot enn dagen før.
Så kom nyhenda vi alle frykta, viss vi skunda oss med
opprydjinga, kunne vi rekke ei ferje før. Så glade
som vi no hadde vorte i øya etter ei så koseleg
og fin natt, gjorde vi det vi kunne for å få vere
igjen der lengst mogleg. Dessverre rakk vi ferja og kom til
Skjeltene-ferjekai nokre minutt før klokka tippa halv
eit. No stod berre heimturen igjen og sjølvsagt rapporten
…
Med helsing ivrige elevar i 1AFB
Tilbake til:
Haramsøy/Longva
2006
Hovudsida
|
|
