Heim
Visjon
Administrasjon
Personale

Biblioteket
Boklister
Diverse informasjon
Mål- og tiltaksplan
Reglement
Skulerute

Storyline ved HVS
Utviklingsarbeid
Yrkesmessa

Kontakt HVS
Elevkvardagen
Kva skjer
Helsetenesta
Rådgjevar
Ut av klasserommet!
Skule + næringsliv
Faglege turar
Aktivitetsdagar
Studietilbod
Studietilbod ved HVS
(Revidert 2006)
Kunnskapsløftet 2006
Læreplanar (alle fag)





  Du er her: Faglege turar > Ekskursjon til Haramsøy/Longva våren 2006

Ekskursjon til Haramsøy/Longva våren 2006
1TAF fortel;

Måndag 22. mai 2006

I dag sto ca.50 forventningsfulle syklistar klare til å reise på tur til Haramsøya. Sekkane var pakka og klare, og veret var strålande.
Kunne det bli betre?

Brattvågerane sykla frå Brattvågen kl.08.45, medan vi i frå Søvika fekk søve eit kvarter lenger. Vi møtte opp på SPAR i Søvik, der mange nytta høve til å kjøpe seg frukost og andre ting (les: snop). Når klokka var 08.59 var vi så og seie klare til å sykle. Ferga skulle ikkje gå før kl.10.30, så vi hadde god tid til å beundre den vakre naturen på vegen.

På Skjeltene-fergekai
møtte vi på resten av den spreke gjengen som hadde starta sin tur i frå Brattvågen. Der sat vi alle og venta spent på ferga. Når vi hadde komt oss om bord i ferga valgte nokon å ligge på dekk og sole seg medan andre hadde ikkje heilt vakna og valgte difor å sløve nede i kafeen.

Når alle hadde kome seg på syklane sine, og vi hadde komt på land på Haramsøy, bar turen vidare til Austnes. Det var der vi skulle halde til. Når vi kom fram, sette vi frå oss bagasjen og fekk ein halv times pause. Under denne pausa tok dei fleste fram matpakka si og inspiserte dei to hyttene som hadde vorte leigd. Etter ein god halvtime samla dei tre lærarane våra, Hilde, Hanne og Arvid, oss for å dele oss opp i grupper. Etter at dei hadde delt oss inn, sendte dei oss avgarde gruppevis mot Longva. Denne ruta var lang og tung, og eg kan sei ganske sikkert at alle var svært så glade når vi hadde kome fram i 13- tida.


Naturfaglærarane våre;
- Hilde, Hanne og Arvid -
(Sistnemnde hadde på dette tidspunktet like lag sykkeltur bak seg som oss)

Feltarbeid i fjøra
Her fekk kvar gruppe utdelt sin post i fjøra. Dei forskjellege gruppene kunne havne på 3 forskjellege plassar. Gruppa vår havna på ein post som heite klippestrand. Dette leste vi i hefte vårt at tydde; - bratte, nesten loddrette bergveggar.
Vi vart sendt på baksida av ein knaus for å studere vår post. Det vi skulle undersøkje var eulittoralen (område mellom flo- og fjøremål).


Klippestranda vår, med flotte soneringar.

Med nasen vendt mot sjøen, dvs. mot nord
(bilete er tatt meir mot nordøst ...), såg det slik ut på fjøre sjø.

Vi gjekk iherdig til verket. Her fann vi alt i frå marebekk til stortare og ”kukelura”. (Dette kan spesielt innvidde lese vidare om i rapporten vi leverte inn). Vi fann og mange fjørepyttar, men det var ein som interesserte oss meir enn dei andre. Her fann vi masse liv og sjøplanter. Ei oppgåve som vi skulle utføre var å finne ei tangloppe og mate ei sjørose med den. Den oppgåva var svært så morosamt. Og det kom nokre saftige faktaopplysninga frå vår boklærde på gruppa, som t.d. at 90% av loppa sitt liv blir brukt til formeiring. Dette var noko som vi kunne forstå etterkvart som vi fann fleire lopper. Oftast to og to…

I løpet av tida som gjekk var det ingen som datt uti og heller ingen skade. Nokon hadde til og med laga eit lite bål og grilla kjeks.

Her ser du litt frå fotoseansen nede i fjørepytten vår.


Hjelpelitteraturen vart flittig brukt.
Her er "boksjefen" på gruppa vår.

Og her er feltarbeidarane,
i full gong med å studere fjørepytten.

Hesteaktinie,
og kalla "sjørose" eller "blodpupp"

Albogeskjell,
som eigentleg er ein snegl.

Denne karen festa seg
nærast kvar som helst ...

Nærstudium,
og diverre slutten for denne ...


Notere måtte vi og hugse på inne i mellom,

men artigast var det å krype rundt å utforske svaberga!
Spanande var det og, for det var glattare enn det ser ut til her ...
- Desse jentene er frå AF-gjengen, men vi samarbeidde bra :0) -


Den andre gruppa var, som sagt, plassert på blokkstrand, mens den tredje vandra utover sand-/blokkstranda litt vest for knausen vår. Her er blokkstranda:


Blokkstrandgruppa frå 1TAF ser du i lag med den gule prikken,
inst i bukta. Ser du dei?

Her er to av dei!

Sånn, da var alle tre på plass.

"Mens vi venter på fjøra"
ser vi slik ut :0)

- Har vi fått med alt no?

Og her er delar av sandstranda:

Retrett og oppsetting av base-campen
Når klokka nærma seg 16, byrja dei fleste å bli ein anelse rastlause. Så då var det på tide å sykle. Vi leverte inn alt utstyret til lærarane og heiv oss på syklane. Fotballproffane frå Brattvågen skulle rekke ei ferge kl.16.35 for dei skulle heim og spele ein kamp og sykla difor i ei rasande fart frå Longva. Medan andre tok livet med ro og sykla i ei søndags-tur-fart. På turen heim kjente vi at regndråpane byrja å kome, men desse forsvant når vi kom oss forbi Ulla- hammaren.

Når vi hadde kome oss fram til teltplassen vår vart vi delt opp i grupper som skulle slå opp telt. Sidan vi i TAF ikkje hadde fått opplæring i å slå opp lavo-/militærtelta (det viste seg seinare at ingen hadde tatt i mot opplæring i oppsetting av lavo …), fekk vi i oppdrag å lage til grillane. Desse skulle vi bruke seinare for å kose oss og lage mat.
Når klokka nærma seg 18, var det på tide med mat. Alle leita fram grillmaten og dei fancy grilldressane sine, så var vi klar! Det vart grilla alt i frå flintsteik, hamburgera og grillpølser til marshmellows og pinnebrød.


Ingen klasseskilje mens grilling pågår!


Vi jentene hadde laga oss fint til -

og hadde det verkeleg triveleg!

Læraren vår prøvde å spise
" standsmessig" ...

men lukkast ikkje heilt med det.
Men vi trur det smakte godt!


TAF-gutane spedde på med primus-mat.

Klokka 20.00 var alle så og seie rullandes mette, for det såg ikkje verre ut når vi skulle kave oss opp att til hyttene. No byrja regndråpane kome.

I den eine hytta skulle B- gjengen vere, medan i den andre vart det oss TAF’erane og A-klassa. I hytten skulle det lesast og skrivast. Det skulle skrivast rapportar i frå det som vi hadde funne i fjøra. Men det var svært mange Big Brother-tilhengjarar som satt berre å lurte på om det var Jessica, Richard eller Anton som skulle vinne BB 2006, for det var nemleg BB-finale denne kvelden. Alle hadde fått streng beskjed om at no var vi på tur, utan TV. Men med ein gong læraren forlot stua, vart det nok litt TV-sniking, ja.
Seinare på kvelden fekk vi høyre en del hyling. Vi som sat oppe på loftet denne kvelden forstod ikkje noko. Ikkje før vi høyrte kva dei verkeleg ropte; - JESSICA!! Då hadde den svenske blondina vunne. No var vel kan hende heller ikkje vi på loftet fullt konsentrerte rett heile tida, for vi tok oss i å mimre litt frå dagen, og vi var kome fram til at det var (omtrent) ingen som hadde dotte og slått seg. Mats sitt fall gjaldt ikkje, for alle skjønner jo at det ikkje går an å sykle ståande utan å bruke hender – og det gjer vi utan å prøve det først.

Rundt klokka 22 kom dei sporty fotballspelarane våra glade tilbake etter ein uavgjort seier. Dei hjalp oss å skrive ferdig rapportane. Når klokka var 23 var dei fleste klare i hovudet (og bakenden) etter ein lang dag, og det var ikkje så mykje konsentrasjon igjen. No kunne dei som ville, gå å legge seg. Ute pøsregna og bles det.

Dei fleste gjekk ut i telta for å kose seg med snop, medan andre sat inne og prata - eller såg TV.
Når alle hadde kome seg inn i telta for å søve, tok det ikkje lange tida før dei fleste hadde sovna tross i kulden, vinden og regnet. Med nokre små unnatak; - i det eine militærteltet, der alle gutane i 1A låg, hadde teltet byrja å blese opp og nokre barske karar måtte ut i regnet for å ordne på duken. I den minste lavoen, den med berre jenter, fekk dei seg ei overrrasking, ei veldig våt og kald natt. Lavoen deira bles rett og slett ned, og dei flykta over til ein av dei andre lavoane ...


Idyllisk, enn så lenge ...

23. mai 2006
Dei fleste vakna av seg sjølve ganske tidleg denne morgonen, andre måtte ha hjelp til å stå opp.
Det var ein veldig kald morgon, og nokre av oss kjente ein liten forkjølelse på vei. Vi fekk sløva oss inn til hyttene våre, og fekk i oss ein god frukost. Her stod faktisk TV’n på og det durte i veg med Svisj-musikk. Etter at alle hadde kome og vi hadde gomla i oss mat, var det på tide å skrive meir rapport. Vi rakk nok ikkje alt og fordelte arbeid til dagen etterpå, for då skulle alle rapportane inn.

Når klokka var halv elleve, heiv vi oss rundt for å rekke ei tidlegare ferge. Gruppa vår fekk i oppdrag i å plukke boss. Vi fann bl.a. skjerf og tjukkesokkar som nokon hadde forlagt. Nede på fjøra såg det ganske bra ut. (Det skuldast visstnok at to samvittighetsfulle lærarane hadde fått sjokk tidlegare på morgonen, og tatt ei skikkeleg ryddeorgie før vi andre kom til sans og samling igjen etter stormnatta. For vind, katter og måker hadde i godt samarbeid retteleg kost seg i løpet av natta med restane etter grillinga, som alle så pertentleg hadde samla saman kvelden før - riktig nok utan å knyte til bossekken …).

Dei andre gruppene fekk i oppdrag å rive ned dei lavoane som sto att etter natta, andre vaska hyttene og nokre rydda vekk grillane.

Ferga som vi skulle rekke, gjekk no kl 12:05. Vi sykla fort bort til fergekaia og vi hadde god tid, fann vi ut når vi kom fram. Det var godt å endeleg få kome på fastlandet igjen! På Skjeltene blei vi møtt med litt regn, men her fortsette sykkelturen for dei spreke, entan dei skulle til Brattvågen eller til Søvika, eller til og med heilt ut til Vatne. Medan andre, som ikkje var fullt så sprek, avslutta turen her og blei henta.

Med helsing oss i 1TAF


Tilbake til:
Haramsøy/Longva 2006

Hovudsida