Udine er ein liten by i regionen Frioli-Venezia Giulia, nord-øst i Italia. Og det er i dette området elevane våre vert utplasserte.

Verftet Fincantieri, Monfalcone

Haram vidaregåande skule

Aker Yards AS, Brattvaag

Regionen Friuli har eit maritimt miljø som i stor grad liknar på den maritime klynga vi finn i Møre og Romsdal, og i førebuingsfasen til utvekslinga til EuroShip fokuserte vi spesielt på rammevilkåra som ligg i botn for industriutviklinga i Italia og i Noreg. Dette vil vere ned på å skape større medvit om kvifor dei to områda kan drive med den same industrien sjølv om det finst ulike historiske og økonomiske føresetnader. Dette meiner vi er viktig for at elevane/lærlingane skal vere best mogleg førebudde på å kunne møte den regionaliseringa og internasjonaliseringa som skjer innanfor denne type industri, og slik legge grunnlaget for å takle framtida med auka krav til mobilitet og arbeidsgrupper sett saman på tvers av landegrensene.

Internasjonal arbeidsmarknad
I ein internasjonal arbeidsmarknad vert det viktig å kjenne til kvarandre sine kulturar. Dette vil vere spesielt viktig for denne elevgruppa som vi har knytt opp til Euro Ship. Dei 6 elevane frå Tekniske og allmenne fag gjennomfører ein studie- og yrkesførebuande utdanning. Desse er dermed framtidige arbeidstakarar som vil seinare truleg vert å finne innan ulike nivå i den maritime industrien. Likeins vil og dei med elektrobakgrunn vere aktuelle for fleire typar arbeid innan den same industrien.

Vi har etter kvart knytt tette band og skaffa oss god kontakt med den italienske skulen i Udine i Friuli.. Dei ansvarlege kontaktpersonane gjer ein grundig og god jobb, og prioriterer samarbeidet med Haram vidaregåande skule høgt. Haram vidaregåande skule ynskjer å halde fram samarbeidet med Italia, og er takksame for den velvilje bedriftene i nærmiljøet viser oss.

Både samarbeidsskulen vår i Italia og vi har fått høve til å utplassere desse studentane/læringane i samarbeidsbedrifter. Samstundes har det vore som elevane/lærlingane våre oppretthaldar lærlingløna si frå si eiga bedrift i Noreg i utplasseringsperioden. På same måte vil dei italienske elevane som kjem til våre bedrifter, oppretthalde eventuelle økonomiske tilskot frå eigen skule/bedrift.
Med andre ord; - utan å ha med oss dei ulike bedriftene på laget, ville det ikkje vore mogleg å gjennomføre prosjektet.