Visjon
Administrasjon
Personale
Biblioteket
Boklister
Diverse informasjon
Mål- og tiltaksplan
Reglement
Skulerute
Storyline ved HVS
Utviklingsarbeid
Yrkesmessa
Kontakt HVS
Kva skjer
Helsetenesta
Rådgjevar
Skule + næringsliv
Faglege turar
Aktivitetsdagar
Studietilbod ved HVS
(Revidert 2006)
Kunnskapsløftet
2006
Læreplanar
(alle fag)
|
|
Du er her: Utviklingsarbeid
> Leonardo Da Vinci-programmet - Prosjekt EuroShip
Leonardo Da Vinci-programmet - Prosjekt Euro Ship
Tjuvstart på skuleåret ...
Brattvåg 07.-08.08.06.
Søndag kveld landa tretten italienarar på
Vigra, klare for 3 veker i Haram. Dei tolv gutane er alle i
18-19-års alderen, og er ferdige med ei 4-årig utdanning
i Italia, tilsvarande vidaregåande i Noreg. Læraren
deira, Alessandro Paganin, fortalde at fleire skal snart ut
i arbeid, medan andre skal ta til på universitetsutdanning.
Måndag morgon møtte dei opp på Haram vidaregåande
skule. Bak seg hadde dei ei natt i sin nye "heim"
og ein norsk frukost var inntatt. Sjølv om dei har fire
års utdanning innan elektronikk og mekanikk, har dei ikkje
prøvd faget sitt i arbeidslivet før. Det var difor
ein spent gjeng som møtte opp for å få litt
praktisk opplæring før utplasseringsperioden starta
opp for alvor.
På skulen
var dei tatt vel i mot av Ivar Roald, prosjektleiar
og koordinator i prosjekt Euro Ship. Han gikk gjennom programmet
for dei næraste dagane, og informerte om praktiske og
nyttige opplysningar studentane måtte vite om, mellom
anna korleis dei seinare skulle kome seg til og frå arbeid.
Det var under denne delen av seansen enkelte av dei besøkande
sette store auge, då det kom fram at dei måtte stille
seg opp i rett tid for å nå bussen - hvis ikkje
fekk dei vente 5 timar før neste avgang ... Ikkje vanleg
kost for dei av studentane som var frå den meir sentrale
delen av Udine i Nord-Italia. Men kan hende var det berre godt
å få trekkje litt på smilebandet i flommen
av informasjon.
Prosjektleiar Ivar Roald
informerte ein lydhør gjeng i det lille auditoriet
ved HVS. |
Omvisning og praktisk arbeid hand i hand
Deretter vart det ei kort omvisning på skulen, før
gutane fikk møte faglærarane sine for dei neste
timane (dvs. to arbeidsdagar); - avdelingsleiar Eldar Korsnes,
faglærar Trond Gangstø (sveis) og Håkon Sæterøy
(maskinering).
- De skal få prøve dykk på montering, sveising
og andre oppgåver dykk vil møte ute i bedriftene,
fortalde avd.leiar Korsnes studentane. Tryggleik vil stå
i fokus ettersom mange ikkje har vore i arbeid i bedrift før,
forklarar han. Poenget no er å gjere studentane kjende
med ein annan type bedriftskultur enn det dei møter heime.
Maskinverkstaden.
Avd.leiar Korsnes demonstrerte og forklarte,
|
- og studentane følgde godt med,
medvitne om at i neste omgang var det deira tur til
å utføre jobben.
|
Alessandro Paganin (t.v.) var ein interessert samtalepartner
undervegs. |
Sveiseverkstaden.
Etter kyndig forklaring av faglærar Gangstø,
fekk studentane for fyrste gong prøve seg på
sveising.
|
- Det var artig, du! |
Ja, slik kan ein i alle fall tolke det utfrå
innleving og ansiktsuttrykk.
|
Lunsj på personalrommet.
Godt plassert kring "damebordet" på
personalrommet,
spiste desse karane fornøgde lunsjen sin. Trauste
karbonadesmørbrød
og rekesmørbrød fall godt i smak.
|
Samtalane gjekk livleg kring alle borda,
og gav ein eksotisk stemning i rommet for dei av dei
tilsette
ved HVS som var tilstades no i sommarferien.
|
Jau, det gjekk nok mest av Cola'n i denne gjengen
og,
men pærebrusen frå vår lokale Brænne
vart nøye studert og forsvann så, flaske
for flaske, etter som stadig fleire turde prøve
seg på nye smaker.
|
Vi fikk eit positivt inntrykk av våre gjester frå
Italia, motiverte, interesserte og særs høflege.
Fire av dei italienske elevane skal ha praksis på Rolls
Royce, tre på Mørenot AS, tre på Aker Yards
Brattvåg og tre på Aker Yards Søviknes. Vi
håper dei vil trivst, ønskjer dei lukke til i det
vidare arbeidet!
Tilbake til:
Prosjekt Euro Ship
Hovudsida
|
|
|
