Du er her: Elevkvardagen > Nissefest i regi 1HS, jula 2006


NISSEFEST I BRATTVÅG
30.11.06.

Kvart år arrangerer VG1 Helse & sosial nissefest for nokre av barnehageungane i Brattvåg. Torsdag 30. november gjekk den store festen av stabelen og det var stor "ståhei" i løa på Synnaland.


Tekst: Elise Fugledal og Karoline Slyngstad
Bilete: Ingegjerd Osvik

Førebuingane var store
Denne festen hadde vore planlagd i lang tid, og førebuingane var store.
Alt skulle planleggjast til punkt og prikke, og fleire skuletimar vart brukt til å finne ut kva som skulle hende, korleis alt skulle gjennomførast og kven som skulle ha ansvaret for dei ulike tinga. Elevane i 1HS kjende at julestemninga kom sigande då dei skulle ta til å øve på julesongane.

Besøk frå Nordøyane
Onsdag 29.11 og torsdag 30.11 var 9. klassingar frå Longva/Haramsøy og Lepsøy på besøk ved Haram VGS for å få eit lite innblikk i korleis det er å vere elev på helse og sosialfag (programfag til val).

Elevane ved 1HS hadde framføring om yrka som ein kan bli etter vidaregåande helse og sosialfag, og det blei også informert om innhaldet i kvart fag på denne linja. 9.klassingane tok også del i planleggjinga av nissefesten som dei skulle få vere med på dagen etter.

Nokre av 9. klasse-jentene klare til å vere med på Nissefesten

Nissefesten
Torsdag 30.november var dagen endeleg komen. 1HS og 9.klassingane hadde kledd seg ut som uskuldige, små nisseungar, og møtte borna med sang og ekte nisseglede.
Det vart servert graut, medan nokre elevar las juleforteljingar for borna. Etter kvart som tida gjekk var det tid for å gå rundt juletreet. Det blei sunge mange, velkjende julesongar, og no kom verkeleg julestemninga for fullt. Auga til borna glitra som julestjerner då dei fekk utdelt kvar sin mandarin. Dette var heilt klart noko som fall i smak hos dei fleste.

Her skal du få sjå kva som skjedde!
Når var, som sagt, alt gjort i stand, det var stor spenning i løa. - Finn desse barnehageungane fram når julesnøen manglar?, lurte nisseungane til Nissemor. Ikkje var dei heilt sikre på korleis slike barnehageborn eigentleg var heller. Det var nesten litt skummelt ...

Derfor sto Nissemor åleine i løedøra og kika etter gjestane.	Men rundt om i krikar og krokar sto nisseungar og venta ...
Nokre venta med eit stort glis ...	medan enkelte andre helst ville gjøyme seg vekk.
- Nei, sjå der! Er dei så små !?!	Likevel var ryggen til nissemor god å ha for lettskremde nisseungar.
- Menneskeborn kan nemleg verke skremmande for nissar, forklarte nissemor gjestane, i alle fall fyrste gongen i vinteråret. Men dei kom no fram, alle nisseungane, etter kvart.
Desse to og ...
- enda løa vart stappande full	av småfolk i lysande vestar.
God graut fekk dei, av sjølvaste Nissemor. Den var så god, den, at det nesten ikkje vart nok !
Djup konsentrasjon over grautfatet.
Nokre av borna åt grauten sin i lag med nisseungen Merethe.
Nisse-Sara las juleforteljing for dei små medan dei åt.
Noko som var så koseleg at alle stimla saman for å høyre betre,
Nokon trygt på vedstabelen,	nokon trygt på fanget til ei triveleg nissemor.
Song gjorde vi og !
Nisse-Malin fekk med seg nissefolk i songen.
Riktig koseleg var det i vedstabelen i løa.
Men alt har sin ende,	og ein nissefest i overgongen til desember.

Då mandarinane var oppetne og julehistoriene fortalde, var det tid for å rusle seg heimatt. Nissefesten var no over for denne gong, og borna tok gladeleg imot dei heimebaka julemannane som nissemor delte ut.

Dette hadde vore ei særs morosam oppleving både for store og små.

God Jul ! Med helsing alle nisseungane i 1HS.

Hovudsida

Andre nissefestar ved HVS - kik innom her,da vel!