Heim
Visjon
Administrasjon
Personale

Biblioteket
Boklister
Diverse informasjon
Mål- og tiltaksplan
Reglement
Skulerute

Storyline ved HVS
Utviklingsarbeid
Yrkesmessa

Kontakt HVS
Elevkvardagen
Kva skjer
Helsetenesta
Rådgjevar
Ut av klasserommet!
Skule + næringsliv
Faglege turar
Aktivitetsdagar
Studietilbod
Studietilbod ved HVS
(Revidert 2006)
Kunnskapsløftet 2006
Læreplanar (alle fag)





  Du er her: Kva skjer > HVS - eit Miljøfyrtårn, H07


Miljøfyrtårnsertifikat til Haram Vidaregåande skule

Dato: 04.10.07.
Tekst av: Birgitte Ringstad
Foto: Steinar Tharaldsen

Torsdag 4. oktober var det overrekking av miljøfyrtårnsertifikat på Haram Vidaregåande skule. Varaordførar Torleiv Rogne hadde i oppgåve å overrekkje sertifikatet som varer i tre år. I denne perioden vil miljøstatusen på skulen regelmessig bli sjekka. Held arbeidet i miljøkomiteen fram, og tiltaka betrar seg, vil sertifikatet bli fornya om tre år.

- HVS er med dette å rekne eit miljøfyrtårn i nærmiljøet -

Frå venstre:
Mona Æsøy Kvammen, Torleiv Rogne, Randi Løndal, Nanda Kristin Sæterøy,
Henrik Høyberg Aure, rektor Jøstein Taftø og elevrådsleiar Mariell Ulla Toven.
 

På Haram Vidaregåande skule inneber sertifikatet tre krav.
Det første er korleis skulen kan redusere sin utsetnad på miljøet globalt. Rektor på Haram Vidaregåande skule, Jøstein Taftø, har lært mykje gjennom sertifiserings-prosessen. Først tenkte han skulen var ei verksemd som ikkje forureina.
- Her driv vi jo berre med undervisning, seier Jøstein Taftø. Men utover i prosjektperioden har han lært om oppvarming, reinhald, sortering og ressursbruk.

Det andre kravet er at det skal bli eit godt samsvar mellom tiltaka skulen utfører, og helsa og miljøet som er på skulen. Slik at skulen skal blir ein betre læreplass.

Det tredje er at ein må lære ungdommen om miljøet i undervisninga.
- Der vi har flinke elevar, blir løysningane betre. Seier miljørådgjevar Øystein Solevåg.


Tiltak i miljøkomiteen
Til no har skulen byrja med kjeldesortering av papir, og oppvarminga på skulen har blitt datastyrt. Vaktmeistaren på skulen regulerer varmen på skulen i forhold til temperaturen ute. Då unngår skulen å kaste vekk energi. Dette skuleåret vil det bli satsa på å forbetre og få fleire miljøtiltak. Det vil bli gjennomgang av avfallsordninga i kantina, få fleire til å sykle til skulen/jobben og lærarane vil ha eit større fokus på miljø i undervisninga. Elevane skal også få ei oversikt over kvar ein bør gjere av avfallet sitt, som til dømes batteri. Rådgjevar til miljøkomiteen som arbeider for miljøfyrtårn ved skulen, Øystein Solevåg, synest samarbeidet har vore bra. Spesielt har elevane i miljøgruppa vore aktive, og kome med forslag til kva som kan bli betre.


Felles ansvar
- Sjølv om dei største problema må taklast globalt, så kan vi ikkje overlate det til andre. Seier Øystein Solevåg . Han fortel vidare at ein må ta ansvar for det ein utsett miljøet for, og bli meir viss på korleis ein kan redusere sine eigne utslepp. I Noreg kan femten prosent av norske klimautslepp kuttast lokalt i kommunene. Haram Kommune er godt i gong med 13 fyrtårnsverksemder. Der det er tolv verksemder frå næringslivet, fire barnehagar og no kom Haram Vidaregåande skule i tillegg. På landsbasis ligg kommuna på 8. plass etter folketal.


Vil du vite meir om:
Haram kommune
Stiftelsen Miljøfyrtårn



Hovudsida