Visjon
Administrasjon
Personale
Biblioteket
Boklister
Diverse informasjon
Mål- og tiltaksplan
Reglement
Skulerute
Storyline ved HVS
Utviklingsarbeid
Yrkesmessa
Kontakt HVS
Kva skjer
Helsetenesta
Rådgjevar
Skule + næringsliv
Faglege turar
Aktivitetsdagar
Studietilbod ved HVS
(Revidert 2006)
Kunnskapsløftet
2006
Læreplanar
(alle fag)
|
| |
Du er her: Skule næringsliv
> Karriererettleiing for Vg1 Studiespesialisering
Yrkesorientering for elevar på Vg1 ST
Våren 2008
I løpet av våren 2008 har elevane ved Vg1
Studiespesialisering fått litt meir innblikk i yrkeslivet
enn normalt for dette utdanningsprogrammet.
Som eit ledd i generell yrkesorientering, eller karriererettleiing,
har elevane vore på bedriftsbesøk i nærmiljøet
til skulen. - Interessant,
meinte elevane.
1ST-elevane har fått meir informasjon om dei ulike yrkesgrupper
innan større bedrifter og eit vidare innblikk i kva arbeidet
går ut på. Dei har og hatt fokus på korleis
utdanning/skulefagleg kunnskap vert nytta direkte eller indirekte
i yrkeslivet.
I løpet av vårmånadene har dei vore på
to besøk, eit hos Rolls-Royce Marine AS, avd. Deck Machinery
i Brattvåg og eit hos Aker Yards Brattvaag AS.
Aker Yards Brattvaag AS
- Vi vart mottekne i kantina, der vi fekk litt informasjon om
programmet for dagen, fortel elevane. - Besøket skulle
foregå i to delar, fyrst ei omvisning på den (nesten)
ferdige båten MV Volstad Princess, seinare få høyre
eit foredrag om Aker, og kva for jobbmoglegheitar som finst
der.
Einar Myklebust var ein av dei tre som skulle guide oss rundt.
Han fortalde at han sjølv hadde gått "allmenn"
i si tid, og om utdanningsvegen hans fram til no. Han fortalde
og litt om korleis båtane var då han starta opp,
slik at vi skulle få eit lite bilete av dei forskjellane
som er mellom datida og notida sine båtar.
Med hjelmar godt trykt ned på hovuda, gjekk vi ombord
i den gedigne Volstad Princess, der vi fekk sjå både
over og under dekk, inn i lugarar og styrehus, ned i maskinrommet
og inn i utruleg flotte opphaldsrom. - Vanvittig kva dei
får til! var eit av fleire imponerte utbrot undervegs.
Det slo det oss at folk arbeidde hardt, og samtlege verka stolte
over å få vise fram båten.
Tilbake i kantina fekk vi vite hva for jobbtilbod ei bedrift
som Aker har, og kor internasjonalt miljøet på
ein slik arbeidsplass er. Blant anna fekk oss høyre om
korleis det har vore for folk frå andre land og kulturar
å kome til ei bedrift som Aker Brattvaag AS.
- Vi fekk vite mykje vi ikkje hadde visst/tenkt over frå
før, det er sikkert! Besøket var alt i alt både
spennande og interessant, og vi takkar Aker for ein fin dag
og nyttig informasjon, avsluttar elevane.
Meir om MV Volstad Princess:
Naming
ceremony for MV Volstad Princess 31.05.08. ...
MV
Volstad Princess - levert før tiden ...
Rolls-Royce Marine AS, avd. Deck Machinery, Brattvåg
Å vere på Rolls Royce i Brattvåg var og ein
morosam og lærerik oppleving. Besøket vårt
var knytt til eit tverrfagleg prosjekt for klassen, der spesielt
samfunns-fag (internasjonale forhold) og engelsk (brukt som
fellesspråk i yrkessamanheng) var viktige element. Og
bedrifta hadde tydeleg tatt utgangspunkt i dette når dei
planla møtet med oss. Det heile var organisert med ein
informasjonsdel det vart snakka om bl.a. internasjonale forhold,
Rolls Royce-konsernet generelt og om bedrifta her i Brattvåg
spesielt. Deretter fortalde fleire arbeidarar om sine yrkesopplevingar
i ei internasjonal bedrift. Utfordringa for oss var at det heile
gjekk på engelsk.
- Det var kjempeinteressant å høyre på dei!
Og alle landa dei hadde vore i! Blant anna var det interessant
og morosamt å høyre innslaga som dei kom med, med
tildels komiske situasjonar og tabber dei sjølve hadde
gjort. Det meste som følge av språkvanskar og kulturforskjellar.
Litt av kvart å leggje seg på minne der ...
- Etter denne turen skjønte eg kor viktig engelsk (språk)
er for framtida vår, at det å kunne kommunisere
på rett måte og respektere kulturen til andre folk,
er eit av dei viktigaste tinga i eit internasjonalt arbeidsliv,
reflekterte ein av elevane i oppsummeringa etterpå.
Yrkesorientering er viktig
Med desse små glimta inn i lokalt næringsliv, har
nok horisonten til den enkelte utvida seg betrakteleg. Kanskje
kan det spore til meir inspirasjon i skulekvardagen også,
for det er langtfrå "bortkasta" det ein lærer
på vegen framover ...
Lokalt næringsliv ynskjer seg flinke fagfolk, folk med
vidsyn og fleksibilitet. Praksis i utdanninga er så absolutt
eit pluss. Difor opnar dei dørene for ungdom på
fleire måtar for å gje dei unge innblikk og vyer.
Haram vidaregåande skule set stor pris på dette,
då vi ynskjer å gje ungdommen den naudsynte ballasten
for å lukkast i livet.
Les også Klar
for yrkeslivet! (Av NRK-journalist Ragnhild Osnes Olsen)
Hovudsida
|
|
|
