Visjon
Administrasjon
Personale
Biblioteket
Boklister
Diverse informasjon
Mål- og tiltaksplan
Reglement
Skulerute
Storyline ved HVS
Utviklingsarbeid
Yrkesmessa
Kontakt HVS
Kva skjer
Helsetenesta
Rådgjevar
Skule + næringsliv
Faglege turar
Aktivitetsdagar
Studietilbod ved HVS
(Revidert 2006)
Kunnskapsløftet
2006
Læreplanar
(alle fag)
|
| |
Du er her: Faglege turar >
4TAF på studietur til CERN (Sveits) og Paris (Frankrike)
våren 2009
Ekskursjon til CERN 4TAF 2009
04.-08.05.09.
Måndag 4. mai reiste ein glad og humørfylt
gjeng tidleg om morgonen frå Vigra til Paris via Gardermoen.
Etter innkvartering på eit rimeleg hotell (Hotell Paris
Bruxelles) like ved Place de Republique og litt mat, vandra
vi den lange vegen ned til Seinen. Vi passerte Concorde-plassen
og Invalidedomen og var framme ved Eiffeltårnet tidleg
på kvelden. Alle saman var med opp til 1. avsats, medan
dei modigaste tok heisa heilt til toppen. Mats slo til med sjampanje
på toppen for å gjere stunda ekstra minnerik for
seg sjølv og andre…
Klasse 4TAF foran Eiffeltårnet,
våren 2009
F.v.: Mariell, Lene, Bjørnar,
Lisa, Fredrik, Elling, Magnus,
Åsmund(foran i midten), Mats, Sverre og Erlend.
|
Denne første kvelden var det heller kaldt, så vi
avslutta relativt tidleg og tok drosjer attende til hotellet.
På den eine drosja (med Sverre..) var franskuttalen så
dårleg at dei ikkje klarte å bestille tur attende
til hotellet, men vart køyrande rundt i Paris med ein
sjåfør som ikkje kunne engelsk. Med litt hjelp
frå underteikna fekk dei til slutt returnert til hotellet,
men det tok lang tid å prute prisen ned på eit nivå
som var akseptabelt… Klok av skade satsa vi på Metro
etter dette!
På tirsdag formiddag vitja vi ”Cite
des sciences et de l’industrie”, Paris sitt
vitskapssenter. Dette besøket var dessverre ein skuffelse.
Det viste seg at dei fleste tema vart presenterte for barn/elevar
på eit lågare alderssteg. Heile første etasjen
var eigentleg best for barneskulen. I andre etasje fann vi til
slutt ei utstilling om universet som nærma seg vårt
nivå. Dette veit vi til seinare…
Etter lunsj på tirsdag tok vi hurtigtoget (TGV) frå
Paris til Geneve. Hovudmålet for turen var jo CERN (Den
europeiske organisasjonen for kjernefysikk) som ligg i Geneve.
Etter fellesmiddag med pizza på italiensk restaurant og
ei natt på ei fint ungdomsherberge (sentralt), var vi
klar for ”The real thing”: CERN
Onsdag - den store dagen
Mark Tyrrell frå CERN tok vel i mot oss og held eit glitrande
og engasjert fordrag på ca ein halv time om CERN og forskinga
der. Vi såg ein instruktiv film, og så var det omvisning
på forskjellige ”cites” over bakkenivå.
Det aller helligaste, langt under jorda, var stengt for publikum.
Vi vart fortalt i detalj om akseleratorar og detektorar, om
superleiing og kjøleteknikk. Alt dette var midt i blinken
for TAF-elevar som har ein viss kjennskap til praktisk ingeniørarbeid
(røyr, sveising,osv)
Sverre viser oss ein modell av ein akselerator
med røyra for protonane i sentrum.
|
Ein Brattvågar, som har arbeidd mykje i CERN, Børge
Kile Gjelsten, hadde sett oss i kontakt med ein norsk stipendiat,
Erik Damli. Han tok godt i mot oss etter den offisielle omvisninga
i CERN regi.
Erik Damli viste oss CERN-kantina og spiste ein hyggeleg lunsj
saman med oss der. Etterpå heldt han ein times foredrag
spesielt for norske studentar på ”vidaregåande
skule”- nivå. Han fortalde også om løns-
og arbeidsforhold og reklamerte for det gode liv i Geneve…
Han forsøkte på ein lettfatteleg og pedagogisk
måte å fortelje oss korleis dei nye enorme maskinene
(akseleratorane/detektorane) kunne hjelpe fysikarane inn på
nytt territorium i utforskinga av materie, energi, rom og tid.
Eksotisk og spanande!
Vi ventar og trur at den nye akseleratoren (LHC) vil stadfeste/avkrefte
nye modellar/teoriar om både mikrokosmos og universet.
Dessverre gjekk det gale under innkøyringa i haust (hausten
2008, red.anm.) til stor frustrasjon for alle dei tilsette.
Arbeidet med reparasjon og forbetringar er i full gang, men
vil ta minst eit år! Det er kollosale datamengder som
kjem ut av dei framtidige eksperimenta, så vi ser vel
ingen resultat før om eit par år…
Den norske stipendiaten Erik Damli fortel oss engasjert
om arbeidet sitt,
og om muligheitane for norske studentar på CERN.
Rundt bordet sit Bjørnar, Åsmund, Fredrik,
Sverre og Mats.
|
Etter foredraget med Erik Damli vitja vi MicroCosm,
ei interaktiv utstilling for publikum (mest studentar og skuleelevar),
eit slags vitskapssenter inne i CERN komplekset. Vi gjennomførte
med bra stil sjølv om eg merka at enkelte no byrja å
verte trøytte… Når det er 25 grader ute,
med strålande sol og blå himmel og russeblod/hormon
som brusar, byr livet på mykje anna enn vitskap.
Dei siste timane i Geneve vart nytta på pub (gutane) og
shopping (jentene). Nokre av oss fekk også tid til ein
liten tur ned til den store vakre innsjøen ved Geneve
(Lac le Leman). Det bør også nemnast at Bjørnar
fylte 20 år på denne dagen, noko som skapte ekstra
motivasjon for fest og moro…
Erlend og Sverre gjennomfører/ser på
eit forsøk som er svært
vanskelig å gjennomføre i eit vanleg klasserom:
- Rutherford sitt kjende og banebrytande forsøk
der alfpartiklar frå ei radioaktiv kjelde (ikkje
akselerator!) blir sendt mot gullfolie.
|
Her er gjengen samlet på A. Einsteins gate
ved inngangen på CERN .
|
Så gjekk turen tilbake til Paris, etter en lang og velfyllt
dag. Vi alle treng nok litt tid for å kunnee fordøye
alle inntrykka frå CERN!
Ny dag, nye moglegheitar...
Torsdag morgon hadde mange problem med å møte til
avtala tid… Fleire hadde også droppa frukosten denne
dagen. Natta hadde tydeleg kravd sitt utan at eg kan gje noko
referat frå desse hendingane. Til slutt var alle samla,
og vi tok Metroen ned til Louvremuseet som stod først
på programmet. Målretta gjekk vi inn den nye inngangen
ved Glasspyramiden og fann relativt fort fram museet sine highlights:
”Mona Lisa” av Leonardo da Vinci, ”Venus frå
Milo” og ”Døyande slave” av Michelangelo.
Undervegs, mellom desse store, såg vi tusenvis av måleri
og skulpturar i eit av verdas største museum.
Etter Louvremuseet vandra vi til fots gjennom Tuilerihagen til
Notre Dame. Ein enkel lunsj på vegen - Crepes med skinke
og ost - ein ny, eksotisk rett for mange.
Etter ein halv time oppdaga vi ei øy på Seinen:
Ile de la Cite. Ei vakker perle med Note Dame som hovudattraksjon.
Kyrkja er eit gotisk meisterverk bygd over eit romersk tempel.
Pave Aleksander 3. la ned grunnsteinen i 1163 og kyrkja stod
ferdig i 1330. Eit fantastisk skue både innvendig og utvendig!
Alle samla utanfor Notre Dame
F.v.: Lene, Lisa, Mariell, Elling, Magnus,
Åsmund,
Sverre, Erlend, Mats, Bjørnar og Fredrik
|
Då! Endeleg!
Torsdag etter lunsj var programmet slutt, og elevane
splitta seg opp i grupper som gjorde akkurat det dei ville (innanfor
rimeleg grenser…) Nokre av oss vandra langs Champs-Elysees
og såg på folkelivet, medan andre shoppa. Shoppinga
vart gjort under kyndig rettleiing: Malin Blindheim frå
Brattvåg som er au Pair i Paris, viste dei interesserte
fram til dei rette gatene og forretningane. Kvelden vart avslutta
med ein felles middag for alle like ved hotellet. Nattelivet
veit eg lite om, men alle klarte å kome seg med flyet
tidleg fredag morgon.
Ein travel, lærerik og fin tur både for elevar og
lærar!
Arne Vågnes,
kontaktlærar 4TAI
Sjå også:
Andre faglege turar ...
Hovudsida
|
|
|
