Heim
Visjon
Administrasjon
Personale

Biblioteket
Boklister
Diverse informasjon
Mål- og tiltaksplan
Reglement
Skulerute

Storyline ved HVS
Utviklingsarbeid
Yrkesmessa

Kontakt HVS
Elevkvardagen
Kva skjer
Helsetenesta
Rådgjevar
Ut av klasserommet!
Skule + næringsliv
Faglege turar
Aktivitetsdagar
Studietilbod
Studietilbod ved HVS
(Revidert 2006)
Kunnskapsløftet 2006
Læreplanar (alle fag)





  Du er her: Faglege turar > EB2 på ekskursjonen til Ekornes, våren 2009


EB2-elevar besøker Ekornes

Mars 2009

I mars dro heile EB2-klassen innover til Sykkylven og Ekornes for å lære meir om innovasjon, produktutvikling og internasjonalisering.
Elevane var fordelte på tre grupper, som i eigne rapportar har gitt uttrykk for korleis dei opplevde dette bedriftsbesøket. Her kjem eit samandrag av tilbakemeldingane deira.


J. E. Ekornes AS på Ikornnes
med Sykkylvsbrua i forgrunnen

(Foto: NRK)


Kjekk og informativ ekskursjon!

Onsdag 25. mars reiste EB2-klassen til Sykkylven for å besøke Norden sin største møbelprodusent. J. E. Ekornes AS i Sykkylven er ei av produksjonsbedriftene i Ekornes-konsernet, og produserer i dag Stressless® stoler og Stressless® sofa.

Vi reiste med det formålet å få meir innsikt i emna innovasjon og internasjonalisering, få betre kunnskap om innovasjonsprosessen og etterkvart forstå kor omfattande den er.
Grunnen til at vi hadde valt oss Ekornes, er fordi dette er ei bedrift som kan stå som eit godt døme på akkurat dette med innovasjon og nytenking av nye produkt.
Les meir om Ekornes ...


God velkomst på Ekornes
Då vi kom fram til Ekornes, blei vi møtt av personalsjef Karin Håvik Eide, som guida oss fram til eit stort konferanserom der Arve Ekornes, direktør for produktutvikling, satt å venta på oss. På vegen dit vart vi vist gjennom enkelte delar av bygninga og fekk også sjå på ein liten modell over det kolosale Ekornes-anlegget. ved hjelp av det fekk vi vite kva som pågjekk i dei enkelte delane av bygget. Modellen synte også kvar produktet starta som ein idé, og kvar det gjekk gjennom produksjonen, heilt til det vart sendt ut frå hamna.

Inne i konferanserommet presenterte Arve Ekornes seg og si rolle som produktutvikler i Ekornes, før han gav oss litt meir fakta om konsernet. Han forklarte at innovasjon og internasjonalisering er viktig for ei bedrift som Ekornes, som bør vere ein aktiv aktør i marknaden. Det er difor viktig å kunne følgje med i korleis marknaden tar i mot produkta deira, og dei har eit detaljert system der dei følgjer med kvart møbel, og finn ut korleis dette ligg an på marknaden. - Sel møbelet mykje, utan å synke i verdi, er det bra. Visst det viser seg at det ikkje er slik, må ein ofte ty til nytenking og skape eit nytt møbel som kan erstatte det gamle, forklarte han.

Internasjonalisering er også viktig, fortalte Arve Ekornes. Ekornes-konsernet har eit stort internasjonalt marked, som sjølvsagt hjelper mykje på inntektsgrunnlaget. Likevel, det er lurt/viktig å vere allsidig. Ekornes lagar forskjellege møbel for forskjellege marknadsgrupper. Dei unge vel kanskje ein "moderne" Stressless som ser bra ut, medan eldre kjøparar kanskje går meir for komfort når dei skal velje Stressless. Det er også stor forskjell på kva folk i forskjellege land er villege til å betale for same vare. Han fortalte oss mellom anna at i Kina kostar ein Stressless kr 70 000, som vanlegvis ville kosta ca. kr 30 000 i Noreg. Dette viser kor mykje nokon er villig til å gi for ein komfortabel og stilig Stressless.


Arve Ekornes
direktør produktutvikling

 For betre å illustrere all informasjonen, fekk vi sjå ein introduksjonsfilm for Ekornes, der det mellom anna vart sett fokus på prosessen frå eit møbel berre er ein idè til møbelet faktisk blir produsert. I løpet av filmen fekk vi god innsikt i kor lang tid dette tar, kor omfattande ein innovasjonsprosess er og kor tidkrevande det kan vere å berre lage ein prototype som ein er fornøgd med.

Ekornes har valt å lage alle prototypar i i full skala, og det kan ofte vere nødvendig å lage mange prototypar før dei finn ein dei likar og som dei trur vil slå an i marknaden, forklarte Arve Ekornes langsmed.
Seinare fekk vi sjølve prøve ut dei ulike Stresslessane og andre gode møbel, og kunne på grunn av designen og komforten nesten skjøne at ein kinesar er villeg til å betale kr 70 000 for ein slik Stressless ...


Arve Ekornes haldt, som du ser, eit levande
og engasjerande foredrag for oss


Fabrikken blir kjenneteikna ved stor eigen-produksjon av komponentar.
Produksjonen omfatter sømavdeling, trekking/montasje, snekkeri/lakkering, produksjon og overflatebehandling av stålkomponentar, samt produksjon og formstøping av skumplast. Avdeling Vestlandske og Tynes produserer laminat til Stressless® og andre møbelprodukter. Mange år med dette arbeidet har gitt konsernet betydeleg spisskompetanse. Ekornes-konsernet er i dag organisert med Ekornes ASA som morselskap. Produksjonen blir utført av 7 spesialiserte fabrikkar i Noreg, og salget skjer gjennom eigne salgsselskap ute i dei viktigaste marknadene.

Etter filmen gjekk Arve Ekornes litt djupare inni dette med «flyten» i ei bedrift, og korleis dei kjem fram til ein innovasjon. Dette var svært interessant og vi fikk eit godt førsteinntrykk av både Arve Ekornes og bedrifta.
Han haldt også eit ganske så lite, men underhaldande foredrag om kor god ein Stressless kan vere, og at kvar familie må ha slike produkt heime hos seg for å få ein vellukka dag. I tillegg til dette lille foredraget viste han oss også nokon pc-bord som man kunne montere på desse stresslessane. Vi lot oss imponere, slik målet var.

Stilige produkt
Når presentasjonen og gjennomgangen var vel gjennomført, vart vi guida ut til eit område nært kantina, der det var ei fin utstilling av stresslessar i alle storleikar. Vi fikk lov til å prøve dei ut, og vi kjende det gjorde godt å setje seg ned i dei ganske så gode og komfortable stolane. Deretter sa Arve Ekornes at vi skulle gå omkring å kike, og så plassere oss attmed den stolen som gav det beste første inntrykket.
Dei fleste vart spesielt begeistra for den berømte Jazz-stolen, som hadde eit flott design og samtidig var veldig komfortabel. (Denne stolen har forøvrig vunne ein designerpris, så vi var ikkje dei første som fall for Jazz ...)


"Prøvesitting" var ein OK del av programmet ...

- og vi var raske til å innrømme
at mykje her var rett stilig!

Her er vi samla!
Og bak oss står personalsjef Karin Håvik Eide,
som følgde oss gjennom dagen på ein framifrå måte. TAKK!


Prøvesittinga kom derimot i feil rekkjefølge - då me fekk servert mat etterpå ...


Avslapping og litt diskusjon omkring det vi hadde opplevd,
tok vi i kantina på Ekornes.


Maten var god, og alle var godt nøgde då vi sette kursen heimover.


Opphaldet hadde vore innhaldsrikt og spanande!
Alle i klassa var samde om at denne turen var både svært kjekk og informativ.
Vi tykte at vi lærte mykje, samtidig som som det var eit kjekt opphald. Arve Ekornes var ein karismatisk og morosam mann, som klarte å kombinere både læring og humor på ein flott måte. Vi fekk ei god innføring i innovasjon og måten Ekornes-konsernet jobbar med dette temaet.


Vi takkar med dette for god mottaking,
med helsing
elevane i EB2 og deira faglærar, rektor Jan Magne Helland


Sjå også:
VKI Elektro ved Haram vgs. besøker Ekornes, våren 2007
Andre faglege turar ...




Hovudsida