| |
Du er her >>
Skule + næringsliv >> Motivasjonskurs for ingeniørutdanning
2003/2004
Norwegian recruitment course part 2 Stratford, England
Laurdag 14.2 – søndag 22.2 var
16 elevar frå Haram og Ulstein vidaregåande skule
samla på Vigra flyplass for å reise til England
for å gjennomføre siste del av motivasjonskurset
retta inn mot aktuelle søkjarar til ingeniørutdanning.
Reisemålet var Stratford-upon-Avon.
Avon er gallisk for elv og namnet tyder såleis
vegen over elva.
Vi gjekk om bord i Braathens 239 til Gardermoen, og ein time
seinare var vi klare for ny reise med SAS til London, Heathrow.
Etter eit kjapt flybytte, grunna mekanisk feil, kom vi til Heathrow
berre 30 min etter planen. Der vart vi møtt av Sprint
Line Coaches om frakta oss fram til Stratford og møte
med vertsfamiliane. Å få bo i vertsfamiliar, var
nytt av åreti dette kurset. Dei fleste elevane vart innplasserte
to og to, og dette var dei godt nøgde med.
Søndag
møttest alle kl 0900 for å gjere seg nærare
kjende med Stratford.
Biletet viser Shakespear sin fødestad.
|
Reiseleiarane studerte små
og spesielle detaljar -
|
på dei særprega byggverka.
|
Rett og slett naut den gode atmosfæra i byen.
|
Måndag
var det tidleg avreise til Coventry for å sjå på
fabrikkane til Jaguar. Jaguar var ei imponerande bedrift som
produserte om lag 250 bilar pr dag, og brukte 14 timar på
å bygge ein bil.
Ingen bilar vart produserte før dei hadde ein kjøpar,
og ingen delar vart produserte for lager.
Kven draumar ikkje om å vere eigar av ei bil
som denne? |
Gjennom vitjinga på Jaguar kom det fram at engelskmennene
var svært stolte av bilproduksjonen sin – sjølv
om Jaguar i dag er eigd av tyske Ford!
Eller kanskje denne fell betre i smak -
blant jentene?
|
Etter omvisinga vart det tid til ein kort tur i Coventry før
turen gjekk attende til dei ulike vertsfamiliane og middag.
Eit knips utanfor Jaguar før dei unge tok
seg ein
liten tur rundt i Coventry. Noko
dei sette pris på.
|
Tysdag
var det Design og make Prodjekt
i undervisningslokala til The Smallpeice Trust.. Smallpeice
Trust er ein frittståande organisasjon som har kundar
frå skular i heile Europa. Neste veke skulle dei ha vitjing
av elevar frå Spania.
I tillegg køyrer dei kurs for det private næringslivet..
Oppgåva denne dagen var å bygge ei bru som skulle
vere minst ein meter lang og kunne tole ei viss vekt. Elevane
vart delte inn i grupper på 4, og fekk deretter presentert
ein del rammefaktorar dei måtte ta omsyn til.
Brua skulle byggast av spagetti, og alt hadde sin pris. Nytta
dei limpistol eller tau vart det kostnader, og slik skulle
det illustrerast at brubygging måtte stå i høve
til kostnader, og at det ferdige produktet prismessig stemte
med kalkylane.
Før bygginga kunne ta til, måtte prosjektet
presenterast.
|
Sjølv om planer og skisser var klare nok,
så starten relativt kaotisk ut.
|
Men så vart det meir orden i kaoset.
|
Og etterkvart begynte bruene
|
å ta form i alle gruppene. |
| |
 |
Etter lunch var det Time Management –
noko som sikkert vi alle kan trenge frå tid til anna.
I denne sekvensen vart det fokusert på planlegging og
prioritering og kunsten å skilje ”urgent”
frå ”important”.
Frå forelesninga i Time Management.
|
Ivrige elevar i gruppearbeid. |
Dagen vart avslutta med felles bowling, og til slutt var det
middag hjå dei ulike vertsfamiliane.
Bowling med fres!
|
Onsdag
var den store dagen for å gjere ferdig bruprosjektet.
No skulle det avgjerast om kalkylane var rette , og om brua
kunne tole vekt.
Det var like spennande for alle når dei ulike
bruene vart testa. |
På bakgrunn av kompliserte utrekningar, med pluss og minus,
vart ein vinnar kåra – til overrasking for dei fleste
( men ikkje dei sjølve).
Vinnarane av bru-prosjektet! |
Vinnarane hadde bygd ei svært rimeleg bru – faktisk
billegare enn budsjettert. I tillegg tolte brua mykje sett i
høve til eigenvekta si. Den var bygd på kortast
mogleg tid, og tid er som kjent pengar.
Men dei andre hadde laga flotte bruer, dei og. Berre sjå:
Torsdag var det ny dag og Project
Management.
Det betydde ny konkurranse og ei innføring i Microsoft
sitt prosjektplanleggings-verkty. Oppdraget var å planlegg
alle arbeidsopperasjonane knytta til å sette i stand
ein engelsk hage. Her var tidsbruk viktig, og i tillegg fekk
elevane sjå korleis ein må tenkje dersom ein skal
gjennomføre eit prosjekt der ein er avhengig av mange
ulike yrkesgrupper og operasjonar.
 Før
arbeidsoppgåvene kunne matast inn i Microsoft
sitt program,
måtte alt planleggast ved hjelp av post-it lappar.
|
Om kvelden torsdag var det samling utanfor Royal Shakespeare
Theatre for vising av ”Beauty and the Beast”. Dette
vart nok ein svært positiv oppleving for både elevar
og lærarar.
Fredag
reiste vi til Warwick for å sjå nærare på
Warwick Castle. Eit imponerande byggverk med historie helt
attende til 1050. Spesielt for denne borga var at ho var eigd
av ei privat stifting - noko som er uvanleg for slike byggverk.
Som reiseleiarar i år stilte
Ivar Roald (HVS) og Sverre Bjåstad (Ulstein vgs.)
sporty opp.
Her står dei i toppen av slottstårnet og
ser ut til å trivast godt i jobben.
|
Warwick Castle
|
Utsyn frå tårnet ...
|
Innsyn i forgange tider og -
|
forhåpentlegvis - avlagte "skikkar" |
Mykje vart levandegjort for publikum under besøket.
|
| |
Etter lunch reiste vi attende til Smallpeice Trust for utdeling
av Certificates, og Derek Wiggins delte ut eit synleg prov på
at elevane hadde gjennomført kurset.
Representantane frå Haram vgs.
|
Representantane frå Ulstein vgs.
og bedriftsrepresentant Ingebjørg Rønning
(Rolls Royce) |
Laurdag var ein stor dag for mange.
Premiership og Wolverhamton – Fulham (2-1) med over 28000
til stades var ei oppleving. Ikkje eingong ein iskald nordavind
kunne legge dempar på stemninga.
Ulike situasjonar under den spennande fotballkampen.
|
|
|
|
Søndag
var det tidleg avreise med kurs for Heathrow. Reisa
gjekk etter planen, og om lag kl 1800 var vi attende til utgangspunktet
– Vigra flyplass.
Oppsummering
Elevane var samstemte på at dette hadde vore ein interessant
og lærerik tur.
Å kome inn i ein engelsk familie med deira vanar og skikkar
hadde vore lærerikt. I tillegg var den faglege biten godt
teken vare på gjennom Smallpeice Trust, og gjennom arbeid
sitt i grupper fekk elevane eit innblikk i ulik arbeids- og
tenkemåtar som kan vere aktuelle i eit framtidig arbeid.
Meir om kurset finn du i;
Hovudartikkel
om Motivasjonskurset,
- inkl. oversyn over fleire referat frå tidlegare kurs.
|
|
