Vi tykte det å ha bokmesse var ei fin erfaring og ei svært positiv forandring frå andre presentasjonsformer. Det blei ikkje så einsforming som presentasjonar ofte blir. Vi varierte som sagt godt, med både dramatisering, overhead og bokpresentasjon. Vi trur publikum likte det, for vi fekk god respons, spesielt på dramatiseringa vår.

Vi er svært fornøgd med samarbeidet, sjølv om det blei litt kort tid og stress på slutten. Vi burde ha tatt meir ansvar og gjort meir heime. Vi føler at presentasjonen var vellykka, og alt i alt er vi fornøgd. Det var også gøy å sjå på dei andre sine framføringar, nettopp fordi det var så variert. Vi er veldig positive til måten opplegget blei gjort på, og vi har fått auka leselyst! "

”Framføringa gjekk faktisk ganske bra, etter vår meining. Intervjuet med Erlend Loe slo an blant publikum, og berre ein viss ”God kveld, Norge”-parodi vart motteke med meir smil og latter.”

Vi føler vi fekk fram det vi ville seie, og kanskje fekk vi folk til å ville lese bøker av forfattaren vår: Lars Saabye Christensen? Og det var jo det som var poenget! Valet vårt av forfattar er vi alle svært fornøgd med. Alle tre bøkene vi leste gikk det fint å komme seg gjennom. Og å få til ein presentasjon ut i frå bøkene var heller ikkje noko problem. Forfattaren vår skriv på ein spesiell måte; mykje humor, språklege bilete og ironi blir brukt, og vi trur det gjer at det blir lettare å lese bøker, " skriv jentene som presenterte Saabye Christensen.

Dei valde å sjå forfattaren gjennom rolle-personane sine auge. Dei stilte opp som kvar sin hovudperson og let desse fortelje om innhald, konfliktar og løysingar, og avslutta så med si rollefiguren si personlege oppfatning av forfattaren.

Om bokmessa generelt seier dei;

" Dei andre framføringane var morosame og varierte. Ikkje nokon var like, slik som det ofte kan bli når vi har mange grupper. Bokmesse var ein god ide, og vi trur dei fleste likte det. "

Andre kommentarar plukka frå etterarbeidet


" Eg har i alle fall fått nye idear om korleis eg skal presentere framtidige prosjekt med tanke på at det var særs mange gode framføringar under bokmessa. Eg har også fått ei oversikt over mange gode forfattarar og gode
bøker. Det var spanande å sjå kor mykje andre elevar hadde fått ut av
særemnet."


"Eg synast at bokmesse er ein super måte å presentere noko slikt på, men det burde ha vore meir press på det på skulen, sjølv om eg veit at no er vi tross alt tredje klassingar og burde klare å legge press på oss sjølv. "


" Eg tykkjer at særemnet, og spesielt bokmessa, er ein flott måte å bli ”kjent” med bøker og forfattarar på, det einaste eg ville ha forandra på er min eigen forfattar. "


" Det har vore utfordrande å gjennomføre særemnet i norsk på ein utradisjonell
måte, kanskje skulle dette vorte prøvd ut også i andre fag. Det er absolutt
å anbefale.
Tips: Kanskje eit særemne der ein får lese utanlandske bøker også hadde vore interessant….? "


" Vi synast at bokmessa var grei, men det blei gjort for mykje ut av det. På ein måte ville vi heller likt at vi hadde særemnet på ein meir tradisjonell måte. Vi synast det heile blir litt for kreativt. Eit meir tradisjonelt opplegg ville nok passa oss betre. "


" Dette opplegget for eit særemne har eg aldri vore borti før. Men eg syns det var ein veldig fin måte. Men eg er ikkje personen som likar å lese bøker til vanleg, så det gjekk veldig sakte i byrjinga. Men etter kvart gjekk det betre og betre, og bøkene vart betre og betre. "


" Personleg så meiner eg at denne måten å leggje opp særemnet har vore genial og utradisjonell – og utfordrande, men lærerik. Vi har verkeleg fått bryna oss på problemstillingar og konfliktar, og utvikla evna vår til å reflektere over problemstilingar og ulike tema. Vi har møtt særemnearbeidet på ein forenkla måte i høve til korleis det har vorte gjennomført tidlegare år. Eg likte denne måten å leggje opp løpet på, og dette er så absolutt til å anbefale til komande år.   Det var og veldig kjekt å vere tilhøyrar på bokmessa, fordi det var interessant å sjå og høyre på alle dei ulike og kreative presentasjonane. Forfattarar og bøker vart presenterte på måtar som vekkjer interesse og leselyst hjå tilhøyrarane.

Vi hadde brukt noko tid på å utforme standen vår om forfattarane og trudde at det skulle vere meir tid til å gå rundt og sjå i kvarandre sine bøker og standar. Så til neste gong bør ein leggje inn tid til dette…"

" Eg synes denne vinklinga på særemnet har vore ei fin og ny løsning på noko som kanskje før var noko alle frykta. Vi hadde det kjekt, og vi fekk samtidig jobbe med ulike sjangrar innanfor skriving.
Når det gjeld bokmessa var alt litt uklart i starten. Kanskje fordi det var ei ny ordning. Men ellers så gjekk det flott, og det var kjekt å høyre om dei andre forfatterane og bøkene . Mange klarte å presentere ”prosjektet” på ein fantasifull og underhaldande måte. Eg trur bokmessa gjorde slik at ein måtte i større grad leve seg inn i bøkene og i forfatterskapet. "