| |
Du er her: Storyline
> OD 2004
Fordjupning i prosjekt OD
Valdsførebygging i Sør-Afrika
- eittfagleg prosjekt i norsk knytt til
Operasjon Dagsverk
Nov.-2004 |
|
Elevane i 1AF har i vekene
etter OD gjennomført ein STORYLINE
i faget norsk. Tema var valdsførebygging i Sør-Afrika.
Til saman vart 10 undervisningstimar nytta til prosjektet, som
inkluderte to framføringar undervegs. Prosjektet vart
avslutta med skriveøkt der oppgåvene var knytt
til temaet i prosjektet.
"Gruppa
di skal lage eit personkort om ein ungdom frå Sør-Afrika.
Denne ungdommen er knytt til ein av organisasjonane som er med
i OD sitt opplegg i år. Ungdommen er mellom 15 og 19 år
og er med i arbeidet for å førebyggje vald blant
ungdom i dei tøffaste områda i Sør-Afrika.
No skal gruppa di byggje opp personen som skal følgjast
gjennom storylinen."
Dette var første oppdrag for elevane i 1AF.
Lektor Ingunn Hellevik hadde rammene til 7 ulike livssituasjoner
klar til elevane sine. kvar gruppe trakk så (tilfeldig)
ut nosituasjonen til ein ungdom før dei sette i gong
med å skape personen med personlege data, utsjånad,
interesser og personlegdom. Livshistorie og familiesituasjonen
kom på plass. Likeins vikige hendingar i livet hans/hennar,
samt kva som engasjerer, provoserer eller gjer personen glad
i dag.
Kvar skjebne vart så fortald til resten av klassen ved
hjelp av forteljing, intervju og rollespel, supplert med Power
Point-presentasjonar som bakgrunn for det heile. I salen sat
og representantar frå administrasjonen og eit knippe andre
interesserte.
Så var det klart for neste oppdrag:
- Alle desse ungdommane som vart presenterte for publikum, var
no deltakarar i team som arbeider med å førebyggje
vald blant ungdom i dei tøffaste områda i Sør-Afrika.
Personen skulle, saman med teamet sitt, lage eit rollespel som
viser ein konfliktsituasjon, gjerne med utgangspunkt i ein episode
frå livet til personen.
Dette rollespelet skulle framførast for eit aktuelt publikum,
dvs. at elevane måtte tenkje ut kva for publikum eit slikt
team sannsynleg ville møte, og kva dei sjølve
måtte gjere for å treffe med bodskapen sin. Heile
tida måtte dei vere medvitne og ha fokus på at den
aktuelle konflikta skulle kunne løysast.
"Legg
vekt på å nå fram til målgruppa. Få
dei i tale. Få dei til å tenke og reagere. Gi dei
tru på at det nyttar. prøv å vekke framtidstru
og optimisme."
Ei ny framføring vart gjennomført. Kvar gruppe
viste stort motivasjon for saka. Dei hadde kreative og engasjerte
innslag, som ga publikum både noko å tenkje på
og smil om munnen.
-
Artig og lærerikt,
seier elevane etter siste framføring.
Gruppene var sett saman av lærar,
på tvers av venskap og geografisk busetting.
Inga hindring for trivsel og samarbeid!
Kjekt å samarbeide med nye folk, meldte
elevane.
|
|
|
 |
 |
Det var sju kreative og friske grupper som heiv seg over oppgåva.
Flott innsats av alle saman.
"Kjemp for det du har tru på!"
oppfordrar denne gruppa. |
- Ein god metode som gav idear. - Det var spennande å
leve seg inn i ein heilt nyskapt person, og lære om ungdom
som er like gamle som oss, men som lever i ein heilt anna del
av verda, sa elevane i 1AF under refleksjonsdelen på slutten
av prosjektet.
Samarbeidet, og det å bli betre kjende med medelevane
i klassen, var og tatt fram som positive sider ved prosjektet.
Likeins det å lære seg teknikkar ved framføring
og variasjonen opplegget opna for.
Elevane kom og med forslag til forbetringar. Desse var positivt
ladde, og viste at elevane reflekterte over kva dei hadde vore
med på og kva dei sjølve føler dei lærer
av. Som ein av elevane uttrykte det; - vi kunne brukt meir tid,
for da ville framføringane truleg blitt betre. Men det
er ikkje sikkert vi hadde lært meir ...
Faglærar noterte seg tilbakemeldingane, og vil ta desse
med seg i fortsettinga. For 1AF vil gjerne ha meir av same sorten
- og på vårparten blir det ein tverrfagleg storyline
med faga norsk og økonomi og informasjonsbehandling.
Det gler dei seg til, gjengen i 1AF.
Meir om STORYLINE
Hovudsida
|
|
