Du er her: Yrkesmessa 2007 > Artikkel


Stor aktivitet !

- Her er det 10 .klassingar som er på besøk hos 1MK -

Dette skuleåret kom det ei ny linje til Haram vidaregåande skule, Medium og kommunikasjon. Linja har kome godt i gong, og det var fleire besøkande som tok turen dit under yrkesmessa.

Av: Birgitte Ringstad, 1MK.

Rekruttering
- Medium og kommunikasjon på Haram vidaregåande skule verkar spanande, seier Rolf Espen Furnes. Han går i 10. klasse på Brattvåg ungdomskule, og har planar om å gå medium og kommunikasjon til hausten. Gjennom yrkesmessa føler han at han har fått meir informasjon om linja.

Medium og kommunikasjon ser også ut til å fungere godt ved skulen. Det har vore lite oppstartsproblem sjølv om linja er ny, og elevane har mykje ressursar dei kan bruke.

Lærerikt og morosamt
Medium og kommunikasjon er eit yrkesfag, men når det gjeld studiekompetanse er det likestilt med dei studiespesialiserande linjene, og elevane har høve til å fortsette på høgskular og universitet. Ei anna retning ein kan velje er å bli lærling som fotograf eller grafikar etter MK2, og deretter få fagbrev etter to år.

På Haram vidaregåande skule tilbyr ein eit treårig løp som ein vil få generell studiekompetanse av. No er det lagt inn fem timar ekstra første året for at allmennfaga matematikk og naturfag, skal bli gjort unna frå starten av. Desse fem timane får ein att siste året, då det vil bli meir mediafag.

Læring gjennom praksis
I år går det ti elevar på linja, og i samband med yrkesmessa har elevane synt arbeidet sitt for besøkande. For det meste 10. klassingar som snart skal velje kva studieretning dei skal gå til hausten.

Elevane på linja har fått praktiske oppgåver der dei har skrive portrettintervju, nyheitssaker, og laga kvar sin film. Her på yrkesmessa har dei ti elevane som prosjekt å “dekke” yrkesmessa. Det vil seie at elevane skulle skrive nyheitsartiklar, lage reportasjer og ein mini-dokumentar. Dette er eit døme på dei praktiske oppgåvene ein kan få på ei linje som dette.

Folk som var innom messa kunne og besøke klasserommet til 1MK-klassa, og sjå på arbeidet dei har gjort hittil i år. På eit lerret vart det synt filmar som elevane sjølv hadde laga, og på veggane hang det avissider.

Spanande og vanskeleg på same tid
- Kjempeflott tilbod!, seier ein engasjert Raymond Karlsen. Raymond som går 1MK, meiner linja både er lærerik og morosam på same tid.
- I tillegg har vi eit veldig godt miljø i klassa, smiler han.

Han konkluderer med at faget er spanande, og at det er mykje nytt og moderne dei får kunnskap om. Samstundes er det vanskeleg - for det er alltid noko nytt å lære og allmenfaga elevane har, er i tillegg arbeidskrevjande.

Raynond viser fram noko av utstyret elevane på 1MK-linja bruker.

Rolf Espen er klar for Medium og kommunikasjon til hausten.

Tilbake til:
Yrkesmessa 2007
Hovudsida