Du er her: Yrkesmessa 2007 > Artikkel


Kva elevane meiner ...

Utdanningsprogrammet
Teknisk- og industriell produksjon (TIP)

Joakim Rogne Kjærstad likar seg på TIP (Teknisk- og industriell produksjon). Han har tenkt til å bli mekanikar, fordi han elskar å skru på bilar.

Av: Raymond Karlsen

Guida runde for dei besøkande
10. klasse-elevane vart ønska velkomen til Yrkesmessa og HVS, før dei fekk litt generell informasjon om dei forskjellige yrkesretningane dei kunne nå via studietilboda ved HVS. Ungdomsskuleelevane blei så delte inn i grupper, og overletne til våre eigne elevar på første årssteg (vg1 ST), som guida gruppene til ulike demonstrasjonsrom på HVS.

Fornøgd 1TIP-elev
Inne på eit av dei mekaniske verkstadane finn vi Joakim Rogne Kjærstad, som går på Teknisk- og industriell produksjon (TIP).

Når vi spør om kva ein kan bli innan TIP, svarer han:
- Ein kan jobbe med maskineri, bli mekanikar, industriarbeidar eller gå vidare innan tømrarfaget. Vi har allmenne fag og produksjonsrelaterte fag på timeplanen vår, fortel han.Når vi spør om kva han vil bli, svarer han konkret at han vil bli mekanikar.

Om skulemiljøet har Joakim berre ein ting å seie: - HVS er ein genial skule med rikeleg av service og gode læremidlar, som gjer at skulen er ein triveleg og spennandes læreplass, seier ein strålande nøgd Joakim Kjærstad.
Han avsluttar med å seie at TIP har flest val for vg2 etter grunnkurs eller vg1. som det heiter no. Han peikar og på at det er innanfor mekanikarfaget det er lettast å skaffe seg lærlingplass etter fullført vg2.


Ikkje berre elevar og lærarar
Det var ikkje berre elevane og lærarane på HVS, som informerte om kva ein kunne bli. Bedrifter kom og til skulen og presenterte seg sjølve på Yrkesmessa 2007.

Nogva var ei av bedriftene som kom til skulen, og dei viste oss korleis motorane deira fungerte. Dei lærte og elevane korleis ein kunne demontere delane på motorane, og å setje dei på igjen.

MøreNot AS lagar blant anna garn og lin til fiskebåtar. Det var mange ungdomsskuleelevar som gjekk inn og såg på desse garna dei hadde lagt fram. Eit av garna elevane var spesielt imponert over, var trålgarnet. Lars Kaggerud ved MøreNot AS fortalde at garnet heisar gjenstandar, som er opptil fleire tonn tunge.

MøreNot AS lagar sterke tau, som kan heise gjenstandar på opptil fleire tonn tunge.

Johansen Maritime var og der.
Dei viste oss røra dei laga, og fortalde at dei la desse røra på alt ifrå store båtar, til veggar på hus. Johansen Maritime er ei av mange bedrifter som leigar inn arbeidarar heilt ifrå Polen kvart år. Det er til og med nokre av TAF-elevane på HVS som jobbar hos Johansen Maritime, får vi opplyst.



Forskjellige oppgåver avslutta fredagen
Etter at ungdomskuleelevane hadde vitja alle romma på HVS, fekk dei velje ei studieretning dei var spesielt interesserte i. Elevar frå alle studieretningar på skulen hadde tatt på seg å ta seg av ungdomsskuleelevane i denne økta, og å gjere dette praktisk og interessant for elevane.

Det såg ut til at alle elevane vi kika innom hadde ei minnerik yrkesmesse, og Haram vidaregåande skule ser fram til å sjå mange av dei som nye elevar på skulen neste år.



Tilbake til:
Yrkesmessa ein suksess i år og (Artikkel)
Yrkesmessa 2007

Hovudsida