Du er her: Faglege turar > Motivasjonskurs
for ingeniørutdanning 2001/2002
MOTIVASJONSKURS
2001/2002,
DEL 2 - ENGLAND.
Dato:
16. - 24.02.02.
Bakgrunn
For fjerde året har elevar med fagkombinasjonen 2FY-2MX
ved Haram vidaregåande skule og Ulstein vidaregåande
skule fått tilbod om "Motivasjonskurs for ingeniørutdanning"
der The Smallpeice Thrust, ei stifting med hovudsete i Birmingham
i England, er kursansvarleg.
Kurset går over 2 veker med ei veke i Norge først,
seinare ei veke i England. Bedriftene i Brattvåg og
Ulsteinvik er tungt inne både med omsyn til organisering
og finansiering. Elevane vert valde ut mellom dei som vel
matematikk og fysikk som linjefag ved skulane.
Deltakarane frå Haram vidaregåande skule og
Ulstein vidaregåande skule.
Det fine huset er Smallpeice Trust sine vakre lokalar
like ved Coventry |
Englandsturen 2001/2002
Deltakarar frå Haram vgs dette året var;
- Thomas Longva, Stian Driveklepp, Håvard Alstadsæter,
Svein Even , Marte Gangstad, Thomas Fjørtoft, Enis
Maksumik og Anne Lene Langøy.
Frå Haram vgs var lektor Arne Vågnes med som
reiseleiar. Paul Inge Røyset var med frå Ulstein
vgs, medan Inger Anne Moltu (Ulstein Verft) representerte
bedriftene. Turen varte frå laurdag 16.02.02 til søndag
24.02.02.
Nokre
av Haramselevane i eit utstillingsområde på
Jaguarfabrikken.
Fin bil, men ikkje akkurat siste modell!
|
Aktivitetar og program
Etter ein fridag med sightseeing og shopping i Stratford
og Birmingham var gjengen klar for den seriøse delen
av programmet på måndag morgon. Turen gjekk
inn til Coventry der vi fekk ei fin guida omvisning på
Jaguar bilfabrikk. Vi gjekk gjennom heile produksjonlinja
frå eit karosseriskal til ein ferdig bil. Dette var
handarbeid på høgt nivå! At bilen kostar
pengar forstår vi godt. Etter bedriftsbesøket
fekk vi tid til å sjå på Coventry som
hadde eit interessant sentrum med mange tilbod.
Fasaden
til Shakespeare sin barndomsheim
(1600-talet)
|
Dei mest interesserte lærarane
og elevane i hagen
til Shakespeare sitt gamle hus
|
På tysdag stod ein ny bilfabrikk på programmet:
Peugeot, som englendarane uttala på ein svært
underleg måte!
Her var opplegget heilt annleis. I staden for omvisning
vart elevane vist inn i eit undervisinglokale der dei skule
lage bilar av pappmodellar og selje vidare til kundar. Elevane
vart delte inn i grupper som skulle konkurrere.Vinnarkriteriet
var klart for alle: mest mogleg profitt! Prisen var avhengig
av kvalitet, så lærarane fekk den vanskeleg
oppgåva å sortere bilane.
Djup konsentrasjon med bygging av bilar. Kvaliteten
ser bra ut…
|
Teori og praksis
Etter bilbygginga på Peugeotfabrikken følgde
eit par dagar med teori og praksis i Smallpeice Trust sine
lokale i Leamington ved Coventry. Her fekk elevane lære
meir om Time Management, Project Management og Business Simulation.
Interessante tema som vi ikkje møter så ofte
i den vanleg skuledagen vår heime.
Gjennom heile kurset er det næringslivet sin tankegang
, terminologi og ideologi som danner eit tydeleg bakteppe.
Konkurranse som motivasjonsfaktor for læring er gjennomført
på alle praktiske øvingar.
Torsdagskvelden var det tid for litt andre verdiar - elevane
hadde teaterkveld i Shakespearesenteret i Stratford med stykket
"A midsummer night`s dream", (Shakespeare
sjølvsagt).
Vi må innrømme litt språklege problem denne
kvelden, likevel ei interessant og annleis oppleving! Ein
fin balanse mot dei andre delane av kurset.
Elevar
frå Ulstein vgs
|
Warwick
Castle
Fredag 22.02 var sett av til vitjing på Warwick Castle
ein times biltur frå ungdomherberget. Med eigen guide
fekk vi høyre om slottet/borga si historie gjennom
tusen år frå William Erobreren til den gloriøse
Viktorianske tida. Ein guide som vi vil hugse lenge! Utkledd,
engasjert og oppglødd tok han oss med rundt. At vi
var vikingar var eit moment som han kom attende til ved fleire
høve. Turen vart avslutta med ein liten spasertur til
sentrum av Warwick.
Bogemannen
på Warwick castle.
(Han var så begeista for ei av jentene frå
Ulstein vgs at han ville ha ho med heim)
|
Fotball!
Laurdag stod kun eit punkt på programmet: Ein ekte engelsk
fotballkamp med trøkk og stemning, helst Premier Leage.
Nic Erskine hadde jobba godt og skaffa oss billettar til kampem
Leicester - Derby på Filbert Street i Leicester.
Det var skrekkeleg kaldt, men ei stor oppleving.
Vi vart plassert mellom heimelaget sine tilhengarar og fekk
streng beskjed om å halde med Leicester! Etter kvart
scora dessverre Derby tre mål medan Leicester ikkje
fekk uttelling, så stemninga sank mange hakk på
vår del av tribuna.
Likevel; - Gøy var det.
På fotballkamp
|
Retur til Noreg
Søndag returnerte vi til Brattvåg og Ulstein
etter mange fine, morosame og lærerike dagar i England.
Les meir om:
- Motivasjonskurs
for ingeniørutdanning ...
- Andre faglege turar ved
HVS ...
Hovudsida
