| |
Du er her: Artiklar
Andre Torino-rapport
Første Torino-rapport
14.11.0
Teambuilding
Etter ei lang reise kom den veldig sjarmerande norske delegasjonen
fram til Torino. Frå Torino vart vi frakta til Pracatinat,
som ligg langt oppi fjella omlag to timar frå Torino.
Utsikt frå Pracatinat
Der vart vi innlosjerte på eit hotell som likna veldig på
hotellet frå The Shinning.(Film av Stanley Kubric basert på
roman av Stephen King) Laurdag og søndag gjekk med til teambuilding
som bestod av rare, morosame og ofte bisarre leikar for å
lære sine "medkomiteera" å kjenne samtidig som ein
skulle lære å stole på kvarandre.
Maten bestod for det meste av pasta, det meste betyr forresten
at alt bestod av pasta. Teambuildinga vart avslutta med ein
presentasjon frå kvar av komiteane om enten emnet deira eller
kva dei hadde lært under teambuilding.
Frå presentasjon teambuilding
Eurovillage
Etter å ha blitt frakta ned frå fjella vart vi sett av ved
Palastampa, som forresten ligg ved Juventus sin stadion. Inne
i Palastampa sette vi opp ein stand der vi hadde alskens godsaker.
Laksen var spesielt populær, og Noreg vart, i EYP-avisa, erklært
Europas kjøttspesialist med sin laks og spekemat. Fleire ville
ha nissane og trolla på standen og ein person tok faktisk
ein pakke fisk etter at Bjørnar beviste at han verkeleg ikkje
kan et ord på italiensk. Svenskane må også nemnast for sitt
store utval av godis, Ukraina for sitt øl laga av brød og
Romania for sitt "Water of life" som i følgje sikre kjelder
smaka som syre. På slutten framførte alle landa song eller
dans frå sitt land. Noreg briljerte med sin "Per Spelmann"
som seinare, nok ein gang i EYP-avisa, vart kjent som songen
som "tok ned" stemninga. Heilt tilslutt møtte vi vertsfamiliane,
som var hyggelige menneske.
Den norske standen
Den italienske standen
Komitearbeid og Torino
Torino er ein storby full av trafikk, menneske og enkelte
plassar pen arkitektur. Og den norske delegasjonen har bestemt
at offentleg transport er skit. Måndag starta med opningsseremonien,
der presidenten for denne sesjonen måtte opne sesjonen to
gongar på grunn av tre musikarar som spelte feil musikk.
Frå opningssermonien
Komitéarbeid har vore hardt, fritid er det lite av og diskusjonane
er veldig intense ettersom at enkelte er svært interesserte.
Under komitéarbeid har vi først ein "brainstorming"
der vi seier alt vi synest er relevant for temaet, så skriv
vi dei fem vi synst er viktigast, etter det samlar gruppa
dei saman og sett dei saman i hovudgrupper. Deretter diskuterer
vi hovudgruppene for å finne svaret til problemstillinga.
Når vi føler vi har funne "løysinga", set vi den saman i punkt
og bygger resolusjonen ut i frå dei punkta. Måndag og tysdag
gjekk med til brainstorming, samansetting av grupper og litt
diskusjon av hovudtema og seinare på dagen eit diskusjonspanel
der ein snakka mest om turisme. I dag, onsdag, gjekk med til
å diskutere ferdig, sette opp punkta og tilslutt lage resolusjonen
som blir presentert for dei andre i morgon.
Komitearbeid
"Opplevingar"
Toaletta i Italia må berre nemnast, dei er stort sett høl
i bakken med ein porselenskant. Det finst sjølvsagt nokken
normale, men dei er spredt strategisk utover heile Italia.
Bjørnar og Heidi viste sin ubestridelige intelligens ved å,
under si jakt på ein "Bankomato" , prøve å åpne døra til minibanken
ved å stikke minibankkortet inn i kortlesaren til døra, dvs
ein sikkerheits-kortleser. Dette er berre nokre av dei mange
opplevingane vi hadde, men å skrive dei alle ville tatt meir
tid enn eg har.
Meir kjem seinare.
Med vennleg helsing Torino-gjengen, spesielt Bjørnar som
satt oppe til langt på natt for å skrive ditta her.
Andre Torino-rapport
|
|
