| |
Du er her: Artiklar
Første
Torino-rapport
Andre Torino-rapport
Torsdag 14.11.02
Torsdag I dag var vi på "rundtur" i Torino. Det hølja ned
og det var iskaldt. Rundturen utvikla seg til ein "gjer kva
du vil" tur, der nokre shoppa, nokre gjekk på kafé og enkelte
faktisk for på rundtur.
|
La Mole Antonelliana
|
Bjørnar var veldig kontinental og gjekk
frå kafé til kafé. Til saman vart det vel heile to kafear.
Heidi og Synnøve gjekk "offisielt" seg vill, mens sannheita
var at dei eigentlig forsov seg. Kor Alice Jeanette tok
vegen veit berre ho og Erling var like mystisk. Etter
ein "strålande" rundtur var det tid for lunsj hos "Pizzarito-Pastarito",
som er Italias svar på McDonalds. Der fekk vi, overraskande
originalt, pizza. Deretter for alle saman tilbake til
Liceo "D'Azeglio" der vi fekk utlevert alle dei ferdige
resolusjonane frå komiteane.Vi fekk også vite korleis
vi skulle oppføre oss i "General Assembly" der vi skulle
diskutere og vedta resolusjonar. |
Seinare den kvelden vart det arrangert "Euroconcert" for
alle delegatar med vertsfamiliar. Innslaga var mellom
anna: Den irske delegasjonen med "She moved through the
Fair", Norske Simen Ellingsen, Kristine Ekeberg og sveitsiske
M.Carmenisch med "Girl from Ipanema"( som mottok ståande
applaus) og Franziska Reisch og Ferdinand Eibl frå Tyskland
med "Habanera from Carmen". |
|
"Euroconcert" |
Delegasjonsmiddag
Fredag 15-11.02
Første dag med "General Assembly". Dagen skulle starte tidlig,
men for dei som stod opp tidlig, vart det ein skuffing. Starten
vart sterkt forseinka og det tok ei god stund før vi kom i
gang. Og for dokke som ikkje veit det - å stå opp tidleg for
nokke ein ikkje trengte å stå opp tidlig for er ganske irriterande.
Dei fleste av dei åtte første resolusjonane gjekk gjennom,
men Marte frå Melhus sin komité fekk ikkje sin resolusjon
om barnearbeid gjennom. Men det var først da Heidi sin komité
ikkje fekk sin resolusjon om illegale immigrantar gjennom
at begeret rann over. Ein nærmast frådane Heidi for som ein
virvelvind gjennom heile bygget og dei fleste som stemde nei
held stilt om det. Spesielt Bjørnar. Heldigvis vart Heidi
gladare utover dagen, og utpå kvelden var ho glad som ei sol
igjen.
Frå "General Assembly"
Men lat oss snakke mat. Dei fleste tenkjer vel at varm mat
kvar dag i kantina må vere strålande. Vel - det gjeld ikkje
i Italia. Når ein først slepp unna pastaen oppdagar ein att
Italia ikkje er mykje til matland - til dømes ekle
grillspyd med steinharde pølser og kjøt med meir flesk enn
Dolly Dimples. Men i alt det ekle kan vi prise oss lukkeleg
for poteta - mennesket sin beste venn. Det finst faktisk poteter
i Italia og dei er slett ikkje så gale. Men eit tips heilt
til slutt: Viss nokon tilbyr deg gratis kantinemat frå Italia,
berre sei nei! Klok av skade inntok den norske delegasjonen
ein betre middag på ein lokalt pizzeria som veldig originalt
vart kalla "Mamma Mia". Det vart rett og slett ein italiensk
arten, kva no enn det måtte bety. Erling følte seg litt utilpass
i det Craig David tordna ut av høgtalaren på den massive tv-en
som alltid finst i italienske restaurantar. I morgon er det
siste dag med "General Assembly" og også dagen for "Farewell-party"
som vi har sett mykjel. Søndag er det: HOME! SWEET HOME!
Heidi og Synnøve analyserer Italia
Trafikklys betyr nokke heilt anna i Italia enn i Noreg;
-Grøn mann: Pass deg!
-Oransje/gul man: Run Forrest! Run! (Ta frå filmen om Forrest
Gump for dei som ikkje skjønte det)
- Raud man: Du er daud!
Å snakke ope om morsame og flaue hendingar er ein dårleg ide
under EYP. Det hamnar som oftast i EYP- avisa - noko både
Synnøve og Bjørnar har fått erfart. Detaljar kunne dessverre
ikkje oppdrivast på dette tidspunktet. Heidi har slept unna
ganske lett ved berre å bli omtala som den einaste som spela
trombone. Nok ein gong var Alice Jeanette og Erling mystisk
vekke frå det offentlege søkelyset.
Med venneleg helsing
Heidi, Erling, Bjørnar, Synnøve, Alice Jeanette og dei frå
Trøndelag.
Første
Torino-rapport
|
|
