Heim
Visjon
Administrasjon
Personale

Biblioteket
Boklister
Diverse informasjon
Mål- og tiltaksplan
Reglement
Skulerute

Storyline ved HVS
Utviklingsarbeid
Yrkesmessa

Kontakt HVS
Elevkvardagen
Kva skjer
Helsetenesta
Rådgjevar
Ut av klasserommet!
Skule + næringsliv
Faglege turar
Aktivitetsdagar
Studietilbod
Studietilbod ved HVS
(Revidert 2006)
Kunnskapsløftet 2006
Læreplanar (alle fag)





 
Artikkel frå Haramsnytt 02.12.03
Journalist: Lise Cathrin Istad

Vellykka foredrag av Richard Lewis Det er ikkje alltid så lett å gjere forretningar med utlendingar; engelskmennene snakkar i kodar og italienarane kjem aldri til poenget. Tysdag var næringslivsguruen Richard Lewis i Brattvåg for å brife næringsfolk på nettopp dette


Richard Lewis er ein internasjonal næringslivsguru med glimt i auge.
Med glimt i augo heldt engelskmannen Richard Lewis frå firmaet "Richard Lewis Communications plc" foredrag for ein halvfull sal på Haram vidaregåande skule tysdag. Alle som ikkje var til stades, spesielt dei som gjer forretningar med folk i utlandet, gjekk verkeleg glipp av eit interessant og lærerikt foredrag.

Dette var ikkje eit av dei foredraga der ein strevar med å halde augo opne. Mr. Lewis hadde publikum i si hule hand kvart eit minutt og forlangte gong på gong "feedback" (tilbakemelding) frå Haramsfolket.

Og det fekk han etterkvart, men vi nordmenn er ikkje av det mest pratsame folkeslaget i verda, skal vi tru Lewis. Men ved hjelp av mykje humor, fekk han publikum til å kome med innspel under foredraget. Dei som var tilstade var mellom anna tilsette ved Rolls-Royce Marine AS, Aker Brattvaag AS, Pyro AS og Aakre Mekaniske Verksted. Det var Haram Næringslag med støtte frå Roll-Royce Marine som arrangerte møtet med næringslivsguruen.

Kanskje studere IBD
Tidlegare på dagen heldt Richard Lewis omtrent det same vellykka foredraget for elevane ved Haram vidaregåande skule om mellom anna kulturforståing og språk. Dette blei gjort i samband med det nye studietilbodet som skulen fekk i haust, IBD (International Business Development).

- Vi fekk mellom anna sjå korleis han delte ulike land inn i forskjellige kolonner utifrå oppførselen til innbyggjarane der. Det var svært interessant å sjå kva som er typisk for dei ulike folkeslaga, seier Sybell Agathe Flem Rogne (16) og Christoffer Haukås (16) som går grunnkurs allmennfagleg ved Haram vidaregåande skule. Over nyttår kan dei søkje om å få studere IBD til hausten.
- Etter foredraget med Lewis vart vi meir nysgjerrige på dette studiet, seier dei to.

Sybell Agathe Flem Rogne og Christoffer Haukås ved Haram vidaregåande skule kan søkje om å få studere IBD frå og med neste haust om dei vil.

Etter foredraget med Richard Lewis har Christoffer bestemt seg for å søkje, medan Sybell ikkje er heilt sikker endå.

Vi er ulike
Richard Lewis har spesialisert seg på interkulturell forretningsforståing. Tysdag brifa han medlemmane i Haram Næringslag på korleis ein kan lukkast internasjonalt. Med seg hadde han kompanjongen Jacques Meon frå Frankrike. Dei to var i Ålesund og Haram for aller første gong.
- Det er måten vi oppfører oss på som avgjer kor vanskeleg eller enkelt det er å gjere forretningar med oss. Vi er forskjellige både når det gjelder korleis vi snakkar, måten vi snakkar på, kor ærlege vi er, korleis vi lyttar og så vidare, sa den verdskjende næringslivsguruen under foredraget.

Korleis oppføre seg?
Dei som snakkar mest i verda er italienarane, medan dei mest ordknappe er finnane, i følgje Lewis.
- Italienarane er kanskje ikkje alltid til å stole på, men dei er svært fleksible. Japanarane likar å halde ord og tyskarane er svært presise, meinte Lewis.
Å vite korleis ein skal oppføre seg når ein gjer forretningar med for eksempel engelskmenn er veldig viktig. Og ikkje minst korleis ein skal tyde dei.
- Engelskmenn snakkar i kodar. Dei seier ein ting og meiner det motsatte. Dette rett og slett for å vere høfleg. Seier dei "hm..det var ein interessant idé", meiner dei eigentleg "for eit dumt forslag". Eller seier dei "Vi må ha eit møte om den ideen din", så meiner dei "gløym det", sa Lewis.

Humoristiske nordmenn
Å kommunisere på tvers av kulturane er altså ikkje alltid så lett. I eit forretningsmøte startar nordmenn ofte med humor, men så er det viktig å kome kjapt til poenget. Vi er ærlege, pratar lite, er forsiktige og litt tøffe. Dei som er mest lik oss og dermed lettast å gjere forretningar med, er finnane. Svenskane blir sett på som ein smule trege, og dei meiner alltid at dei sjølve veit best.
- Og for danskane er det viktige med hygge, hygge og endå litt meir hygge i eit forretningsmøte, sa Lewis og fekk publikum til å le endå litt meir.

Pratar mykje
Italienarane og spanjolane er kanskje dei som er mest forskjellige frå oss.
- Italienarane snakkar så mykje at det ikkje alltid er så lett å skjønne kva dei vil fram til. Det er også viktig å halde augekontakt med dei, elles blir du sett på som uhøfleg og ikkje til å stole på. I Japan meiner dei det motsatte. Spanjolane er på ein måte lik italienarane, men dei er mykje meir følsame og lett å fornærme. Ein italienar derimot klarer ein ikkje å fornærme, sa Lewis. Og husk på; snakkar du med ein amerikanar er det viktig å vere kjapp. Tid er pengar!

Den store internasjonale næringslivsguruen, Richard Lewis frå England, sjarmerte publikum då han heldt foredrag tysdag på Haram vidaregåande skule.

Som takk fekk han bøker og vin av leiar i Haram Næringslag, Jan Petter Hagen.




 



- - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Les meir om IBD