| |
STORYLINE I SAMARBEID
MED LOKALT NÆRINGSLIV
JMH 4/02
Vi har arbeidd med eit opplegg i Storyline i
skuleåret 2000/2001 der næringslivet og
nærområdet har fungert som utvida læringsarena.
Elevane laga sin eigen familie eller enkeltpersonar,
som deretter fekk ulike utfordringar ut frå dagleglivet.
Eksempel på dette kunne vere at hovudpersonen
eller ein familiemedlem mista jobben, måtte skaffe
seg ny jobb, blei sjuk eller varig skada. I dei tilfella
der elevane hadde valt roller som framstilte personar
i ein negativ sosial situasjon, la vi inn element som
gav storyen ein positiv utgang.
I tillegg til bedriftene brukte vi også banker
og offentlege kontorer (arbeidskontor, trygdekontor
og kommunale tilsette) som ressurser. Desse gav tilbakemelding
om at dette ikkje gav dei spesielt ekstraarbeid. Dei
tok imot dei fiktive personane som ordinære
kundar/klientar. Nokre av dei fiktive personane blei
rett nok definert som krevjande kundar/klientar. Tema
for dei ulike storyen var forankra i læreplanane
i faget Økonomi og informasjonsbehandling,
og norsk. IKT var eit gjennomgåande verkty.
Etter at elevane hadde fått den grunnlærande
opplæringa både i Storyline metoden og
i IKT, fekk dei prøve seg som konsulentbyrå
og rådgjevarar i bedriftene. Dette opplegget
var svært fagleg krevjande, men dei fleste gruppene
kom i frå oppdraga på ein mesterleg måte.
Ein del elevar blei og trekt ut til alternativ eksamen,
der eksamensforma var lagt nært opp til arbeidsmåtane
gjennom året. Elevane leverte etter 54 timar
inn eit skriftleg arbeid, som dei seinare forsvarte
i plenum. I tillegg blei det lagt opp til ein gruppesamtale,
der elevane blei vurdert individuelt.
Hovudkonklusjonen frå dei som var involverte
i eksamensforsøket, var at dette var vellukka.
Tilbake til STORYLINE
|
|
