| Du
er her: Allmennfag>>Korleis velje fag? |
| |
KORLEIS VELJE FAG?
Modellen gir elevane større sjansar til å velje fag som
passar med evnene, interessene og framtidsplanane til
den enkelte. Slik kan skulegangen bli meir interessant
og givande og resultata betre, fordi ein får arbeide med
fag og emne som ein både likar og greier.
Somme elevar ønskjer å konsentrere seg om visse fag i
meir tradisjonelle fagkombinasjonar ut frå sine interesser
og behov, for eksempel realfag eller språkfag. Ofte vil
det vere ein fordel med slik fagleg fordjuping, for eksempel
i matematikk og fysikk.
For andre elevar vil det vere riktig å velje utradisjonelle
fagkombinasjonar, for eksempel ei blanding av realfag,
samfunnsfag, økonomifag og språkfag. Dette gjeld spesielt
elevar som ønskjer fagleg breidde, og som ønskjer å utforske
fleire ulike fagområde.
Andre elevar vil velje spesiell fordjuping innan nye fagområde
som mediekunnskap eller informasjonsbehandling.
Men større valfridom gjer det nødvendig å tenkje grundig
gjennom kva du skal velje. For at du skal få verkeleg
godt utbytte av den valfridommen skulen gir, bør du ha
tenkt gjennom kva du vil med skulegangen, og korleis dette
passar med framtidsplanane dine. Derfor er det viktig
å skaffe seg gode opplysningar om dei faga ein planlegg
å ta, og finne ut kva slags krav ein vil møte i utdanning
og arbeidsliv, etter fullført vidaregåande skule.
Alle vidaregåande skular har ei rådgjevingsteneste som
har til oppgåve å hjelpe elevane med slike spørsmål. Viktige
personar her er inspektørane AF, rådgjevaren og klassestyrar.
Det er likevel ikkje slik at alle elevar kan rekne med
å få oppfylt alle ønskje om fag. På grunn av timeplanen
kan for eksempel to fag "kollidere" med kvarandre og gjere
det umogeleg for ein elev å velje begge faga. Ved "kollisjon"
blir val som gjer at alle får oppfylt minimumskrav til
vitnemål prioritert. |
|
|
Felles allmenne fag
Studieretningsfag
- oversikt
Utdanning som
krev allmennfag
Valfag
Krav for å
få vitnemål
Korleis velje
fag?
Engelsk
Tysk
Framandspråk
som studieretningsfag
Fysikk
Matematikk
Kjemi
Biologi
Samfunnskunnskap
Politisk idehistorie
Organisasjonslære
Bedrifsøkonomi
Sosialøkonomi
Rettslære
Informasjonteknologi
Mediekunnskap
|
