Differensiering og tilrettelegging
i vidaregåande opplæring.

Aktivitet og spreiing
Aktiviteten innan Differensieringsprosjektet er omtala under dei ulike delprosjekt både her (sjå kvart enkelt prosjekt) og på heimesida til Læringssenteret. Dei fleste prosjekta er godt innarbeid i skulekvardagen, mens nokon få prosjekt har vi måtta ta ut eller endre på. Dette kjem fram under omtalen til kvart prosjekt.

Med tanke på spreiing, har vi hatt ulik fokus på delprosjekta. Dei av delprosjekta som ikkje fell saman med PILOT, har vi informert om via heimesida vår. Delprosjekt som er kopla opp mot PILOT, har i tillegg blitt rapportert inn til Læringssenteret i eigne rapportar, og nokon av desse igjen blitt omtala og/eller presenterte på diverse PILOT-konferansar. Det har og vore samarbeid med forskingsmiljø (ITU og Høgskulen i Volda) i høve enkeltprosjekt. Sistnemnde samarbeid held fram denne våren.

Elevmedverknad
Den generelle elevmedverknaden ved skulen har vore relativt låg fram til i år. Enkelte elevgrupper har vore sterkt involverte i arbeidet og kjenner godt til fleire av delprosjekta, mens andre elevar ikkje har vore informerte i same grad. Elevane har i ettertid gitt signal om at dei kjenner lite til prosjektet og kva det går ut på. Noko som og kom fram under spørjeundersøkinga ELEVINSPEKTØRANE i fjor. Dette skapte ein debatt i elevrådet om å gå aktivt inn i Differensieringsprosjektet, og elevrådet er nå mykje sterkare engasjert i prosjektet.

I inneverande skuleår har skulen eit engasjert og energisk elevråd. Dei har hatt representantar med på Differensieringskonferansen i Molde hausten 2002, og informerte etterpå elevrådsstyret og elevrådet grundigare om prosjektet.
Dei ønskjer nå å auke elevdeltakinga, og har i første omgong tatt fatt i Differensieringspakka. Det var tidlegare planlagt å gjennomføre ”Haustkampanjen” noko på etterskot, nærare bestemt medio januar, men det let seg dessverre ikkje gjennomføre. I staden vil dei arrangere eit plenumsopplegg med informasjon og filmframsyning.

Målsettinga deira er eit meir aktivt elevråd på generell basis og medvitne, aktive elevar i skulekvardagen.

Differensieringspakka
Elevrådet har samla sett filmen ”Slipp elevene til” med det resultat at enkelte elevar tok idear med seg inn i klassen og fortsette diskusjonen der. I ettertid har ei AF-klasse lagt ideane sine fram for klassestyrar og rektor, og denne klassen har nå lagt inn studietimar i timeplanen sin.
Elevrådet har planer vidare som bl.a. omfattar å vise film(ar) frå Differensieringspakka for alle elevane ved skulen.

Lærarane hadde ein studiedag med fokus på arbeidsformer og differensiering i høve halvårsplanlegginga rett etter nyttår. Alle lærarane fikk utlevert eit større utdrag av kompendiet, og med utgangspunkt i film 5 ”Om varierte arbeidsformer” og film 6 ”Om nivådifferensiering” var det lagt opp til gruppevis diskusjon/idemyldring i forhold til eigne fag og klassar, og ei oppsummering i plenum til slutt.

Vidareføring av prosjektet
Grunnlaget for endring i pedagogikk og arbeidsmetodar var allereie lagt ved arbeidet med PILOT. Kvart delprosjekt er ein naturleg del av den pedagogiske utviklinga ved skulen, og vil halde fram dersom det viser seg at resultata står til målsettingane og behova ein hadde når ein starta opp.

Vi har planer om, og arbeider med, ein systematisk oppbygging av arbeidsmetodar som gir meir elevmedverknad, og som i større grad vil omfatte alle elevar ved skulen.

Deltakarar i skulen si prosjektgruppe
Elevrepresentantar:
Kine Orheim Ulla (2A-Vk1 AØA)
-vara Lise Longva (1H-Gk HS)
Ruben Harsjøen Wilhelmsen (1D-Gk ME)
-vara Johan Roaldsnes (3I-Vk3 TAF) Lærarrepresentantar:
Leif Domås
Eldar Korsnes - inspektør II
Prosjekt-koordinator:
Jøstein Taftø - rektor, tlf. 70 20 96 05,
- vara Hilde K. Aasgaarden – inspektør II. tlf. 70 20 96 10,
e-post: Hilde.Aasgaarden@mr-fylke.org


Differensieringsprosjekt skuleåret 2001/2002

Deltakarar i skulen si prosjektgruppe
Elevrepresentantar:
Ingrid Klokk (2B-Vk1 AA)
-vara Line Frostad (2A-Vk1 AA)
Jon O. Slyngstadli (2B-Vk1 AA)
-vara Henning O. Koppen (1D-Gk ME ) Lærarrepresentantar:
Leif Domås
Hallgeir Kvinnesland
Eldar Korsnes - inspektør II
Prosjekt-koordinator:
Jøstein Taftø - rektor, tlf. 70 20 96 05,
e-post: jostein.tafto@mr-fylke.org

Hent rapporten i Word-format