Visjon
Administrasjon
Personale
Biblioteket
Boklister
Diverse informasjon
Mål- og tiltaksplan
Reglement
Skulerute
Storyline ved HVS
Utviklingsarbeid
Yrkesmessa
Kontakt HVS
Kva skjer
Helsetenesta
Rådgjevar
Skule + næringsliv
Faglege turar
Aktivitetsdagar
Studietilbod ved HVS
(Revidert 2006)
Kunnskapsløftet
2006
Læreplanar
(alle fag)
|
Ha ein energigjevande
og god sommar !
Så treffast vi fyrste skuledag,
onsdag 20. august 2008. |
|
Siste skuleveke har eige program
Veke 25, 2008
Måndag 16. juni
Eksamensavvikling - siste dag
Elevar som ikkje skal opp til munnleg denne dagen har fri i
dag
|
|
Tysdag 17. juni
AKTIVITETSDAG
- VOLLEYBALL/FOTBALL
Kl 0800 Oppmøte
Kl 0815 Start fyrste kamp i Brattvåghallen
Kl 1100 Pause
Kl 1130 Start fyrste kamp på kunstgrasbana
|
|
Onsdag 18. juni
ÅRSAVSLUTNING
2007/2008 på HVS
Kl 0900 Oppmøte i basisgruppene
- Oppsummering av skuleåret
- Utlevering av standpunktkarakterar
Gjeld
ikkje avgangselevar! Dei møter opp direkte i auditoriet
Kl 1000 Filmrevy i auditoriet ved 1MK og 2MK
Kl 1045 Markering i kantina
- Servering av mat og drikke
- Premiering og underhaldning
- Markering for avgangselevane våre
Kl 1300 Slutt
|
|
Torsdag 19. juni
Samtaledag/avslutning
tilsette
Kl 0900 Alle faglærarar er tilgjengelege for elevar som
vil samtale om standpunktkarakterar
Kl 1130 Avslutning for alle tilsette ved Haram vidaregåande
skule |
|
Eit yrkesbrev - gull verd i yrkeslivet
for ingeniørar
NRK-oppslag 08.07.08.
- Fredag 04.07.08. vart det lagt
fram tal på nasjonalt plan som viste at heile 60 prosent
av leiarane i private og offentlege føretak meiner nyutadanna
arbeidskraft er for dårleg budd på arbeidslivet,
melder NRK Møre og Romsdal. - I Haram kommune har dei
forsøkt å gjere noko med dette, fortel dei vidare.
|
Aker Yards Brattvaag |
Les heile oppslaget : Klar
for yrkeslivet! (Av ragnhild.osnes.olsen@nrk.no
)
Yrkesorientering for elevar på Vg1 ST
Våren 2008
I løpet av våren 2008 har elevane ved Vg1 Studiespesialisering
fått litt meir innblikk i yrkeslivet enn normalt for dette utdanningsprogrammet.
Som eit ledd i generell yrkesorientering, eller karriererettleiing,
har elevane vore på bedriftsbesøk i nærmiljøet
til skulen. Dei har fått meir informasjon om dei ulike yrkesgruppene
som finst innan ei større bedrift og eit vidare innblikk i
kva arbeidet går ut på. Dei har og hatt fokus på
korleis utdanning/skulefagleg kunnskap vert nytta direkte eller indirekte
i yrkeslivet. - Interessant, meinte elevane.
Les meir
...
Reisebrev frå Madrid.
Publisert 27.06.08.
Tysdag 3.juni 2008 stod elleve reisesjuke IBD-elevar
utanfor Haram vidaregåande skule, klare til å reise
ut i den vide verda, nærmare bestemt Madrid.
Dei skulle på ekskursjon knytt til faget International
Business Development (IBD), og gledde seg til turen.
Les
meir ... |
|
2BU-elevane på studietur til Ålesund fengsel
Publisert 27.06.08.
Fengselssystemet er ukjend for dei
fleste, og elevane ved 2BU på HVS var ikkje noko unnatak.
Dei viste fint lite om kva arbeidet i eit fengsel går
ut på, og var difor litt spende på kva denne dagen
ville bringe. At studieturen skulle bli så interessant,
var dei rett og slett ikkje budd på.
Les
meir frå studieturen ... |
|
1HS og 2HEA på studietur til Muritunet, Valldal.
13.06.08.
Elevane ved Vg1 helse- og sosialfag og Vg2 Helsearbeidarfag
har gjennom skuleåret arbeidd målretta med både
helsefag, kommunikasjon og yrkesorientering. Det var då
eit naturleg val for lærarane, både på Vg1
og Vg2, å ønskje seg Muritunet som ekskursjonsmål
på tampen av skuleåret.
Les
meir ... |
- Valldal - |
Veka før hadde same gjengen vore på tur til Patologisk
museum på Åse. Og så det vart meldt inn som ein
fin ekskursjon, frå elevar og lærarar.
Ekskursjonen til Haramsøy er gjennomført!
Publisert 04.05.08.
I tre døgn var elevane på
Vg1ST ute i havgapet og gjorde sine fjørestudier og kjende
friluftslivet på kroppen. Basen deira besto av våre
to velbrukte militærtelt, eit hytte (for
lærarane ...) og ei idyllisk strand med tilhøyrande
molo. Framkomstmiddelet var sjølvsagt syklar, og programmet
- det var tett.
Les
meir om turen ... |
Etterarbeid
i kveldssola
på Haramsøy |
3IBD er no å finne i Madrid
03.-06.06.08.
Madrid
- Kongepalasset,
med hagen i framkant.
(Illustrasjonsfoto) |
|
På ny har ein gjeng reiselystne og svært
spente elevar og reiseleiarar lagt ut på utlandstur.
Elevane med studieretningsfaget 3IBD (International Business
Developement) oppheld seg no i skrivande stund i storbyen Madrid.
Med seg som reiseleiarar har dei konst.rektor Jan Magne Helland,
faglærar Tormod Strand og spansklærar Sigrid Hånes.
Her
finn du reisebrev frå turen! |
Du kan og sjå kva fjorårselevane opplevde: Tre
spesielle skuledagar ...
Publisert 04.06.08.
- Alle lønsmottakarar må levere skattekort. Manglar
arbeidsgjevar skattekortet ditt er han pliktig til å trekke
50% skatt av løna di. Bestill derfor skattekort nå!,
melder Skatt Midt-Noreg.
Bruk SMS eller internett, da får du skattekortet raskare tilsendt.
Skuleelevar og studentar kan tjene inntil 39.997 kroner på frikort
i 2008.
Bestill frikort på
SMS:
- skriv FRIKORT
<mellomrom> fødselsnummer (11 siffer) og
send til 2080.
Eller bestill på internett:
www.skatteetaten.no
Tjener du meir enn fribeløpet kan du bestille skattekort
via nettstaden www.skatteetaten.no
Du treng ein PIN-kode, den som du fikk tilsendt av Skatteetaten
i desember 2007. Manglar du PIN-koden kan denne bestillast på
SMS:
- skriv PINKODER
<mellomrom> fødselsnummer og send til 2080.
|
|
(Foto:
Skatt Midt-Norge) |
Treng du kopi av tilsendt skattekort (ikkje kopi av frikort), kan
du bestille dette også på SMS: - skriv KOPI
<mellomrom> fødselsnummer og send til 2080.
Lukke til med sommarjobben!
Hilsen Skatt Midt-Noreg.
Boktips for sommaren ...
Publisert 04.06.08.
Skal du kose deg og slappe av i sommar?
Kanskje med ei eller fleire gode bøker som selskap?
Da kan du få nokre tips av oss her!
Ålesund bibliotek vil jamnleg kome med omtalar av bøker
og lesetips på nettstaden sin .
Nye tips kvar månad.
Boktips
frå Ålesund bibliotek
|
GOD
|
Partnerskapsprisen 2008
i Møre og Romsdal gikk i år til
Haram vgs.
Publisert 21.05.08.
Haram vidaregåande skule og Patogen Analyse AS vart tysdag 20.05.
tildelt kvar sin store pris av NHO Møre og Romsdal. I begge
konkurransekategoriar var det meir enn ti aktuelle kandidatar, så
vinnarane vart plukka fram frå eit godt selskap.
| |
Haram vidaregåande skule vann
NHO Møre og Romsdal sin årlege partnerskapskonkurranse
og sikra seg Partnerskapsprisen 2008, som lød på
kr 10.000,- Haram vidaregåande skule fikk prisen for eit
langt og godt samarbeid mellom skulen, næringslivet og
Haram kommune.
Les
grunngjevinga ...
Patogen Analyse AS fikk tildelt Nyskapningsprisen.
Dei er eit bioteknologiselskap som utviklar og sel genteknologiske
analyser.
Les meir i Sunnmørsposten
sitt oppslag, datert 21.05.08.
Linkar relatert til emnet:
Næringsliv
i skulen (NIS) |
| NHO-direktør
Torill Ytreberg og fungerande rektor Jan Magne Helland ved
Haram vidaregåande skule under prisutdelinga i Molde. |
Koseleg elevkveld i regi 2BU ved HVS
20.05.08.
Elevane ved Vg2 Barne- og ungdomsarbeidarfag
laga tysdag kveld til sosial taco-aften på HVS. Dei inviterte
var ungdommar frå 8. klassetrinn på Brattvåg
ungdomsskule. På programmet sto film, servering og sosiale
aktivitetar.
2BU-elevane gledde seg, og hadde budd seg godt. Likevel var
responsen i overkant av forventa. Mange blide ungdommar møtte
opp, og var med på å gjere denne kvelden ekstra
koseleg.
|
|
GRATULERER MED
DAGEN !
"Noreg
sin grunnlovsdag, 17. mai, vert feira til minne om den norske
grunnlova som vart vedtatt av Riksforsamlinga på Eidsvoll
i 1814.
Tradisjonen med feiring av 17. mai som nasjonaldag kan ein trekkje
heilt tilbake til 1836, då Stortinget for fyrste gong
feira 17.mai-fest.
Men det er Henrik Wergeland og Bjørnstjerne Bjørnson
som i dag vert rekna som grunnleggjarane av den 17. mai-feiringa
vi kjenner i dag, med brei folkeleg oppslutning."
Vi ynskjer alle ei flott feiring av nasjonaldagen!
|
17. mai
(Kjelde: Store norske leksikon) |
Meir fakta finn du bl.a. på ung.no
Haramsøya vil få besøk.
Publisert 15.05.08.
Måndag 19. mai startar den tverrfaglege
ekskursjonen (naturfag og kroppsøving) til elevane i
1ST.
I to døger skal dei oppleve friluftsliv og fjørestemning
ute på Haramsøy/Flemsøy.
|
|
Førebuingane til turen har allereie pågått i lengre
tid inne på naturfagsrommet, så både eldre elevar
og andre naturfagslærarar som er innom rommet, får ein
hug mot noko som ein gong var ... Vi ynskjer lukke til på turen!
8 . mai - ein viktig dag å hugse!
Den 8. mai i 1945 vart Noreg frigjort etter den
tyske okkupasjonen, 1940-45. Dagen vert og kalla V-dagen. Kapitulasjonsbestemmingane
for tyskerane i Noreg trådde formelt i kraft 8. mai kl.
24:00.
Denne dagen i 1945 gav folket fritt utløp for mykje undertrykt
glede og energi! Store folkemasser strøymde ut i gatene
landet over. Midt i jubelen og gleda var det mange som bar på
uvisse; - kva hadde skjedd med dei ein ikkje hadde sett på
lenge, kva ville skje i oppgjeret sin time ... Men størst
av alt var gleda! |
|
Heiderleg omtale til 2MK-elevar under DOKFILM-festivalen
i Volda!
Volda 29.04.-04.05.08.
Ei gruppe frå 2MK her ved
HVS viste kvalitet under DOKFILM-festivalen i Volda.
Under tema Kortfilmar
finn ein konkurransane "Eit
nummer i rekka" og "Superdok",
der 2MK-elevane hadde sikta seg inn på sistnemde kategori.
Vinnaren av Superdok
vart filmen "Naturlig Revolusjon" av Julian Vargas,
medan heiderleg omtale gjekk til Øystein
Skarsbø, Johan Jøsok, Steinar Tharaldsen og Randi
Urke frå Haram vidaregåande skule for filmen deira
"Paradis på jord". Vi gratulerer!
Les
meir, og sjå filmane!
|
|
2HF på studietur til Åse
28.04.08.
Elevane ved Vg2 Helsearbeidarfag
hadde ein flott dag på Åse, med besok både
på Vestmo
behandlingssenter og på Nevrohjemmet
i Ålesund.
Elevane har gjennom skuleåret 07/08 vore utplasserte ein
dag per veke i ulike omsorgsinstitusjonar i Haram, og denne
ekskursjonen gjekk inn som ein naturleg del av den informasjonen
elevane på Vg2 HF skal få i høve yrkesorientering
knytt til helsesektoren. Verkeleg ein gjevande dag!
Les
meir ...
2HF takkar for god mottaking |
|
1HS på studietur til NAV - Hjelpemiddelsentralen
23.04.08.
Onsdag 23.april var vi ved 1HS på
ekskursjon til Ålesund, nærare bestemt NAV - Hjelpemiddelsentral.
Der fekk vi informasjon om korleis ein slik formidlingssentral
for hjelpemiddel fungerer. Vi fekk også omvising og innblikk
i mange ulike hjelpemiddel og korleis dei skal brukast. Asbjørn
Enerhaug var fagleg ansvarleg for opplegget.
Vi takkar for ei god mottaking og ein interessant dag!
1HS og kontaktlærar Nupen |
|
Fylkesmeisterskapen i basisdugleikar 2008
23.04.08.
Flott resultat for HVS sine utsendte
representantar !
| På vegne av Møre
og Romsdal idrettskrets har idrettslinja ved Ulstein vidaregåande
skule på nytt arrangert fylkesmeisterskap i basisdugleik,
og tevlinga gjekk av stabelen i Ulsteinhallen onsdag 23. april.
HVS sendte tre gutar til Ulsteinvik, og desse markerte seg
på ein framifrå måte!
Les
meir ...
|
Vegard i aksjon
i Ulsteinhallen, våren 2008 |
Nasjonal TAF-konferanse 2008 i vente
22. - 23.04.08.
I samband med planlegging av ein
nasjonal TAF-konferanse hausten 2008, arrangert HVS ei samling
på Finnøy Havstuer, der nøkkelpersonar frå
Knarvik vidaregåande skule, Haram vidaregåande skule,
Møre og Romsdal fylke, NHO og Haram Innovasjonsstudio,
deltok.
Vi takkar for samarbeidet desse dagane, og ser fram til det
vidare arbeidet. |
- Ona fyr
- |
TAF
ved HVS ...
Meir
om TAF-tilbodet i Noreg ...
Skidagen 2008 vart ein suksess!
Publisert 04.04.08.
Det er lenge sidan Ørskogfjellet hadde besøk av elevane
frå HVS, men i år kom vi, med 4 stappfulle bussar. Det
er nok også nokre år sidan vi hadde fullklaff med veret
på ein skidag, men i år fant vi fram til rette dagen.
Flottare ver- og føreforhold kunne vi ikkje vente å finne
nokon stad!
Les meir
og sjå bilete frå dagen ...
GOD HELSE - eit fokus område også
ved HVS
Publisert 02.04.08.
Fysisk aktivitet |
Psykisk helse |
Sunnare kosthald
|
"GOD HELSE" er namnet på Møre og Romsdal
fylke si satsing for å betre helsa til innbyggjarane i fylket.
Målet er at flest mogleg lever eit godt liv, og meistrar sin
eigen livssituasjon. Gjennom eit positivt, langsiktig og heilskapeleg
førebyggingsarbeid er målet å skape gode lokalsamfunn
og god livskvalitet for menneska som er busett i fylket. I arbeidet
set ein i hovudsak fokus på fem område:
- Auka fysisk aktivitet
- Betre psykisk helse
- Sunnare kosthald
- Redusert bruk av tobakk
- Ein ansvarleg rusmiddelkultur
Haram vidaregåande skule er medviten kor viktig det er at elevane
har ei trygg tilvere og ein sunn kvardag for å få best
mogleg læringsutbytte. Difor er det heile tida eit viktig mål
for skulen å prøve å ta vare på ungdommane
våre i skulekvardagen.
Haram vgs gjennomfører VIP-prosjektet i veke
14.
Publisert 25.03.08.
| VIP
=
Veiledning og informasjon
om psykiske problem hos ungdom
"Elevane
har ulike haldningar til psykiske lidingar,
men ofte blir dette sett på som noko mystisk og skremmande.
Dei veit ikkje alltid kor alminneleg det er å slite
med psykiske problem,
dei kan feiltolke situasjonar og dei kjenner ikkje igjen symptom
verken hos
seg sjølv eller hos medelevar.
Det er denne "uvitenheten" vi ynskjer å gjere
noko med.”
|
I Haram var det helsesøster og PPT som
tok initiativet til å gjennomføre prosjektet ved
HVS allereie skuleåret 04/05. Tilbakemeldingane frå
elevane gjorde sitt til at vi bestemte oss for å fortsette
med VIP som eit årleg prosjekt for alle Vg1-elevane våre.
- Flott at nokon snakkar seriøst med oss om dette!
meldte elevane i etterkant av prosjektet både i fjor og
året før. |
|
Illustrasjon: Ragnar Aalbu. |
Les meir:
-
Program for veke 14
-
Informasjon til føresette
-
Informasjon til kontaktlærtarane
-
Nyttige linkar for deg som lurar på noko ...
Les elles meir om VIP på VIP-WEB
- heimesida til prosjektet.
Positiv overrasking på HVS tysdag 1. april
01.04.08.
Sunt kosthald høyrer
med når ein set fokus på god helse. Frå før
tilbyr kantina ved skulen elevane eit godt utval til ein sunn
lunsj. Noko alle ved skulen set stor pris på.
Men i høve våren, VIP-prosjektet, og kanskje det
faktum at vi allereie er komne til 1. april, ville HVS overraske
med velfylte fruktfat på alle bord når elevane strøymde
til kantina i matfri. Ver så god, spis!
|
"5 om dagen" - kva betyr det?
|
Glade fjes, og etterkvart tomme fat, viste at dette var noko ungdommen
verkeleg vart glade for. Så då vert det sikkert ikkje
siste gong vi frister med frukt til alle.
SKIDAG - torsdag 27. mars!
Publisert 25.03.08.
Vi tek sikte på SKIDAG torsdag
27. mars i veke 13. Ørskogfjellet er valt til utfartsplass,
og skulen betaler transporten. Skidagen er obligatorisk
for alle.
Oppmøte på
skulen seinast kl. 08:30, med bussavgang frå
haldeplassen kl. 08:45. Retur Ørskogfjellet ca. kl 13:30,
slik at vi er tilbake på HVS til kl.14:30.
Varmestova er open. Det same er kiosken, dersom nokon vil kjøpe
seg noko i løpet av dagen. Dei som ynskjer å gå
skitur kan nytte dei oppkøyrde spora frå skitrekket
og inn til Jutevatnet. Innertiaren er aking - men akebrett må
du ta med sjølv! Vil du vere i skitrekket, men manglar
utstyr, er det mogleg å leige dette. Sjå meir informasjon
oppslått på skulen.
Sjå
bilete frå den flotte dagen ... |
God tur!
|
Takk for støtta til kreftsaka!
14.03.08.
Russen ved HVS takkar alle for den gode mottakinga
dei fikk under innsamlinga i høve kreftaksjonen i førre
veke.
Det er med stor glede avgangselevane kan melde at dei fikk inn
over kr 66 000,- i løpet av veka aksjonen varte.
|
 |
Fikk du ikkje besøk av ein bøsseberar i løpet
av aksjonsveka, kan du likevel støtte Krafttak
mot kreft ved
å:
- Ringe 820 43 743 og gje kr 100,-
- Sende KRAFT til 1960 og støtte aksjonen med kr 30,-
- Betale direkte inn til kontonummer 5010 05 49791
| Med
dette ynskjer vi ved
Haram vidaregåande skule
alle elevar og tilsette
ei riktig god påske! |
|
Til dei flotte ungdommane i UB Treff ved HVS:
03.03.08.
GRATULERER
så mykje med kåringa som fylkets beste kulturbedrift
under fylkesmessa for ungdomsbedrifter!
Eg les om dykk i ein flott artikkel i Bygdebladet og er imponert!
Forretningsideen er veldig god synest eg - stå på
!
Med vennleg helsing
Bjørn Sandnes
- ordførar -
|
|
(Foto: NRK) |
UB
Treff
Sjå
resultata frå Fylkesmessa 2008 på Molde 27.02.08. ...
X-fag = nye, spennande utfordringar
Publisert 13.03.08.
Med Kunnskapsløftet 2006 dukka omgrepet X-fag
opp i den vidaregåande skulen.
Her ved Haram vgs valde vi å tilby faget Teknologi
og forskningslære X (3t/v) til TAF- og ST-elevane våre
på Vg2. Det har vist seg å vere eit spennande tilbod!
Ei utfordring, fagleg som teknisk, for både faglærar og
elevar.
Inkludert i undervisningsopplegget
ligg det i år ein konkurranse innan skipsdesign. I lag
med meir enn 300 elevar frå heile landet konkurrerte HVS-elevane
om beste designet skipsmodell. Konkurransen er ein del av eit
nytt opplegg i teknologi og forskningslære for elevar
både i vidaregåande skule elev samt grunnskule,
og prosjektet koblar teori og praksis på ein artig og
lærerik måte.
Les
meir om HVS-prosjektet ...
Sjå
heimesida til prosjekt "Den unge skipsdesignaren"
|
|
Strålende avslutning på Motivasjonskurs 2008
Publisert 22.02.08.
Revidert 18.03.08. - Ny artikkel og bilete er lagt ut!
Badminton-turnering i studietida -
kjekt tiltak!
Publisert 06.03.08.
Ny turnering pågår
i studietida ved HVS.
Badminton eller "fluepisking", kall det kva du vil,
men kjekt er det, og spennande vert det når ein stiller
til turnering.
Kroppsøvingslærar Stein Ravnestad organiserer det
heile og kampane går tett kvar onsdag mellom 11:30 og
13:00. Mange vil vere med og innsatsen er stor. Etterkvart har
det vist seg det tar tid å gjennomføre kvar kamp
- her er det ingen som gir seg frivillig!
Sånn skal det vere.
Finalane går første veka etter påske - lukke
til! |
|
Samarbeidet med Universitetet i York held fram
Publisert 29.02.08.
Haram vidaregåande skule har dei siste tre åra
hatt eit samarbeid med Det norske studiesenteret ved Universitetet
i York, England. Dette samarbeidet held fram dei neste tre åra.
Dette vil bety at elevar som vel programområdet for språk,
samfunnsfag og økonomi vil få vere med på studietur
til York og London hausten 3. året. Elevane vil få dekt
reise og mesteparten av opphaldet. Dette er mogleg fordi fleire sentrale
bedrifter i Haram ønskjer å stimulere elevane ved skulen
til å utvide kulturkunnskapane sine, og i tillegg vere med på
å auke motivasjonen for å velje dette programområdet.
-
London - |
Weekend i London har vore fast innslag på turane til York
Les meir
om utanlandsturar ved HVS
For nærare informasjon, kontakt rådgjevar ved Haram vidaregåande
skule.
Bibliotekaren melder:
Publisert 04.03.08.
Stadig nye bøker å finne
på biblioteket!
Sjekk lista over nye bøker på heimesida vår
- Nye
bøker
I tillegg vil no alle elevar få nye lånekort, som
etterkvart skal kunne nyttast på alle (i alle fall dei
fleste) bibliotek i fylket/landet. |
|
Smakebitar frå kjende og ukjende forfattarar
Fylkesbiblioteket har i samarbeid med Kulturnett Møre
og Romsdal laga ei nettutstilling frå arrangementet Bokgilde
2007 i Ålesund 6. februar. Her har dei m.a. plukka ut smakebitar
blant bøkene, presentert med sitat frå omtalane.
Nettutstillinga, eller presentasjonen, kan de sjå her: Bokgilde
2007
Krafttak mot kreft - hjelp russen vår når
dei tar tak
Publisert fyrste gong 12.02.08.
Kvart år i veke 10 gjennomfører Kreftforeningen
ein landsomfattande innsamlingsaksjon, og i år er temaet
dei særskilde utfordringane som ungdom
med kreft møter. Innsamlede midlar skal gå til
å betre forholda til ungdom på sjukehus, og til
forskning på langtidsfølgjer.
|
|
| Russen ved HVS vil støtte opp om aksjonen
og er bøssebærarar i år. Ta godt i mot dei
når dei kjem rundt til husstandane i Haram onsdag
5. mars i veke 10! |
Vil du vite meir om aksjonen, les Krafttak
mot kreft
HVS inviterer til kontaktmøte i veke 10 - 11.
Publisert 12.02.08.
Velkomen til kontaktmøte på HVS!
Haram vidaregåande skule ynskjer ein god kontakt med foreldre/føresette
til alle elevane ved skulen, og gjennomfører difor to kontaktmøteperioder
per skuleår.
Vi arrangerer no det andre kontaktmøtet dette skuleåret.
Møtet mellom heim og kontaktlærar vil bli gjennomført
i løpet av vekene 10 og 11.
Her vil kontaktlærar samtale med dykk om den faglege utviklinga
til eleven, og andre ting som ein finn naturleg å ta opp. Elevane
vil få med seg heim ein invitasjon, og vi ber dykk levere svarslippen
til kontaktlærar innan den gitte fristen.
Søk vidaregåande skule no!
Er du blant dei som vil søkje deg inn på Tekniske
allmennefag (TAF) ?
Publisert 27.02.08.
Da må du leggje ved eit vedleggskjema i søknaden.
Det finn du i pdf-format her
eller klikk på russelua.
Skriv ut skjemaet, fyll inn naudsynt informasjon og signer.
Vedlegget må du sende skulen innan fristen
1. mars 2008. |
|
|
