Visjon
Administrasjon
Personale
Biblioteket
Boklister
Diverse informasjon
Mål- og tiltaksplan
Reglement
Skulerute
Storyline ved HVS
Utviklingsarbeid
Yrkesmessa
Arkiv
Kontakt HVS
Kva skjer
Helsetenesta
Rådgjevar
Skule + næringsliv
Faglege turar
Aktivitetsdagar
Studietilbod ved HVS
(Revidert 2006)
Kunnskapsløftet
2006
Læreplanar
(frå H-06)
|
Velkomen
til skuleavslutning 2010
Vi håper alle stiller med stort engasjement og
godt humør. Deretter vert det helg, og starten på ein
velfortent sommarferie, for elevane våre og dei fleste tilsette.
Vi takkar for skuleåret som har gått, og ønskjer
alle elevar og tilsette ein god sommar!
Tors.17.06.. - fre.18.06.2010.
Torsdag 17. juni - Aktivitetsdag
| 0800
- 1100 |
Volleyballturnering
i Brattvåghallen |
| 1100
- 1130 |
Lunsj
(kantina held ope) |
| 1130
- 1430 |
Fotballturnering
på kunstgrasbana
Etter lunsj vert det og arrangert
aktivitetsløype, med start ved klubbhuset og løype
rundt Synnalandsvatnet. |
Fredag 18. juni - Skuleavslutning 09/10
| 0830
- 0930 |
Basisgruppemøte,
utdeling av karakterar
I dette tidsrommet vert det samling
i basisgrupper på respektive klasserom for dei som
ikkje er avgangselevar. Kontaktlærar og elevar møter. |
| 0930
- 1130 |
Felles
avslutning i kantina
Eige program og servering - alle
er velkomne! |
|
VELKOMEN
!
|
Er du ikkje her fredag 18.juni?
Minner
om rutina vår;
- dei av elevane som ikkje vert tilstades på HVS fredag
18.juni, og som likavel skal ha karakterutskrifta si, må
levere adressert og frankert konvolutt til kontaktlærar
i løpet av torsdag. Så får du karakterutskrifta
i posten i løpet av neste veke.
Dersom det ikkje vert levert ein slik konvolutt, vil karakterutskrifta
ligge lagra på kontoret til avhenting. Elevane henter
då sjølve karakterutskrifta i kontortida i løpet
av sommaren.
Kontoret.
|
|
JENTEBØLGEN i Ålesund - vi var der!
10.06.10.
For første gong stilte ein
kvinneleg kollega-gjeng i samla tropp under JENTEBØLGEN
i Ålesund.
Det skapte "liv og røre" i denne delen av kollegiet
i fleire veker i forvegen, med planlegging og organisering.
Det at ein skulle stille i lag med kollegaer frå andre
vidaregåande skular (Sykkylven- og Ørskog vgs.),
verka positivt inn på engasjementet. I flokken frå
HVS var alle interne yrkesgrupper representerte.
Torsdag 10. juni var ein dag mange såg fram til!
Og arrangementet sto til forventingane - dette vert første,
og langt frå siste, gong HVS sine kvinnelege tilsette
stiller.
- Vi gler oss til neste vår! ,
stråler damene på HVS, som vart fotograferte - bare
sjå her
|
Kjelde: www.smp.no
Jentebølgjen i Ålesund
- alt for damene -
|
Takk til alle våre eksamensvakter
Juni 2010
År etter år skjer det.
Pliktoppfyllande, punktlige og med eit lunt humør, stiller
dei opp og hjelper oss med å få gjennomført
eksamen på best mogleg måte for elevane våre.
Med si tolmod og ro skapar dei den rette stemninga i eksamensrommet,
og elevane er aldri i tvil om at dei vil få velvilleg
hjelp om naudsynt.
Mange tenkjer kan hende ikkje over det, men vi gjer - vi set
umåteleg stor pris på våre trufaste medhjelparar.
Tusen takk for innsatsen!
|
|
Vi retter med dette ein stor takk
til alle eksamensvaktene våre,
og ser fram til å sjå dykk igjen under perioden
med munnleg eksamen.
|
Lektor 2 - ordninga fortset ved HVS !
28.05.10.
Vi er stolte av å
meddele at Haram vgs. får delta enda eit år i prosjektet
Lektor 2 i regi Naturfag-senteret.
I prosjekt knytt til Lektor 2-ordninga, får skulen inn
fagpersonar frå arbeidslivet, som blir direkte involvert
i undervisninga innan område der skulen/faglærar
ser dette som ei moglegheit til å auke elevane sitt læringsutbytte
og interessa deira for faget.
Involverte elevar og faglærarar har gitt gode tilbakemeldingar
på opplevingane sine i dei to prosjekta som vart gjennomført
skuleåret 2009/2010:
- Oppdriftsanalyse
i båtbyggjarprosjektet (ToF) (pdf-artikkel)
- Krefter i vinsjar
(FY1) - framføringøkt
- Krefter
i vinsjar (FY1) - bedriftsbesøk
Vi ser fram til å ta nye grep inn i neste skuleår. |
|
Heading til eksamenspapir!
Publisert 18.05.10.
"Bli kjend med Haram kommune" - prosjektet
Publisert 18.05.10.
Å ha god kjenskap til heimkommunen
sin, og ha litt kunnskap om kva for yrke som finst der, er viktig
for ungdommen vår. Over ei lengre periode har ei elevgruppe
ved HVS fordjupa seg i dette emnet.
Elevane har nytta internett for å finne bakgrunns-informasjon,
førebudd intervju og vore ute på besøk for
å snakke med arbeidstakarar i ulike yrke, og slik fått
høyre meir om kva dei gjer på i kvardagen sin.
Litt tid til å nyte Brattvåg sine sosiale arenaer,
har det og vore høve til. Det er mykje kjekt å
lære i nærmiljøet!
Les
meir .... |
-
HARAM -
Kommunalteknisk drift
- Bygg og Eigedom - |
Hugs å ta miljøhensyn
- kvar dag!
Publisert mai 2010
Vi har fleire typar avfallsdunkar
rundt på skulen, og oppmodar framleis den enkelte til
å kaste rett avfall på rett plass. Vi ser framgang
- flott!
Men det er viktig at du er miljømedviten elles og.
Så spis sunt, ver blid, gå eller bruk sykkel når
avstandane tilseier det - eller, gå ein ekstra tur medan
du ryddar glass og anna tilbake til kantina, og pass på
å ikkje skrive ut papir du ikkje treng ...
Hjelp oss å halde HVS ryddig og miljøvennleg!
Meir informasjon:
HVS - sertifisert
til Miljøfyrtårn H- 2007
Stiftelsen
Miljøfyrtårn
Bransjekrav
|
|
GRATULERER MED DAGEN !
| 17.
mai
"Noreg sin grunnlovsdag, 17. mai, vert feira til minne
om den norske grunnlova som vart vedtatt av Riksforsamlinga
på Eidsvoll i 1814.
Tradisjonen
med feiring av 17. mai som nasjonaldag kan ein trekkje heilt
tilbake til 1836, då Stortinget for
fyrste gong feira 17. mai-fest.
Men det er Henrik Wergeland og Bjørnstjerne Bjørnson
som i dag vert rekna som grunnleggjarane av den 17. mai-feiringa
vi kjenner i dag, med brei folkeleg oppslutning."
(Kjelde: Store norske leksikon)
Vi ynskjer alle ei flott feiring av nasjonaldagen!
|
|
Vil du vite meir
om nasjonaldagen vår,
sjekk ung.no |
Mai - månaden med dei store kontrastane ...
Mai 2010
 |
|
|
| Russetid
- Ta ansvar for kvarandre! La dette bli eit år kor
ingen russ blir skadd
eller anna uheldig inntreff
pga russetida ... |
Nyt
våren!
Kos deg med vårstemninga,
med 8.mai,17.mai, pinse...
Men bruk likevel dagane
dine fornuftig! |
Eksamen
Den høyrer med til våren,
på godt og ...
Korleis handtere denne tida til beste for deg sjølv
og resultata dine?! |
Gå inn på ungweb.no
- der finn du gode råd/linkar i ei nokså samansett tid
for deg :-)
Lektor II - prosjekt i fysikk (FY1) ved HVS
21.04.10.
Siste delprosjekt i Lektor II -
Krefter i vinsjar - er inne i den avsluttande fasen.
Onsdag 21. april framførte elevane i FY1 sine løysningar
på oppdraget dei fekk frå Rolls Royce Marine i Brattvåg
tidleg i april.
I salen satt bedriftsrepresentantane Roar Engås, Reidar
Andre Skarbøvik, Kenneth Ulla frå Haram Innovasjonsstudio,
avd.leiar Hilde K. Aasgaarden og faglærar Terje Pettersen.
Det vart ei interessant økt, der elevane med synleg grad
av spenning og stort engasjement, la fram resultata sine og
forklarte på framifrå vis korleis dei kom fram til
desse. At oppdraget hadde vore krevande, var det ingen tvil
om! Men elevane kom i mål, og det med stil.
Flott levert!
Les
meir ... (Artikkel av Kenneth Ulla)
|
Senthuran er ein av elevane
som tar FY1 i år. Han og gruppa
var i full konsentrasjon om oppdraget
då fotografen var innom. |
FY1 besøker Rolls Royce Marine i Brattvåg
05.05.10.
Fysikk i praksis inkluderer og bedriftsbesøk.
Som den endelege avslutninga på Lektor II-prosjektet i
fysikk gjekk turen ned til Rolls Royce Marine i Brattvåg,
der vi fekk ein veldig fin omvisning.
Overraskinga var kransimulatoren!
Les
meir ... |
Ingrid får prøve seg som kranførar |
Informative linkar:
Kunnskapsdepartementet: Nye
yrkesgrupper inn i skolen
Naturfagsenteret: Informasjon
om Lektor II - ordningen
Lektor 2 si eiga side:
www.lektor2.no (informasjon om dei ulike prosjekta som pågår
i landet)
Vellukka personaltur til Brüssel
22.
- 26.04.10.
Det er ikkje berre elevar som har nytte av godt kjennskap til
Brüssel og kva byen/området har å by på.
Etter å ha sendt elevar på utplassering til Vest-Noregs
Brüsselkontor to år på rad, var tiden nå
inne for å vise heile kollegiet meir av staden. Basert
på den gode kontakten med Vest-Noregs Brüsselkontor,
vart det lagt opp til ein interessant og lærerik tur for
alle tilsette ved HVS, der skule, politikk og kultur vart sett
i fokus.
Tilbakemeldingane etter turen er gode; - utruleg interessant,
melder dei ulike yrkesgruppene blant dei tilsette. |
EU-parlamentet |
Nokre
flotte
bilete frå Brüssel
Basketball-turneringa er avslutta!
21 .04.10.
Onsdag 14. april skulle
det vore full innsats i gymsalen - men heildagsprøver
i framandspråk stoppa finalen.
Men i dag, onsdag 21.april, vart resultatet klart, etter at
2ST slo 1TT-EL 23-21 i finalen. Vi gratulerer vinnarane!
1. plass: 2ST
2. plass: 1TT-EL
3. plass: 2PIN
|
FINALE
21.04.10. |
Er du oppdatert - sjekk opp "Hvor
hender det?"
Publisert 15.04.10.
Følg med på det som skjer kring i verda,
og foruten å nytte aviser og TV til dette, er nettstaden
Hvor hender
det? ein fin plass å hente inn impulser frå.
Nettstaden består av ei rekkje tilbod til elevar, lærarar,
studentar og folk som er interesserte i internasjonale spørsmål.
| Her finn du
- artikkelserien Hvor hender
det? med artiklar retta mot allmennheita
- på nettstaden kan du følgje nettmøte
med forskere om aktuelle tema
- og det er laga til UtenriksQuiz,
både temaquiz og quiz meir på artikkelnivå.
Quiz er nyttig for å teste seg sjølv og sine
kunnskaper om internasjonale spørsmål.
Bruk denne sida, og andre gode kunnskapskjelder, aktivt fram
mot eksamenstid - og elles sjølvsagt, for din eigen
del! |
|
Skulebiblioteket melder om nye bøker!
Publisert 15.04.10.
Våren er ikkje
berre finver ... Og er det finver, kan ein jo setje seg i solveggen
å lese!
Sånn inne i mellom lekselesinga.
Stikk innom skulebiblioteket og sjå kva for nye go'bitar
HVS kan by på på bokfronten, anten du vel sofakroken,
senga eller solveggen. Uansett, god bok ! |
|
2TAF og 2TP har og vore ute på bedriftsbesøk
13.04.10.
For elevane ved 2TP og 2TAF gjekk turen fyrst
til SPILKA
i Spjelkavik. På vegen heimover igjen var det Vannskjeresenteret
på Stette-industriområde i Haram som sto for tur.
- Målet var å gje elevane eit innblikk
i korleis det dei lærer på skulen vert nytta ute
i ein faktisk arbeids-situasjon, fortel faglærar
Ansgar Hagen, - og eit besøk hos desse to bedriftene
var midt i blinken for oss.
|
|
Les meir
...
1HS på fagleg ekskursjon til Åse
08.04.10.
Innan utdanningsprogrammet Helse- og sosial lærer
elevane blant anna om helsevesenet og dei mangfaldige oppgåvene
som ligg knytt til dette i samfunnet. Til no i år har
elevane våre vore gjennom mykje teori på skulen,
men dei har og vore utplasserte på ulike arbeidsplassar
for å observere dagleglivet i ulike helserelaterte yrke.
Torsdag 8.april var det besøk til Luftambulansen og AMK-sentralen
på Åse som sto på programmet.
Etter ein lunsj på sjukehuset, bar det vidare til NAV
Hjelpemiddelsentral for heile gjengen.
- Alle
plassar vart vi tekne særs godt i mot, melder faglærar
Edvin Nupen, - og elevane fekk god høve til å
setje mykje av teorien i faga sine inn i eit nytt perspektiv
i løpet av denne dagen.
1HS takkar Frode Lindseth (ved Luftambulansen) og Asbjørn
Enerhaug (ved NAV Hjelpemiddelsentral) for ein interessant og
informativ dag! |
Ålesund sjukehus
ligg i Ålesund kommune, 9 km aust
for Ålesund sentrum
Kjelde:
Helse Sunnmøre
NAV Hjelpemiddelsentral
Besøksadresse:
Åsehaugen 1,
6017 Ålesund
Postadresse:
Postboks 8300 Spjelkavik
6022 Ålesund
Telefon : 70 17 22 00 |
EB2-elevar i arbeid ved Vest-Noregs Brüsselkontor
15. – 17. mars 2010
Elevane med programfaget EB2 har innlagt ein utplasseringsperiode
i programmet sitt for 2. termin. Dei fleste elevane vert utplasserte
i bedrifter lokalt i Haram og Ålesund, men nokon får
høve til å få meir luft under vingane bokstaveleg
tala. Etter søknad vert 4 elevar plukka ut til å
representere skulen og får reise til Vest-Noregs Brüsselkontor
i Brüssel for å arbeide der i 3 dagar.
Les
meir ... |
Norway
House
Vest-Noregs Brüsselkontor |
Basketball-turneringa går inn i siste fase...
Veke 14 - 15, våren 2010
Onsdag 7. april er det tid for semifinalar!
Kl.1130 1TTTIP/EL - 1ST3
Kl.1230 2ST - 2PIN
Onsdag 14. april vert det heile avgjort:
Kl.1130 Bronsefinale
Kl.1205 FINALE |
|
God påske
!
|
Vi takkar våre italienske venar for besøket!
Veke 11 - 12, 2010.
I regi Leonardo-prosjektet
Euro Ship III har 12 nye italienske elevar vore utplasserte
i to veker ved fleire lokale bedrifter i kommunen. Praktisk
arbeid i bedrift er ei ny erfaring for italienarane, for i Italia
er fokuset under utdanning sett hovudsakleg på teoridelen.
Ikkje rart dei opplever opphaldet i Noreg som spennande!
I dei to vekene opphaldet varer, har våre italienske vener
budd i vertsfamiliar kring i Haram kommune. Noko som aukar kjensla
av å oppleve det verkelege Noreg. No til påske returnerte
den italienske delegasjonen til Italia. Vi ønskjer dei
vel heim, og håper dei har hatt to gode veker i lag med
oss!
|
Kjekke
gutar utplasserte ved
Nogva Motorfabrikk |
Les
meir i HN-artikkelen Praksishungrige italienarar ...
Studietur til Trondheim for 3MK og 3PB
Trondheim 17. - 19.03.10.
Avgangsklassane Vg3 Påbygging og Vg3 Medium-
og kommunikasjon planla og gjennomførte ein studietur
til Trondheim i lag no i mars. Turen var planlagt med buss frå
Ålesund til Trondheim, men overraksjande snøfall
og uver sette kjepper i hjula for dei, bokstaveleg talt. Kva
var då meir naturleg enn å ta sjøvegen ...
|
- Trondheim - |
Les meir
om opplevingane deira ...
TUSEN TAKK!
Vi takkar med dette for støtta vi fekk
i høve innsamlingsaksjonen
Krafttak
mot kreft
Vi fekk inn kr 60 752,- til Kreftforeningen
i år!
Med helsing
Haramsrussen |
|
Basketball-turnering pågår ...
Veke 9 - 15, våren 2010
Sidan oppstarten 3. mars har åtte lag vore
i aktivitet i basketball-turneringa til HVS i Brattvåghallen.
Kvar onsdag i 5.-6. time har nye lag kasta seg ut i det, i håp
om å vinne heidar og ære.
Og nokon ligg framleis godt an - onsdag 7. april går semifinalane,
og så vert det klart kven som kjempar i finalen onsdagen
etter.
14. april vert det altså avgjort ... Følg med!
|
|
Tidlegare MK-elev ved HVS, Birgitte Ringstad, oppmodar
oss;
Publisert 22.03.10.
-
Støtt ein skule i Guatemala !
"For tida arbeider eg som frivillig ved ein barneskule
i småbyen Santa Maria de Jesus i Guatemala. Dette er
ein skule for barn som kjem frå svært fattige
kår, og som heile tida er avhengig av donasjonar for
å kunne fortsetje sitt virke. Derfor har ein voluntor
frå Danmark og eg, ein innsamlingsaksjon pågåande
for å samle inn pengar til skulen. Hittil har vi kontakta
vener og familie gjennom facebook, oppretta ein blogg, og
i tillegg hatt ei sak i Haramsnytt.
Håpet er å nå ut til enda fleire!
Er du interessert - les
brevet vårt, der finn du all informasjon du treng.
Med venleg helsing, og takk for hjelpa,
Birgitte Ringstad og Kristina Elisabeth Harris
"
|
|
Vil du hjelpe oss - les meir om oss:
- innsamlingsaksjonen
(inkl. fakta om skulen og prosjektet, samt innbetalingsmåter
etc)
- aktivitetane på skulen vår på http://jardindeamorguatemala.blogspot.com/
HVS melder om skidag tysdag 16.mars!
Avlyst pga vertilhøva og stengde vegar ...
Publisert 10.03.10.
Vi tek sikte på å gjennomføre
skidag tysdag 16. mars. Ørskogfjellet er valt til utfartsplass
i år. Skulen betaler transporten. Elevane vel sjølv
kva for aktivitet dei vil halde på med denne dagen. Skidagen
høyrer til emnet friluftsliv innan faget kroppsøvingog,
og er obligatorisk for alle.
Avreise frå
HVS ca. kl 0900
- møt opp minst ein halv time før! Det er mykje
utstyr som skal leggast på plass før vi kan køyre.
Vi planlegg retur frå Ørskogfjellet kl 1330. Alle
vil dermed nå skulebussane heim frå Brattvåg.
God tur!
|
Kos deg
i snøen! |
Les
informasjonskrivet ...
Lektor II - prosjekt i full drift
- Vi ønskjer båtdesignarane frå HVS lukke til!
Publisert 10.03.10.
Fredag 12. mars er elevane våre med faget Teknologi
og forskningslære deltakarar i konkurransen Unge
skipsdesignarar ved Marinteknisk
Senter ved NTNU i Trondheim. Før denne tar til skal elevane
få med seg både NTNU-besøk og anna fagleg påfyll.
Vi håper dei får ein flott tur til Trondheim!
Faglærar Torleiv Austnes har
gjennomført prosjektet fleire gongar før, men
har i år utvida prosjektet for elevgruppa si. Båtbyggjar-prosjektet
er no kopla opp mot LEKTOR
II i regi Naturfagsenteret
Dette har ført til eit nærare samarbeid med lokalt
næringsliv også i dette prosjektet ved HVS. Torleiv
Austnes og elevane har samarbeid med Geir Seth, STX Europe,
frå planarbeid fram til praktisering. Eit svært
fagleg og gjevande samarbeid har med andre ord pågått
i lengre tid.
Tysdag 2. mars var det utprøving av båtane i bassenget
i Brattvåghallen, og Haramsnytt sin utsendte fulgte opplegget.
Les
artikkelen ... |
Faglærar Torleiv Austnes og TAF-elev Mattias i konsentrert
monteringsarbeid.
|
LABORATORIEVEKA 2010
09.03.10.
Høgskolen i Ålesund
inviterte også i år elevar frå den vidaregåande
skulen til spennande laboratoriedagar
ved Institutt for biologiske fag. Totalt kom det 350 elevar
frå heile fylket til høgskulen for å gjennomføre
avanserte laboratorieøvingar i veke 10. Blant dei var
HVS sine biologielevar.
Sjå
nokre bilete frå lab'-dagen!
Les
invitasjonen
frå HiAls
Sjå
bilete frå Campus og Ålesund
|
- Flott opplegg også i år,
melder biologi-gjengen. |
Nok eit vellykka opphald i Udine, Italia.
Veke 7-8, våren 2010
Leonardo-prosjektet vårt,
og samarbeidet Haram vidaregåande skule har med Istituto
Tecnico Industriale "Arturo Malignani" om utveksling
av lærlingar, fortset.
I to veker har 8 elevar frå 3TAF vore i Italia.
Alle dei reisande, elevar og lærarar, er no trygt tilbake.
Elevane har vore utplasserte i italienske bedrifter, og har
der hatt høve til å arbeide, observere italiensk
bedriftskultur, og i tillegg opplevd korleis ein italiensk familie
har det i Nord-Italia.
Les
meir frå turen...
|
3TAF og H. Garshol fotograferte i Venezia.
Foto: Ivar Roald |
- og nok ei vellukka gjennomføring i England,
der Motivasjonskurset 2009-2010 vart avslutta.
15. - 20.03.10.
Igjen fekk vi tilbakemelding om at
dette tilbodet er eit strålande tilbod til realfagsinteresserte
elevar, og kvaliteten på opplegget held seg, år
etter år.
Kva gjorde dei eigentleg på i denne andre delen av Motivasjonskurset
2009-2010, som vart gjennomført veka før vinterferien?
Marte frå Vg2TT1 ved Ulstein vgs. har skrive følgjande
etter opphaldet:
- Les
artikkelen ... |
Motivasjonskursdeltakarane 2009-2010
Elevar frå Ulstein vgs. ogHaram vgs.
og reiseleiarane deira. |
Støtt
Krafttak mot kreft, du og!
Det gjer Russ 2010 ved HVS, og russ ved mange andre skular
i heile Noreg. Dei stiller som frivillige bøsseberarar for
kreftsaken. Ta godt i mot dei når dei kjem på besøk
i veke 10.
Publisert 25.02.10.
Håp er heilt avgjerande for å bekjempe kreft.
| Og det er godt grunnlag for
håpet - i dag overlever to av tre som får kreft.
Men nokon pasientar får den tunge beskjeden:
- det er ikkje meir som kan bli gjort for dei ...
For denne gruppa kan det einaste håpet vere nye behandlingsformer
som fortsatt er under utvikling. Då er det viktig å
setje opp trykket på forskning.
Årets Krafttak
mot kreft handler nettopp om dette - om å
gje desse menneska ei ny moglegheit i Noreg. Meir penger til
utprøvande behandling vil og føre til at nye
kreftmedisiner og behandlingsmetodar vert tekne raskare i
bruk. Dette vil på sikt kome alle kreft-pasientar til
gode. Utprøvande behandling betyr ein ny sjanse for
den enkelte - og betre kreftbehandling for oss alle.
Les
meir - og støtt aksjonen! |
Sjå filmen
"Et
nytt håp"
Då forstår du kva aksjonen
i år dreier seg om ...
|
Kultursekken
Første forestilling i år: Kjærlighetens valg
Fredag 05. og måndag 08.mars 2010
Vi ønskjer Kultursekken og filmen "Kjærlighetens
valg" av Eirik Andreas Sandaker velkomen til HVS både den
5. og den 8. mars. Heile opplegget vil gå føre seg i
det store auditoriet på HVS.
- Korleis skal vi klare å
formidle kjærleik? spør Eirik Andreas Sandaker
(f.1982) og Tor Fretheim (f.1946) kvarandre etter visninga av
Sandakers dokumentarfilm Kjærlighetens valg. Det blir
og tid til ettertanke, refleksjon og spørsmål til
formidlarane.
- Fins det framleis sensur, eller sensurerer
vi oss sjølve? (...) Kan hende handler det og litt om
sjenanse? Og kor ærlege får vi eigentleg lov til
å vere?
Det vert det opp til deg å tenke over ...
Sjå
her for program, puljeinndeling og film-informasjon
|
- Eirik Andreas Sandaker -
|
Kultursekken
Andre forestilling i år: Queendom - det nye Noreg
Ons.10.03.10.
- Kva vil det seie å vere norsk?
spør Kultursekken denne gongen, og påstår
deretter, i sterk kontrast til tidlegare i veka; - I dagens
Noreg er alt mogleg. Ein kan vere både norsk muslim, indisk
trønderrockar eller svart nordmann.
Queendom er ei Oslo-basert humorgruppe som består
av norsk-afrikanske kvinner. Gjennom morosame sketsjar, tankevekkande
dikt og fengjande
musikk får dei oss til å le, danse - og tenkje.
Dei og ...
Alle møter opp på ID-huset kl.11:00 onsdag 10.mars!
|
- Queendom - |
- To flotte forestillingar, melder
elevar og lærarar ved HVS! - Kan du få med
deg dette, så gjer det. Vi treng alle å tenkje litt over
ting ...
VIP - prosjektet / Alle har ei psykisk helse
Veke 10, 2010.
Prosjektet er retta mot alle Vg1-elevane våre, og vil pågå
parallellt med kulturtilboda frå Kultursekken i veke 10. Denne
kombinasjonen håper vi kan vere god for temaet.
VIP står i
denne samanhengene for veiledning
og informasjon om psykiske
problem og lidingar hos ungdom.
Dette er eit landsomfattande prosjekt, som HVS gjennomfører
årleg etter oppmoding frå elevane som har vore med
tidlegare.
I korte trekk går VIP-prosjektet ut på å rettleie
og informere lærarar og elevar om psykisk helse og psykiske
problem hos ungdom. Føremålet er å gjere
elevar betre rusta til å ta vare på eiga psykisk
helse, og bli merksame på kva hjelpetiltak
ein kan søkje dersom dei føler dei strir i kvardagen.
Prosjektet ønskjer å sette søkjelys på
vanlege ungdomsproblem.
Les
meir om VIP ... |
|
God vinterferie!
Utsikt
frå HVS ein tidleg vintermorgon.
Foto: Torleiv Austnes
|
HVS ønskjer
alle elevar, tilsette, samarbeidspartnarar
og lesarar av heimesida
ein god og oppfriskande vinterferie i veke 8!
|
Alle treng å lade batteria, kanskje på heilt ulike måtar,
så vel din måte! Hugs det er nyttig for å halde
god fokus i perioden fram mot hardare (eksamens) tider.
Nyt ferien - og velkomen tilbake til nye, spennande dagar ved HVS
måndag 1. mars.
Vi minner om fristane - søk opplæring
til hausten!
Publisert fyrste gong 11.02.10. Endra frist 01.03.10.
|
|
Vidaregåande opplæring
eller lærling,
eller er du klar for høgskole, universitet eller kanskje
fagskole?
Søk informasjon tidleg, og bruk litt tid til å
finne ut kva du vil. Deretter er det viktig å halde søknadsfristane.
Og dei nærmar seg. Fristen er utsett
til 3.mars, allereie
onsdag første veka etter vinterferien - nå
haster det!!!
Sjekk ungweb.no
og vilbli.no
for meir informasjon! |
Beskjed til elevar på TAF (vg1, vg2
og vg3) ved HVS
Dersom du går inn på www.vigo.no
og opplever at du IKKJE får opp nokon val-alternativ for neste
skuleår, er det ingen grunn til panikk. Då vil oppflyttingen
skje automatisk. Men det er greit at også du går inn og
kontrollerer kva som er registrert på deg i vigo-systemet. Er
det snakk om omval, følgjer du vanlege søkjerutiner.
VG1TIP og VG2PIT var på besøk hos I. P.
Huse AS
og hos Nils S. Hansen AS
Publisert 25.02.10.
- Ein svært interessant
og kjekk dag!
Vinsjar av imponerande storleik, med fantastisk kraft og flotte
system, sveiseteknikk og kvalitetsikring - dette var noko det
elevane fikk sjå og høyre om. Bedriftene i havgapet
på Harøya fekk tydelge fram at det dei held på
med er svært spennande, og viktig arbeid.
Les meir ... |
Mob-båt hos
Nils S. Hansen AS,
Harøya |
Flott innsats under årets ABEL-konkurranse
Publisert 19.02.10.
To elevar frå HVS kom vidare
til 2. runde i Abel-konkurransen, og resultata er no komne;
- Vi gratulerer Emil Bjørlykhaug, elev
ved Vg3 TAF, med flott resultat i 2. runde i Niels Henrik Abels
matematikk-konkurranse 2009-2010.
Han endte på 36. plass, berre 10 poeng bak en finaleplass.
Det veit vi er eit heiderleg resultat!
|
|
Heiderleg innsats viste og medelev Erik Hildre Bjørkhaug, som
også kom til 2. runde. I år deltok totalt 3597 ungdommar
i Abelkonkurransen, der 360 av desse gjekk vidare til 2. runde. Det
er dei 22 beste samanlagt etter 1. og 2. runde som går vidare
til finalen i Trondheim 11. mars.
Fridom under ansvar gir fri nettilgang
16.02.10.
PC-ane har for lenge sidan gjort sitt inntog i den vidaregåande
skulen, men med desse inne i klasserommet, kjem det stadige friske
diskusjonar om nytte, utfordringar og rett bruk.
- Elevane i dagens skule har
tilgang til ulike typar kommunikasjonsverkty . Spørsmålet
om å stenge enkelte av desse, har vore vurdert, fortel
rektor Jan Magne Helland. Men ved HVS har elevane hatt fri nettilgang
heile tida.
- Når det gjeld bruk av IKT,
har skulen ein grunnleggjande undervisningsfilosofi som bygger
på tillit mellom lærarar og elevar. Skulen ser det
ikkje formålsteneleg å drive utstrakt kontroll-verksemd
av elevane sin bruk av IKT, seier han.
- Og vi
merker at elevane set pris på å bli vist tillit.
Les
artikkel i Haramsnytt om saken... |
- Rektor Jan Magne Helland - |
Ny runde med utanlandsreiser for elevar ved HVS
Publisert 12.02.10.
På ny har det vore merkbar
reisefebertendensar på HVS. Søndag 14. februar
reiser to grupper frå Vigra for å nyte opplevingsrike
dagar ute i verda.
3TAF, ass.rektor Håvard Garshol og rådgjevar Ivar
Roald reiser til Udine i Italia for 2 veker. Elevane skal i
arbeidsutveksling denne perioden, og kan sjå fram til
ein spennande, annleis kvardag for ei stund.
Deltakarane på Motivasjonskurs for ingeniørutdanning
reiser samtidig avgårde for å tilbringe ei veke
i Lemington Spa i England, lokalisert litt sør for Birmingham. |
HVS
ut i verda
 |
Les om tidlegare opphald i Udine
og i Lemington Spa for
HVS-elevar ...
”Straumsterk og krutsterk yrkesmesse på HVS”
Torsdag 04.02.10.
Slik presenterte Haramsnytt Yrkesmesse
2010 dagen etter gjennomføringa, og det var rett
- her var det ingen mangel på energi!
Både HVS-elevane og dei 165 besøkande 10.klassingane
gjennomførte den innhaldsrike dagen på ein framifrå
måte. HVS-elevane som seriøse aktivitørar
og ungdomskuleelevane som svært engasjerte og motiverte
gjestar.
Les
meir ... |
|
Ny blogg frå HVS si medielinje
01.02.10
Dette er ein blogg som blir drive, og jamnt oppdatert, av medieelevane
ved HVS og lærarane deira. Bloggen blei starta no i februar
2010, for å skape ein arena kor elevane kan få vise fram
og fortelje om korleis det er å vere elev ved dette utdanningsprogrammet
her på HVS. Målet er at bloggen og skal nyttast slik at
nye elevar kan få vite meir om oss, og få meir kunnskap
om kva medieprogramfaga går ut på.
Velkomen innom bloggen vår på www.hvsmedia.blogspot.com
Med helsing
Opplæringskontoret i Haram orienterer;
Orientering om fagopplæring.
20.01.09.
| Paul Farstad ved Opplæringskontoret
i Haram vart møtt av lydhøre VG2 elevar då
han orienterte om fagopplæring i auditoriet ved Haram
vidaregåande skule 20.januar 2010
Han orienterte om lærlingesystemet ,om lærebedriftene
knytt til opplæringskontoret og verdien av eit fag eller
svennebrev.
Lærlingar
er viktige for samfunnet (HN-artikkel)
|
Opplæringskontoret
informerer HVS-elevar |
Helsearbeidarfaget - eit satsingsområde
15.01.09.
| Dette var noko av bodskapen i orienteringa til
elevane på Vg1 HS og Vg2 Barne-og ungdomsarbeidarfaget
ved Haram vidaregåande skule sist veke.Opplæringskontoret
orienterte elevane om fagopplæring generelt , korleis
ein søkjer læreplass og kva bedriftene legg vekt
på ved inntak av lærlingar. Det vart også
sett fokus på kva fordelar det gir å ha eit fagbrev.
Haram kommune har læreplassar i både Barne-og
ungdomsarbeidarfaget og Helsearbeidarfaget.
Søknad skal sendast direkte til Haram kommune.
Les meir under nyheiter
hos Opplæringskontoret i Haram
|
|
Opplæringskontoret
i Haram
Haram kompetansepark
Skjelt-Olebakken 9
6270 Brattvåg
Tlf
70217170
Fax 70217171
Paul Farstad
90508448
Marit Håhjem
Volstad
90797267
email:
okharam@okharam.no
|
Snart tid for å søkje vidaregåande opplæring
...
Publisert 06.01.10.
Skuletilboda for 2010/11 ligg no ute på vigo.no,
og heftet med tilboda kom ut til skulane ved nyttår. Dette
får du hos rådgjevar, eller du kan hente
heftet via nettet (i pdf-format) på nettsida til Møre
og Romdal fylke.
På vigo.no
(der de skal søkje), og på
Vilbli.no
(klikk på Møre og Romsdal på
kartet) - vil tilboda vere oppdaterte, uavhengig av kva
som står i tilbodsheftet.
På Vilbli.no
finn de oppdatert informasjon om søkinga og tilboda.
Hugs å ta vare på MinId-informasjonen som vert sendt
ut frå Skatteetaten i januar - det er den som nyttast
ved innsøking. |
SØK
NO:
Her legg
du inn søknaden din for neste skuleår i vidaregåande
opplæring!
Her finn du all informasjon du treng om tilbodet innan vidaregåande
opplæring i Noreg. |
Besøk hos NRK Møre og Romsdal
Publisert 06.01.10.
18. desember var elevane og lærarar
ved 1MK på besøk hos NRK i Ålesund. Besøket
var ein del av eit nyheitsprosjekt som gjekk ut på å
lage ei nyheitsending frå HVS. Til å hjelpe oss
med dette hadde vi fått med oss Heidi Klokk, som gjorde
heile prosjektet til ein flott oppleving for elevgruppa.
Les
meir ...
|
1MK i NRK-studio |
Privatist våren 2010 ?
Publisert 06.01.10.
PrivatistWeb.no
er opna for oppmelding f.o.m. 01.01.2010, og vil vere open t.o.m.
31.01.2010. Fristane er absolutte!
PrivatistWeb.no
er nettstaden for deg som vil melde deg opp som privatist. Her
finn du informasjon om det meste du måtte lure på;
- generell informasjon, rettleiing, diverse lenker og sjølvsagt
den nettbaserte søknad til eksamen. Lukke til! |
STENGT
! |
Varsling - ny timeplan frå 18. januar!
Publisert 04.01.10.
Etter at HVS gjekk over til ny timeplan ved oppstarten
av skuleåret 2009/2010, har det kome inn signal både
frå elevar og lærarar om at denne endringa ikkje
berre har vore positiv for elevane. I løpet av hausten
har ein difor hatt timeplan oppe til diskusjon i ulike fora,
og det vart gjennomført ei avstemming om kva for timeplanløysing
som var å foretrekke.
Elevane har i denne prosessen vore svært klare på
at dei ønskjer ei endring, og i Skuleutvalet tysdag 15.
desember 2009, gjekk eit samla Skuleutval inn for å følgje
elevane sitt ønskje. Argumentet er at ein trur den alternative
modellen vil gje meir læring. |
|
Det vert difor lagt ut ny timeplan frå og med måndag 18.
januar 2010 (2.termin).
Denne vil bli vurdert på nytt i april for å finne ut om
omlegginga har fungert som ønska, og for å gje eit vurderingsgrunnlag
for neste skuleår. Dette til orientering.
|
Godt
nytt år!
Da er vi alle i gong igjen, etter ein vel fortent juleferie.
Skulen starta opp med ordinær timeplan måndag 4.
januar.
Fredag 15. januar avsluttar vi 1.termin, og utskrift med karakterar
i alle fag per elev vert utlevert i veke 4. |
Informasjon om siste skuleveka før jul
Publisert 02.12.09.
Fram til og med fredag 18.desember følgjer vi ordinær
timeplan, berre avbrote at diverse heildagsprøver etter eigen
plan.
Måndag 21. desember - Aktivitetsdag
Kl.0805 Oppmøte i basisgruppene med kontaktlærar
Kl.0815 Frisbee-turneringa startar (sjå
kampoppsett)
Kl.1300 Vi avsluttar dagen etter finalekampen ...
Tysdag
22.desember - Juleavslutning
Kl.0900 Skulegudsteneste i Brattvåg kyrkje
Kl.1030 Juleavslutningsfest i kantina, HVS
|
|
Snøen har kome, og avslører kanskje små fotefar
...
1. desember 2009
No er det i alle fall 1.
desember!
Og då er det tid for NISSEFEST
i løa ha's Peder, her i Brattvåg. Elevane på
Vg2 HSBUA og Vg1 HS er klare, og vi veit at det er mange små
barnehageborn som har begynt å glede seg...
Stopp opp litt no i adventstida medan du er ute, lytt litt og
kik deg godt om. Kanskje høyrer du tasling i snø
- eit lite dump når snøen fell ned frå ei
tynn, lita grein. For det var det det var?
Kven veit ... |
Velkomen
til Nissefest ! |
Adventstid - ei tid for førebuing, hygge og ro ...
God
Advent!
Sjølve ordet advent kjem av latinsk adventus,
som betyr 'kome', og perioden markerer kirkeåret sin oppstart.
Advent omfattar dei fire vekene før jul i både
i den lutherske og den romersk-katolske kyrkje, og er sett på
som ei førebuingstid.
I
mange land, inkl. Noreg, markerer befolkninga adventstida med
adventskalendarar, og kalla julekalendarar, og advent-staker
med fire adventslys. Dette er ein skikk som utviklet seg på
1800- og 1900-tallet, og som vi set stor pris på.
(Kjelde: Store norske leksikon) |
|
Realfagselevar på motivasjonskurs!
Publisert 30.11.09.
Inspirasjon:
Maria Ringstad og Eirik Æsøy var deltakarar
på det maritime inspirasjonskurset som
hadde ein dag ved Høgskulen i Ålesund innbakt.
Dei som freista dei unge med eit sikkert yrke
innan ingeniørfaget i maritim næring var Trond
Berg (th) frå Ulstein Group
og 1. amanuensis Karl Henning Halse frå HiÅ.
(Tekst og foto: Lars Olausen) |
Mån.16. - tors.19.11.2009.
Motivasjonskurset er i gong igjen, med nye ivrige deltakarar.
"Med ei næring på Sunnmøre som involverer
heile 20 000 tilsette i maritim sektor, er jakten på dei beste
realfagshodene intens. Difor var 16 elevar frå realfagslinja
ved Haram vgs. og Ulstein vgs. inviterte til inspirasjonskurs ved
Høgskulen i Ålesund.", skriv journalist Lars
Olausen i "Nytt i Uka". Og det var fire spennande dagar
dei 16 elevane vart loste gjennom!
Les
heile artikkelen ...
Les meir om Motivasjonskurs
for ingeniørutdanning ...
MVGS 2009
19.11.09.
| Meisterskapen i volleyball for VGS
vart arrangert i Fagerli-hallen torsdag 19. november. Haram
vgs. stilte med eit gutelag i år. - Innsatsen var
god, men i år hadde vi ikkje marginane på vår
side, smilte kroppsøvingslærar Ravnestad.
- Men det er artig å vere med. |
|
9. klassingar i Haram og Sandøy
- velkomen til Haram vidaregåande skule!
Veke 45-46, november 2009.
No i veke 45 og 46 kjem ungdomsskuleelevar frå Haram og Sandøy
på besøk til HVS i høve det nye faget i ungdomsskulen,
kalla Utdanningsval.
| I to skuledagar skal ungdomsskuleelevane
få følgje eit opplegg fullt av ulike aktivitetar
innan det utdannings-programmet dei sjølve har valt.
Våre elevar på vg2-nivå står for gjennomføringa.
Her er det lagt opp til full aktivitet. Vi ynskjer alle 9.klassingane
velkomne, og håper dei får nokre inspirerande
og lærerike dagar! |
Foto: 3MK,07/08 |
Glimt frå skulebesøka
Oppdatert 27.11.09.
Så er det unnagjort, Utdanningsval 2009.
Vi håper alle hadde nokon trivelege dagar hos oss, uansett
kva for utdanningsprogram som vart prøvd ut.
Tilbakemeldingane frå våre
elevar, var at dei besøkande var kjekke å ha innom
klasserommet, dei var både interesserte, arbeidssame og
flinke! Ingen dårleg tilbakemelding å få med
seg, det.
Det vart knipsa eit og anna bilete dei dagane ungdomsskuleelevane
var hos oss. I denne biletkavalkaden vert det høve til
å få eit innblikk i kva som vart presentert på
dei ulike fagromma, og kanskje sjå seg sjølv i
aksjon?
Sjå,
og les meir ... |
Velkomen igjen,
som elev ved HVS! |
Underhaldning i pausa under utdanningsval 2009!
Ons.04.11.09.
Tilfeldigvis i dag - men veldig passande,
dette var dagen då kristenrock-gruppa Compass
besøkte HVS med ein lyd-stilig konsert
ved lunsjtider.
Kva passa vel betre enn at vi også hadde besøk
av ungdom frå 9. klasse?! Ein vellukka konsert, som passa
svært godt for både målgruppa og settingen
denne dagen. HVS takkar for besøket!
Les
om gruppa og høyr musikken deira ... |
|
"Hvor hender det?" - følgjer og opp OD 2009
Publisert 29.10.09.
I dag vert Internasjonal dag gjennomført
på HVS.
Elevane i OD-komiteen på skulen har lagt opp eit innhaldsrikt
program for dagen, med foredrag, film og illustrerande opplevingsleikar
for elevane. På den måten ynskjer dei å skape engasjement
og innsikt i problematikken knytt til årets OD-prosjekt. I morgen,
fre.30.10., skal elevgruppa ut og gjere
sitt dagsverk i solidaritet med ungdom som ikkje har same gode
utgangspunkt som dei sjølve. Vi ynskjer dei to gode og lærerike
dagar!
Sjå
bilete og les meir om ID ved HVS ...
Vil du vite meir om OD, så har nettstaden "Hvor
hender det?" artiklar om OD. I tillegg informerer OD sentralt
om prosjektet på nettstaden sin www.od.no
Funksjonshemmet,
men ikke ubrukelig
- Marthe Nøklebye Dehli -
I det sørlige Afrika får ni av
ti funksjonshemmete aldri gå på skole. Operasjon
Dagsverk 2009 har som mål å hjelpe unge funksjonshemmete
til å få utdanning - og dermed kunne ta kontroll
over eget liv og framtid.
Det
finnes internasjonale konvensjoner (avtaler) som slår
fast at funksjonshemmete har samme rettigheter som alle andre.
Hver dag skjer det likevel alvorlige overgrep mot denne gruppen
mennesker. De blir tråkket på, tiet i hjel, gjemt
bort og skjult fra omverdenen. Verken skoler,studiesteder,
arbeidsplasser eller det offentlige rom er godt nok tilrettelagt
for mennesker med nedsatt funksjonsevne. Av alle verdens barn
og unge regner FN med at 77 millioner ikke går på
skole; mange av dem får aldri muligheten fordi de er
funksjonshemmet.
Les
meir ...
|
Ubrukeleg?
Foto: OD |
1TP får nye utfordringar i klasserommet
Publisert 15.10.09.
| Livet som Vg1 TIP-elev er spanande
og utfordrande, for i skulekvardagen skal elevane lærast
opp til å kunne forholde seg til ulike typer materiale,
kjenne til eigenskapar og bruksområde for desse, og
dermed vere i stand til å velje rette arbeidsmetodar
og verkty for å nå fram til eit godkjent produkt.
Oftast gjer dei jobben på verkstaden, men ikkje alltid
er utgangs-materialet eit metall ...
Kajakk-prosjektet er nytt av året. Eit prosjekt som
alle elevar i Vg1 TIP skal vere innom i løpet av skuleåret.
Dette prosjektet utvidar elevane sine evner til problemløysing,
og gir verdifull erfaring med ulike materiale.
Les
meir og sjå fleire bilete ... |
Trearbeid for 1TIP
- kreativt og utfordrande - |
Det nærmar seg OD 2009 - Vi støtter opp!
Publisert 15.10.09.
OD
2009 går til utdanning til ungdom med nedsett funksjonsevne
i Malawi, Mosambik, Sør-Afrika og Uganda. Årets
samarbeidsorganisasjon er Atlas-Alliansen.
Ubrukeleg?
- Når du er funksjonshemma ser folk på deg
som ei tom bøtte. Ein ubrukeleg ting. Dei venter at
du tigger, seier Dickson fra Malawi som mista foten i
ei bilulykke.
Torsdag 29. oktober vert det gjennomført informasjonsdag
for årets OD-prosjekt på HVS,
og fredag 30. oktober er elevane i arbeid
til inntekt for prosjektet. Ta
godt i mot dei! |
|
Klart for "Motivasjonskurs 2009 - 2010"
Publisert 24.09.09.
Lokalt næringsliv ynskjer å satse
på ungdom. Vi håper at fleire unge skal velje ei
utdanning som kvalifiserer til ein jobb i det lokale næringsliv.
Kan du tenkje deg å vurder ei teknisk utdanning?
Dei tre internasjonale selskapa Rolls-Royce, STX Europe, Ulstein
Group og Norwegian Centre of Expertise-Maritime står no
saman om å tilby eit utval vg2-elevar frå Ulstein
og Haram eit motivasjonskurs, der ungdommane får innsyn
i lokalt næringsliv og i kva utfordringar dei kan få
dersom dei vel å verte ingeniør. |
|
Vil du vite meir, finn du informasjonsfoldaren på skulebiblioteket
og på hovudkontoret. Utfyllande søknad må vere
sendt skulen innan 16. oktober 2009!
Kva har elevar opplevd tidlegare under dette spennande
kurset? Sjå her!
Dramatisk start på York-tur ...
Publisert 29.09.09.
Litt meir spanande start enn venta, og ønska, men no veit "heile"
Noreg at vi har hatt elevar på ekskursjon til England etter
at VG NETT hadde saka:
Skoleelever på busstur angrepet av steinkastere:
Camilla
(18): - Det hørtes ut som skudd
Buss med norske ungdommer pepret med
stein i England.
(VG Nett) Under turen gjennom engelske Nottingham
smalt det plutselig stein gjennom rutene i minibussen Camilla
Løken (18) og klassekameratene satt i.
- Det hørtes ut som skudd. Jeg ble kjemperedd, sier Løken.
Les
artikkel på VG NETT ... |
Kjelde:
VG NETT
Av Ingrid Hvidsten og Dennis Ravndal |
Men vi kan forsikre at det gikk bra. Fram til York kom dei ut på
kvelden, om enn nokre timar forseinka... Resten av opphaldet gjekk
roleg for seg - om roleg er rette ordet for eit relativt tett undervisningsprogram
gjennom ei heil veke.
"Hvor hender det?" - viktig nettstad for alle
Publisert 24.09.09.
Nettstaden "Hvor
hender det?" er ei gratis teneste som blir drive
av Norsk
Utenrikspolitisk Institutt (NUPI). Denne nettstaden inneheld
interessante artikkelseriar, nettmøte, bloggar og diverse
quiz, og tilbyr dermed ei rekke tilbod til elevar, lærarar,
studentar og andre som er interesserte i internasjonale spørsmål.
Til høgre ser du døme på eit av spørsmåla
som blir sett i fokus på denne nettstaden.
-
Bruk denne nettstaden flittig, og hald deg informert! Dette
er den samstemde meldinga frå faglærarar i mange
fag. Nettstaden er og til fagleg hjelp når det nærmar
seg eksamenstid ...
Sjekk nettsiden:
http://hvorhenderdet.nupi.no/ |
Foto: FN
Har kvinnelege soldatar ein annan tilnærming til bruk
av våpen enn mannlege?
Les
meir ... |
HVS gjer klar til årets første studieturar
Til York med språk og kultur i fokus!
Veke 40, 2009.
Det nærmar seg den årlege
York-turen for elevar med programfaget EB2 på Vg2 Studieførebuande
utdanningsprogram. Studieturen er gjennomført i samarbeidet
med universitetet i York, og vart gjennomført første
gong hausten 2005. Opplegget har fungert godt for elevane våre,
og vi er stolte av å kunne tilby eit så spenstig
undervisningsopplegg også i år.
Føremålet med turen er å lære elevane
meir om engelsk språk, kultur og historie. Få stader
er det meir naturleg for nordmenn å starte i enn i York,
sidan denne byen var eit viktig senter for skandinavar i vikingetid.
Vi ynskjer dei reiseklare god tur!
|
|
Udine (Italia) - eit nytt Comenius-prosjekt
ved HVS
Veke 40 - 41, 2009.
Kommande helg reiser 20 elevar og 3 lærarar
frå HVS til Italia for å lære meir om italiensk
språk og kultur, og samstundes få eit innblikk i
det italienske skulesystemet.
I sju år har HVS og ITI Malignani i Udine
hatt utveksling av elevar/lærlingar, og samarbeidet er
no utvida med dette nye Comenius-prosjektet der Vg2-elevar frå
både studiespesialisering, påbygging og medium-
og kommunikasjon får høve til å delta.
Vi gler oss til fortsettinga!
Les
meir i artikkel frå Haramsnytt 22.09.09. |
- Italia - |
HVS-elevar får opplæring i italiensk språk og kultur
Hausten 2009
I høve utvekslingsprogramma
HVS har med vår italienske samabeidspartnar ITI Malignani
i Udine, gjennomfører skulen innførande kurs om
italiensk språk og kultur. Elevane som skal ut å
reise, treng å vite litt om kva som møter dei under
opphaldet i Italia, og vere budd når dei kjem dit. Å
kunne helse høfleg, og forstå enkle ord og uttrykk
i dagleglivet, er viktig for å få eit vellukka opphald.
I år har vi vore så heldige å få nytte
italienske Marco Cristoforo Camporeale, som arbeider ved Rolls
Royce i Brattvåg, som kyndig rettleiar og opplæringsansvarleg.
Han gjennomfører eit større opplegg (sept.- des.)
for 3TAF-elevane, som skal vere i arbeid i Italia 14 dager seinare
i vinter. I oppstartsdelen har og elevane som skal delta på
det nye Comenius-prosjektet vårt, vore med.
|
Marco Cristoforo
Camporeale
|
- Lærerikt, krevjande og kjempespennande! smiler dei
som har vore så heldige å få delta. 3TAF-elevane
skal fortsetje med nye språklege utfordringar på italiensk,
medan dei andre no ser fram til å oppleve det italienske liv
på rett i veke 40.
Utfordringar i Prosjekt til fordjuping for 3MK
Publisert 22.09.09.
Utdanningsprogrammet Medium og kommunikasjon byr på spanande
utfordringar for elevane som går der. Meir enn kanskje dei fleste
veit. Eit av faga som gjev elevane stort spillerom og fine utfordringar,
er faget Prosjekt til fordjuping, der elevane skal få
oppleve faga sine i praksis, dvs. vere ute i arbeidslivet. Elevane
på Vg3 MK er no utplasserte fast, ein dag i veka, på ein
arbeidsplass med reelle oppgåver og oppdrag i tråd med
utdanninga. Ein av fleire høvelege arbeidsplassar, er lokalavisa
Haramsnytt. I år, som i fjor, har Haramsnytt tatt i mot ein
elev, og gitt denne både journalistisk opplæring og fridom
i utføringa av arbeidet. Veldig positivt!
Her er ein smakebit:
Trivast
med hybellivet!
Haramsnytt 22.09.09.
Tekst/Foto: Rolf Espen Furnes, 3MK.
"18-åringane Morten og Aleksander bur på hybel
under utdaninga si. Begge går tredje året på
Tekniske Allmenne Fag (TAF) på Haram vidaregåande
skule og stortrivst".
Vil
du vite meir om livet på hybel - les heile artikkelen! |
Skulelevane Aleksander og Morten ... |
(Meir om arbeidslivspraksis for elevar med Prosjekt til fordjuping
(PTF) kjem).
Elevrådet kaller inn til møte 16. september
Publisert 14.09.09.
Nytt elevrådsmøte!
Fyrste elevråd dette skuleåret gjekk av stabelen
torsdag 03.09., og no er det klart for eit nytt! Onsdag 16.09.
skal alle tillitselevar møte
opp kl.1130.
På dette møtet blir bl.a. elevrådstyret endeleg
valt.
I tillegg kjem Kjersti Bjørnevik frå Elevorganisasjonen
(EO). Ho vil orientere om arbeidet til Elevorganisasjonen, og
kva hjelp og nytte elevane kan få av EO.
Følg opp, følg med - ver ein aktiv elev!
Les meir om elevrådet
ved HVS ... |
|
Hugs å få avfallet på rett plass!
Som mange har observert, er det fleire typar
avfallsdunkar rundt på skulen, og det ikkje utan grunn.
Ikkje fusk når du kastar avfallet ditt, anten det er papir,
plast, matrestar, metall eller anna du skal kvitte deg med.
Orienter deg på bygget - det er ein plass for alt!
Hjelp oss å halde HVS ryddig og miljøvennleg. |
|
Skulefotografering i veke 37
09. - 10.09.09.
Onsdag 9. og torsdag 10 september
er det sett opp program for skulefotografering.
Oversiktlege oppslag med tidspunkt for gruppe-bilete og individuelle
foto per klasse får du hos kontaktlærar ,samt at
du finn oppslaga i korridorane på skulen. Møt opp
til rett tid, slik at vi får minst mogleg venting, melder
fotografen. |
|
Skuleval 2009 er elevane sitt bidrag - gjer ditt val!
Publisert 31.08.09.
| Måndag 31. august var alle elevane ved HVS
samla til valdebatt nede på ID-huset, og no tysdag
8. september vert skulevalet gjennomført her
på skulen. Dei fyrste valresultata er allereie blitt rapporterte
inn frå dei skulane som starta fyrst. |
|
I høve skulevalet, vert det og gjennomført ei digital
spørjeundersøking. Mange elevar har vurdert alternativa
på valundersøkinga sine spørsmål, så
tilbakemeldingane der og strøymer inn. Resultata kan ein etterkvart
sjå på www.samfunnsveven.no
. Skulevalresultatet for 2009, vil bli publisert på same nettside
kl 20:00 tysdag 8. september. Så følg med!!!
Førehandsrøsting til stortingsvalet 2009.
Det vert høve til førehandsstemming til det ordinære
valet her på HVS i tidsrommet
kl 11:00 - 12:30.
Elevrådet - din organisasjon
Publisert 07.09.09.
Gjennom elevane sin eigen organisasjon, elevrådet, kan du få
formidla ditt syn på aktuelle saker. Elevrådet vil, i
den grad det er mogeleg, legge tilhøva best mogeleg til rette
for elevane.
Fyrste elevråd dette
skuleåret
går av stabelen torsdag 03.09.09. Rektor Jan
Magne Helland og elevrådskontakt ved HVS, avd.leiar Magnhild
Fjørtoft, vil delta og informere om både pågåande
saker,samt kva råd og utval elevane skal få høve
til å delta i. I tillegg kjem elev- og lærlingombud
Monica Molvær for i informere elevrepresentantane
om sin jobb i regi fylket.
Neste elevrådsmøte vert onsdag 16.09. Da blir bl.a.
elevråd-styret endeleg valt. Følg med - ver ein
aktiv elev!
Les
meir om elevrådet ved HVS ... |
|
Foreldremøte for foreldre til elevar på
VG1
Publisert 28.08.09.
Foreldre/føresette som har
elev på Vg1-nivå her på Haram vidaregåande
skule, er hjarteleg velkomne til foreldremøte torsdag
3. september, kl. 18:30.
Alle elevar vil få invitasjon med seg heim.
Det vert først ei samling i auditoriet med felles-informasjon,
etterfølgd av parallelle kontaktmøte på
eigne rom for dei ulike utdanningsprogramma.
Vel møtt!
|
|
Vinnar av REBUSLØP - 2009
Publisert 25.08.09.
Vinnar av REBUSLØPET
i år
vart elevgruppa 1TAF-TIP2. Dei drar dermed i hus premien,
ei smakfull REBUS-kake, til basisgruppa si.
Vi gratulerer, og håper kaka smaker!
|
|
Rangering av dei beste gruppene elles:
1. plass: 1TAF-TIP2
2. plass: 1ST5
3. plassen vart delt: 1ST4, 1TAF-TIP1, 1TAF-EL1 og 1TIP3-A
Det var med andre ord mange gode resultat i bunken i år, så
nå reknar vi med dei fleste er godt kjende på huset. Vi
takkar alle Vg1-elevane for innsatsen!
Skuleåret 2009/2010 er i gong!
Publisert 19.08.09.
Endeleg vart det liv i korridorane igjen!
Det er alltid kjekt å sjå blide ungdommar strøyme
inn mot skulen fyrste skuledag. Ungdomsflokken vart delt inn
i klasser/grupper for året, informasjon gitt i "lange
baner" i alle klasserom, og på skule-biblioteket
syda av lånelystige elevgrupper. Utlåns-ordningen
av lærebøker var dei godt nøgde med!
HVS hadde og henta fram ein gamal tradisjon, og til lunsjpausa
sto varme grillar og frista med pølser og hamburgarar.
Vi håper alle får nokre fine månader framover,
med kunnskap og utvikling i fokus. |
|
Velkommen til HVS.
Publisert 06.07.09.
- Haram
vidaregåande skule - |
Onsdag 19. august - elevane møter slik:
Kl 09:00 Oppmøte i auditoriet for alle elevar på Vg1
Kl 10:30 Oppmøte i auditoriet for elevar på Vg2 og Vg3
Skuledagen varer til kl 14:25. Skulebussane går som ordinært
kl 14:35.
NB!
4TAF møter torsdag 20. august, kl 08:00, ordinær timeplan.
Lærarar/assistentar:
Alle lærarar møter til planleggingsdagar måndag
17.august og tysdag 18. august.
Assistentane møter opp til planlegging tysdag 18. august.
Program kl 08:00 - 14:30 begge dagar.
HVS ynskjer tilsette og elevar velkomen til eit nytt gjevande
skuleår!
Velkomstord
frå rektor
- Rektor
Jan Magne Helland -
|
Biblioteket
er for alle
- Glimt
frå bokutvalet -
|
Kantina,
verd eit besøk
- Gunn Furnes -
|
HVS 09.07.09.
HVS
- i tida for framtida
Skulen ynskjer å vere til stades i tida
og førebu for framtida.
Slik kan skulen vere ein dynamisk og framtidsretta arbeidsplass
for elevar og tilsette. Tilbodet ved skulen må samsvare
med dei unge sine ønske og med behovet i samfunn og næringsliv.
Den samla kompetansen opplæringa gir deg, skal vere eit
godt grunnlag for framtidig yrke eller vidare studium. Kunnskap
kjem deg til nytte, både som yrkesaktiv og som samfunnsmenneske.
HVS ynskjer deg lukke til
i det komande skuleåret!
Les
heile velkomstordet frå rektor
|
HVS 12.08.09.
Biblioteket
- sentralt i kvardagen
Skulebiblioteket er til for deg, og ope for alle som
ynskjer å arbeide med skulearbeid utover vanleg undervisningstid.
Døra er ope frå måndag til fredag, kl. 07:30
- 17:00, alle skuledagar.
Biblioteket vil kunne gi deg som elev mykje hjelp gjennom skuleåret,
så det håper vi du nyttar ut best mogleg. Og så
er det ein særs god arbeidsplass...
Biblioteket tilbyr lydbøker!
Spør bibliotekaren om du får låne ei. Vi
lover deg ei fin oppleving - berre prøv! I tillegg finn
du mange spanande titlar i hyllene.
Ikkje
så glad i bøker?! Å, ein veit aldri... Berre
sjå her!
|
HVS 12.08.09.
Kantina
- skulens sosiale senter
Her får elevane føde for både kropp og sjel!
Varm mat blir servert 3-4 gongar i veka, med god heimelaga kost,
tilpassa elevane sin smak.
Pizzahorn, bollar, heime-baka skuleboller eller skuffekake er
heller ikkje å forakte, meiner elevane, så det går
unna når Gunn overraskar med noko ekstra i disken.
Alle er velkomne, hugs micro’n kan gjøre mykje
med ei elles standard nistepakke...
Velkomen innom!
Les
meir ... |
Lån og stipend frå Lånekassen
Publisert 07.07.09.
Lærebøker og PC-ordning 2009/2010
1. Gratis lærebøker i vidaregåande
skule
Publisert fyrste gong 15.06.09.
| Fylkestinget har vedtatt å innføre
gratis skulebøker til elevar på Vg1, Vg2 og Vg3
frå hausten 2009, uansett utdanningsprogram. Dette er
ei vidareføring av den gratis utlånsordninga som
vart delvis innført hausten 2008.
HVS har difor frå denne hausten innført ei utlånsordning
av lærebøker til alle elevar. Bøkene blir
lånt ut klassevis frå skulebiblioteket ved skulestart.
Vi gjer merksam på at skulebiblioteket sine regler gjeld
for alt lån av bøker, også desse skulebøkene.
|
Skulen stiller med lærebøker
til alle elevar, uansett utdanningsprogram og årstrinn |
2. PC-ordning for Vg1-elevar skuleåret
2009/2010
Publisert 26.06.09. *Oppdatert
03.08.09.
Utdanningsavdelinga melder at komande
skoleår vil du som Vg1-elev kunne velje om du vil ha ein
berbar PC som fylket kjøper inn til deg eller få
eit "PC-stipend" frå fylket for å kjøpe/bruke
eigen PC.
Dei to ulike løysingane, kostnadane og stipend-ordninga,
er nøye forklart på informasjonsida i UngWeb.no.
Merk fristen!
Dersom du vel å kjøpe PC via fylket, må du
registrere deg på UngWeb.no
innan 20.07.09.
Meir informasjon
om ordninga finn du på nettstaden UngWeb.no
Dette er fylket sin viktigste formidlingskanal til
elevar. Er du elev i vidaregåande skule i Møre
og Romsdal, bør du legge denne sida lett tilgjengeleg
under favorittar - eller helst nytte ho som inngangsside på
PC-en din!
Hald deg oppdatert på det som skjer med andre ord!
|
|
Helsetasjon for ungdom - sommaråpen
Sommaren 2009
På helsestasjonen for ungdom kan du snakke
om ting du lurer på, og få hjelp og råd frå
helsesyster, jordmor eller lege. Både lege, jordmor og
helsesyster har taushetsplikt.
Sjølv om det no er sommarferie, er det mogleg å
kome på Helsestasjon for ungdom til gitte tider.
Sjekk heimesida deira: -
Åpningstider i sommarmånadene
|
|
Haram vidaregåande skule
gir deg tilbod innan følgjande utdanningsprogram:
Elektrofag
Helse- og sosialfag
Medium og kommunikasjon
Teknikk og industriell produksjon
Tekniske- og allmenne fag
(TAF-TP/TAF-EL)
Studiespesialisering
og
Påbygging til generell studiekompetanse (Vg3 PB)
|
| |
Postadresse:
Skuleråsa 10, 6270 Brattvåg, Norway.
Telefon: +47-70209600 Telefax: +47-70209601 - E-post: haram.vgs@mrfylke.no
Biletmaterialet er Haram vidaregåande skule og fotografane
sin eigedom.
Vevstyrar og ansvarleg for sidene: Hilde Kristin Aasgaarden.
Vevrådgjevar: Torleiv Austnes
|
|
