- Skulen sitt nærområde har fine fasilitetar å by på.
Næraste naboar er Brattvåg ungdomsskule, med idretts- og symjehall, og Brattvåg IL, med sitt oppdaterte idrettsanlegget. Det er elles kort veg både ned til kommunesenteret, vidare ned i fjøra eller vi tar turen opp i fjellet direkte frå skulen.

- Skulen har pr. 01.08.11. totalt 49 tilsette.
HVS har ein administrasjon som består av 5 personar (rektor, ass.rektor og 3 avd.leiarar) og har 2 konsulentar på kontoret. Det er ein IKT-driftsansvarleg, 1 rådgjevar, 1 fagkonsulent, 1 bibliotekar i 30% stilling, 4 assistentar, 4 reinhaldarar og ein vaktmeister, i tillegg til lærarstaben med lærarar fordelt på ulike utdanningsprogram.

Helsesøster har treffetid på skulen 1/2 dag kvar veke og PPT er tilstades 1 dag per veke.

- Skulen aukar elevtalet
Hausten 2011 startar vi opp med omlag 270 elevar, og dette gjev oss enda ei ny auke i elevtalet. Dette er ei flott utvikling vi er stolte av, og vi vil fortsetje å arbeidar hardt for at dette skal halde seg framover.

Storparten av elevane våre bur heime, men dei som er avhengige av hybel, skaffar seg den forholdsvis greitt. Skulen kan også hjelpe til, då kontorpersonalet har oversyn over hybelsituasjonen i bygda.
Ta kontakt med kontoret 70 20 96 00 anten du har ledig hybel, eller det er du som treng ein plass å bu.