| |
RÅDGJEVARTENESTA
Oppdatert 10.10.06.
Ivar Roald - rådgjevar ved HVS.
Ivar Roald |
Du finn rådgjevarkontoret
i 1. høgda,
dvs. ved vestre inngang i skulebygget.
Kontoret er ope kvar dag, men fordi rådgjevar
og har undervisning, er han ikkje alltid å
finne der. Nærare orientering om når/kva
timar rådgjevar er å treffe, blir
gitt i byrjinga av skuleåret. |
Rådgjevar skal vere elevane til hjelp i spørsmål
om fag, lineval og studieretning. Han skal og gi yrkesrettleiing
og hjelp ved t.d. personlege forhold og problem. Han vil
og kunne hjelpe til med å skaffe spesialisthjelp
t.d. skulepsykolog og skulelege. Oppslag og brosjyrar
om høgare utdanning vil du finne på rådgjevarkontoret
og utanfor kantina. Gi rådgjevar melding om utdanningar
du er interessert i, slik at han kan skaffe brosjyrar
og søknadsskjema i god tid før søknadsfristen
går ut.
Nokon å snakke med
Elevane ved skulen kan ofte ha behov for å snakke
med ein som kanskje ikkje er læraren deira til
dagleg. Sjølv om det ikkje treng å vere
store problem eller konfliktar, kan det vere godt å
stikke innom rådgjevarkontoret for ein prat. Ver
ikkje redd for å "forstyrre" - det er
derfor han er her.
Det blir ikkje rekna som fagfråvære når
ein elev oppsøkjer rådgjevar, meld frå
til faglærar når du går. Du kan og
stikke innom og avtale tid, slik at du kan få
ein samtale i ein av fritimane dine.
Hovudsida
|
|
