HVS

HVS Hovudside

Visjon
Administrasjon
Personale

Biblioteket
Boklister
Diverse informasjon
Mål- og tiltaksplan
Reglement
Skulerute

Storyline ved HVS
Utviklingsarbeid
Yrkesmessa

Kontakt HVS

Elevkvardagen

Kva skjer
Helsetenesta
Rådgjevar

Ut av klasserommet!

Skule + næringsliv
Faglege turar
Aktivitetsdagar

Studietilbod

Studietilbod ved HVS
(Revidert 2006)

Kunnskapsløftet 2006
Læreplanar (alle fag)

Du er her: Skule - næringsliv

HVS og eit internasjonalt næringsliv

Oppdatert 31.05.10.

Haram vidaregåande skule har hatt eit tett samarbeid med næringslivet både i Haram kommune og med nabokommunane. Dette samarbeidet har vore til stades heilt frå skulen vart grunnlagt i 1975. Tradisjonelt har dette samarbeidet vore mest knytt opp mot yrkesfaga, men dei seinare åra har og allmennfag utvida samarbeidet.

Motivasjonskurs for ingeniørutdanning
Deltakarar 2008/2009

Samarbeid SKULE - NÆRINGSLIV i praksis

Haram er kjent for sitt ekspansive næringsliv. Bedriftene i kommunen har og eit godt nettverk og har opparbeidd seg ein omfattande internasjonal kompetanse som skulen får dra nytte av. Over tid har vi hatt mange samarbeidsprosjekt som har vart over tid og utvikla seg i tråd med samfunnet kring oss.

TAF - eit vellukka samarbeidsprodukt
Skulen var og ein aktiv del av det omfattande prosjektet "HARAMSMODELLEN", som var eit samarbeid mellom skule, kommune og næringsliv. Kontakten i det fora har gitt gode idear til utvikling av arbeidsmetodene ved skulen, og samarbeidet har gjort det mogleg for oss å etablere nye utdanningsprogram. Det var blant anna dette samarbeidet som i sin tid la grunnlaget for, og igangsette, studietilbodet Tekniske og allmenne fag (TAF) som har stått fjellstøtt på HVS sidan.

Frå hausten 2009 utvida HVS TAF-tilbodet, og tilbyr i dag både TAF-TIP og TAF-EL.

Motivasjonskurs for ingeniørutdanning,
- frå 1998 og årleg fram til i dag.
I 1998 fekk elevar ved Haram vidaregåande skule tilbod om eit Motivasjonskurs for ingeniør-utdanning. Eit tilbod sett i verk av dåverande prosjekt, "PÅ LAG MED ULSTEIN", med sete i Ulsteinvik. Sidan 1998 har vi vore med,og nå får 8 elevar frå Haram vidaregåande skule og 8 elevar frå Ulstein vidaregåande skule høve til å delta. Kravet er at dei har valt matematikk og fysikk som programfag (tidl. kalla studieretningsfag). Kvart år er søknaden til dette kurset svært stor, for mange vil vere med det spenstige opplegget.

Det har vore ulike bedrifter som er med og finansierer opplegget fullt ut. I alle år har dei nytta stiftinga ”The Smallpeice Trust”, med hovudsete i Birmingham i England, som kursansvarleg. Kurset har vore under kontinuerleg utvikling, og er rett og slett eit fantastisk tilbod til dei av elevane som får innfridd søknaden om deltaking!

Les oppdatert informasjon om kurstilbodet og samandrag frå tidlegare kurs!

Faget EB med ein tidleg start ved Haram vgs;
- International business development - ein ide forut for si tid
Eit anna vellukka produkt av samarbeidet med næringslivet er studietilbodet IBD, forkorting for International business development, som vart utarbeid i perioden 2002/2003, lansert våren 2003. Hausten 2003 fekk elevar på dåverande grunnkurs AF tilbod om valfaget Internasjonalisering, der elevane skulle få innblikk i kva eit internajonalt næringsliv må ta omsyn til, som til dømes god kommunikasjon på tvers av ulike kulturar. Valfaget var ein liten smakebit på studieretningsfaga knytt til IBD, som elevane kunne velje på VKI frå hausten 2004. Under arbeidet med å utvikle studietilbodet IBD (International Business Development) bestemte skulen i samarbeid med lokalt næringsliv og kommune-administrasjonen å bygge opp eit innovasjonsstudio ved skulen. Dette sto klart hausten 2004.

Studieretningsfaget IBD overlevde som fag på HVS fram til reforma knytt til Kunnskapsløftet i 2006 slo inn. No finn ein igjen dei fleste fagelementa og undervisningsopplegga frå IBD i programfaget Etablererkunnskap og bedriftsutvikling, inkludert dei særs gode og noko eksklusive ekskursjonane knytt til universitetet i York (England), samt stadar som Madrid og Brussel.

Lektor II - ordninga gav nye idear inn i skuleåret 2009-2010
Lektor II er eit prosjekt i regi Kunnskapsdepartementet som HVS fekk høve til å vere med i hausten 2009. Dette gav oss puffet til å utvikle nye idear og ressursar til å gjennomføre dei!

Ideane hadde nok vore i lufta ei tid alleiere, så når skuleåret 2009-2010 starta opp, hadde to faglærarar, Torleiv Austnes og Terje Pettersen, planane klare for to delprosjekt for Lektor II; - eit innan programfaget Teknologi og forskningslære og eit innan programfaget Fysikk 1. Kvar for seg svært interessante prosjekt, men bak ligg og ein tanke om fagleg progresjon knytt til praktisk innsikt innan emnet båtdesign. Naturleg for ein skule lokalisert midt i den maritime klynga på Sunnmøre. TAF-elevane som i år fekk delta på fysikkprosjektet, var i fjor gjennom ein variant av båtprosjektet i Teknologi og forskningslære, medan ST-elevane har begge faga inneverande år. Desse elevane har alle no ein auka innsikt i kvardagslivet innan den maritime industrien, som vi trur dei vil ha stor glede av i framtida.
(Sjå meir informasjon under "smakebitar" lengre ned på denne sida).

Informative linkar:
Kunnskapsdepartementet: Nye yrkesgrupper inn i skolen
Naturfagsenteret: Informasjon om Lektor II - ordningen

Smakebitar frå artiklar om samarbeidet finn du her:

Lektor II - prosjekt i Teknologi og forskningslære i full drift
Mars 2010

Elevane våre med faget Teknologi og forskningslære deltakarar i konkurransen Unge skipsdesignarar ved Marinteknisk Senter ved NTNU i Trondheim 12.03.10. Før denne tar til, skal elevane få med seg både NTNU-besøk og anna fagleg påfyll.

Faglærar Torleiv Austnes har gjennomført prosjektet fleire gongar før, men har i år utvida prosjektet for elevgruppa si. Båtbyggjar-prosjektet er no kopla opp mot LEKTOR II i regi Naturfagsenteret

Dette har ført til eit nærare samarbeid med lokalt næringsliv også i dette prosjektet ved HVS. Torleiv Austnes og elevane har samarbeid med Geir Seth, STX Europe, frå planarbeid fram til praktisering. Eit svært fagleg og gjevande samarbeid har med andre ord pågått i lengre tid.

Tysdag 2. mars var det utprøving av båtane i bassenget i Brattvåghallen, og Haramsnytt sin utsendte fulgte opplegget.

Les artikkelen ...

Faglærar Torleiv Austnes og TAF-elev Mattias i konsentrert monteringsarbeid.

Lektor II - prosjekt Krefter i vinsjar i fysikk (FY1)
April 2010

Framføring av løysningsforslag!
Siste delprosjekt i Lektor II - Krefter i vinsjar - er inne i den avsluttande fasen. Onsdag 21. april framførte elevane i FY1 sine løysningar på oppdraget dei fekk frå Rolls Royce Marine i Brattvåg.
I salen satt bedriftsrepresentantane Roar Engås, Reidar Andre Skarbøvik og nn, samt Kenneth Ulla frå Haram Innovasjonsstudio, avd.leiar Hilde K. Aasgaarden og faglærar Terje Pettersen.

Det vart ei interessant økt, der elevane med synleg grad av spenning og stort engasjement la fram resultata sine og forklarte på framifrå vis korleis dei kom fram til desse. At oppdraget var krevande, var det ingen tvil om! Men elevane kom i mål, og det med stil.

Les artikkel av Kenneth Ulla, Haram Innovasjonstudio...

Senthuran er ein av elevane
som tar FY1 i år. Han og gruppa
var i full konsentrasjon om oppdraget
då fotografen var innom.

Bedriftsbesøk med praktisk vri
Det er alltid kjekt å kome ut og sjå korleis ting faktisk fungerer ute i bedriftene, i alle fall etter å ha "slitt" seg gjennom tunge utrekningar.
I dette Lektro II-prosjektet i FY1fekk vi eit flott bedriftsbesøk som avslutning, der elevane fekk innblikk i ting dei ikkje hadde vore borte i før!

Les meir ...

I klasserommet på Rolls Royce ..

EB2-elevar i arbeid ved Vest-Noregs Brüsselkontor
Mars 2010

Elevane med programfaget EB2 har innlagt ein utplasseringsperiode i programmet sitt for 2. termin. Dei fleste elevane vert utplasserte i bedrifter lokalt i Haram og Ålesund, men nokon får høve til å få meir luft under vingane bokstaveleg tala. Etter søknad vert 4 elevar plukka ut til å representere skulen og får reise til Vest-Noregs Brüsselkontor i Brüssel for å arbeide der i 3 dagar.

Les meir ...

Norway House
Vest-Noregs Brüsselkontor

Spanande samarbeid med Aker Yards AS, Brattvåg.

Våren 2006.

Elevar med studieretningsfaget 2IBD gjennomførte i denne våren eit spanande prosjekt i samarbeid med Aker Yards Brattvåg.
Ønsket var å gi elevane våre innsikt i kor internasjonalt, komplisert og omfattande planleggingsarbeid som må til, for å bygge eit skip.
Målet vart nådd.

Les meir ...

Bedriftsbesøk Sparebanken Møre, Ålesund.

09.06.06.

2IBD fekk ein forsmak på neste års pensum då dei besøkte Sparebanken Møre i Ålesund i juni i år.

Les meir ...

Eksterne forelesarar
- spreiar kunnskapen sin til elevar ved HVS.

Jan Petter Eide		Det er viktig å skape variasjon i undervisninga, og det er minst like viktig å kunne skape variasjon i synsvinkel når ein skal hjelpe elevar til å tilnærme seg nytt stoff og skaffe seg innsikt i eit emne. I slike samanhengar er det særs positivt for oss som skule å kunne trekkje inn kapasitetar frå nærmiljøet - personar som velvilleg stiller opp for å bidra med sin kunnskap og som er posistive i sitt møte med ungdommen. Dette verkar inspirerande, både for elevar og lærarar. Les meir ..
Trond Vågnes	Arild Eiken

"Nærvær over avstand"
– forskingsprosjekt i samarbeid med NTNU
Veke 11, 2005.

-Guttorm Ulla -

Haram Innovasjonsstudio og Haram vidaregåande skule hadde besøk av forskarar frå NTNU i samband med prosjektet ”Nærvær over avstand”.

- Dette er eit prosjekt som skal utvikle gode metodar for læring og samarbeid, og som tar i bruk teknologi for å gjere dette over avstand. Bedrifter i Haram har og vist positiv interesse for prosjektet, fortel Guttorm Ulla, leiar for Haram Innovasjonsstudio.

Les meir ...

- Besøk frå NTNU, Trondheim
15.04.04.

J.Røyrvik, G.Ulla,
J.M.Helland og K.Kristensen.

Midt i april kom to representantar frå NTNU til HVS for å presentere "PHYSUAL DESIGNING" for elevar og lærarar på skulen. I tillegg var fleire representantar frå bedrifter, kommune og fylket inviterte.
Det vart eit friskt innspel i utviklingsdebatten.

Les meir...

- Vellykka foredrag av Richard Lewis
02.12.03

- Richard Lewis -

Desember 2003 hadde elevane på grk. AF besøk av kapasiteten Richard Lewis, som har spesialisert seg på interkulturell forretningsforståing.

Han heldt eit drivande foredrag for forsamlinga!

Les meir om besøket ...

Utvida læringsarena
Vi har og på ulike måtar hatt eit fagleg samarbeid med bedriftene og offentlege kontor for å kunne kople undervisninga nærare opp til samfunnet omkring oss. Tradisjonelt har dette vore kortare bedriftbesøk, som vi og set stor pris på å få gjennomføre i dag. Likevel, mykje av det samarbeidet som pågår i dag er av meir omfattande art, med opplegg som strekk seg over lengre tidsbolkar. Dette har skapt nye og spennande læringssituasjonar for elevane våre, og resultert i fleire Comenius-prosjekt og utvekslingsprogram knytt til Leonardo-programmet. Heile vegen har næringslivet og deira representantar vore gode og viktige støttespelarar, som blant anna har bidratt med, foredrag, omvisningar og utplasseringsplassar.
Les meir om utviklingsarbeid ved HVS ...

Her er nokre døme på kontakten med næringslivet i Haram:

Leonardo Da vinci-programmet, oppstart 2005

Prosjekt EuroShip I og II - eit samarbeid mellom Haram vidaregåande skule og Istituto Tecnico Industriale "Arturo Malignani" om utveksling av lærlingar, der lokalt næringsliv står sentralt i begge land. Les meir ...	Verftet Fincantieri, Monfalcone
Besøk av SIU til Brattvåg 06.02.07. I febr.-07 fikk Haram vgs., Rolls-Royce og Aker Yards besøk av to representantar frå SIUi høve Leonardo-prosjektet skulen og lokalt næringsliv samarbeider om. Dette vart eit besøk SIU-direktør Gunn Mangerud og kollegaen hennar,Vidar Pedersen, opplevde som informativt og interessant. Les om besøket på nettsida til SIU ...	Besøk på Rolls-Royce, Brattvåg Vidar Pedersen (gruppeleder for EU-programma ved SIU), SIU-direktør Gunn Mangerud og Rune Hildre ved Rolls-Royce. Foto: Runo Isaksen

VKI Elektro i prøver seg i arbeidslivet, hausten 2005.

Veke 47, 2005.
Elevane frå VKI Elektro-klassa har denne veka vore ute å testa livet som kommande lærlingar i det lokale næringslivet.
Les meir ...

Kurs i varme arbeid, hausten 2005.

29.08.05.
Kurset var arrangert i regi Ressurssenteret ved HVS.
Instruktør denne dagen var Per Jostein Rønning, frå Fiskerstrand Verft.

Les meir ...

Kurs innan elektro, våren 2005.
13.-14.04.05.
Beijer Electronics AS har igjen gjennomført eit innførings-kurs i GX IEC Developer ved HVS.

Invitasjonen gikk ut til både lokalt næringsliv og elevar og lærarar ved GK- og VKI Elektro på HVS.
- Positivt!, seier elevane etter kurset.

Les meir ..

Kurs innan elektro, våren 2004.

Beijer Electronics og elektroavdelinga ved HVS har hatt eit positivt samarbeid våren 2004. Resultatet er to kurs med god nytteverdi for dei under utdanning så vel som dei meir erfarne innan faget.

Les meir ...

Storyline - ein internasjonal opplæringsmetode
Haram vidaregåande skule var ein av to vidaregåande skular i Møre og Romsdal som var med i det nasjonale prosjektet kalla PILOT (Prosjekt; Innovasjon, Læring, Organisering, Teknologi).

Dette prosjektet har medført at vi har tatt i bruk nye måtar å lære på, og vi starta tidleg som ein av få vidaregåande skulane i Noreg å ta i bruk STORYLINE som læringsmetode. STORYLINE var til då ein metode som hadde vore nytta i mange land, men først og fremst på grunnskule og høgskulenivå. Lite hadde vore gjort på vidaregåande skule sitt nivå. Vi valde derfor å prøve ut metoden, og har brukt den både på grunnkurs og VKI allmennefag i alle år sidan.

Ei gruppe lærarar frå skulen og næringslivsleiarar (16 totalt), var og på studietur til Skottland hausten 2001 og fekk opplæring i metoden av Steve Bell, grunnleggjaren av Storyline-metoden. Det er oppretta internasjonale arenaer for å vidareutvikle denne metoden, og vi har vore inne på denne arenaen. Noko vi er stolte av og hatt god nytte av utviklingsmessig.

Les meir om:
- Kva er "storyline" ...
- Storyline ved HVS ...

SITES M2, eit internasjonalt forskingsprosjekt
Skulen, og vår måte å bruke storyline-metoden på, var med i eit internasjonalt forskingsprosjekt (SITES M2), der 4 vidaregåande skular i Noreg vart plukka ut å vere med.
ITU hadde prosjektsvaret i Noreg, medan Standford Universitetet i USA hardde hovudansvaret for prosjektet, der 28 land er med.

EUP og Torino (EUP = Europeisk Ungdomsparlament)
I den vidare PILOT-satsinga, var auka internasjonalisering eit av hovudsatsingsområda i ei vidareføring av ein utvida læringsarena. Elevane hadde gjennom PILOT blitt nytta som ein ressurs, der elev lærer av elev, og der elevane lærer opp andre grupper utanfor skulen. Inspirert av mellom anna dette, søkte skulen om deltaking i EUP, og våren 2002 fekk vi positivt svar.

I november 2002 reiste 5 elevar frå Haram vidaregåande skule og 5 frå Melhus videregående skole til Torino for å representere Noreg på den Europeiske ungdomsparlament.
Kvar av skulane hadde med ein lærar som følgjer elevane.

Les meir om EUP og opphaldet i Torrino

Utanlandsturar
Skulen har opp gjennom historia hatt tradisjon for at elevar på VKII-allmennefag har hatt ein utanlandstur i løpet av året. Her kan nemnast turar til England, Tsjekkia, Tyskland og Island. Desse turane har vore knytt opp mot ulike fag, og elevane har lagt ned ein stor innsats i førbuingsarbeid både med tanke på sjølve arrangeringa av turen og den faglege innkjøringa før avreise.

Referat etc. frå slike turer vil bli lagte ut etterkvart under "Faglege turar", så vi tilrår å kike innom der!

Reykjavik

Lokale aviser
Etter at arbeidet med heimesida kom i gong for alvor, har vi og hatt kontakt med lokal presse. Avisene i nærmiljøet, Haramsnytt, Bygdebladet og Sunnmørsposten, har vore positive når vi har tatt kontakt og ønska oss kopiar av artiklar som omtalar skulen og aktiviteten her.
Eit samarbeid vi set pris på.

Hovudsida